Sameiningin - 01.10.1961, Blaðsíða 36

34
Sameiningin
ritningargrein, séra Sigurjón Þ. Árnason hélt vígsluræðuna
og lagði síðan fimm spurningar fyrir kristniboðaefnin og
svöruðu þau þeim eftir því, sem við átti, fjórum játandi og
einni neitandi. Að því loknu lögðu prestarnir og leikmenn-
irnir tveir hendur yfir þau og báðu fyrir þeim og starfi
þeirra. Að lokum flutti hinn nývígði kristniboði Gísli Arn-
kelsson stutta ræðu.
Er athöfninni var lokið og kristniboðarnir gengu úr
kirkju, óskuðu kirkjugestir, sem voru margir, þeim til
hamingju með vígsluna. Hinir nývígðu kristniboðar munu
halda utan 7. júní og koma til Addis Abeba, höfuðborgar
Eþíópíu 14. júní. Með þeim verða tvö börn þeirra, Guðlaugur,
fimm ára, og Valgerður Arndís, þriggja ára. Er gert ráð
fyrir að þau hjónin dvelji í Konsó 5 ár.
Islenzka kristniboðsstöðin í Konsó er nú rekin af hjón-
unum Margréti Hróbjartsdóttur og Benedikt Jasonarsyni og
þar dvelur einnig færeysk hjúkrunarkona, en Ingunn Gísla-
dóttir hjúkrunarkona, sem hefur starfað þar í tæp 5 ár, er
nú heima í hvíldarleyfi. Jóhannes Ólafsson læknir, sem
fór utan í fyrra, kemur til með að starfa í sambandi við
stöðina.
Blaðið átti í gær stutt samtal við Gísla Arnkelsson og
spurði hann fyrst, hvað hefði orðið til þess að þau hjónin
völdu sér þetta óeigingjarna starf.
— Guð felur sérhverjum manni að vinna ákveðin störf.
Jesús fól lærisveinum sínum að útbreiða fagnaðarerindið
og þannig vinna sumir að því hér heima, en aðrir úti á
meðal heiðingjanna.
—• Hvers vegna völduð þið hjónin að starfa meðal heið-
ingj anna?
— Hugur okkar beindist í þá átt fyrir mörgum árum,
og við fengum köllun til þess að starfa meðal þeirra.
— Hvaða starf höfðuð þér áður?