Sameiningin - 01.04.1941, Page 17

63
sem hann nefndi “School and Parish Service Book and
Hymnal.” Bar sú bók sterkan vott um ágætan smekk hans,
söngfræðilegan og kirkjulegan. Alla sína löngu æfi barðist
hann fyrir góðum kirkjusöng. Hann sá um útgáfu barna-
söngbókar. Hann samdi sjálfur allmörg sálmalög ásamt
stærri hljómlistarverkum, alt saman kirkjulegt.
En einna merkast af öllu starfi hans, var það sem hann
vann að guðsþjónustuformi lútersku kirkjunnar í Ameríku.
Félag'ið, sem vér höfum nú tengst, United Lutheran Church
in America, var myndað með sameining þriggja kirkjufé-
laga: “General Synod,” “General Council” og “United Synod
of the South.” Nokkru áður en þau sameinuðust varð það
ályktun þeirra að leitast við að eignast sameiginlegt guðs-
þjónustuform. Öll þessi kirkjufélög kusu menn í nefnd til
að framkvæma þetta verk. Sú nefnd var slcipuð mörgum
ágætustu mönnum lútersku kirkjunnar í Vesturheimi. Dr.
Ohl var einn þeirra, varð meðlimur nefndarinnar árið 1885.
Vann hann þar frábært verk, og hefir það orðið einn sterk-
asti þátturinn í því að sameina lúterska menn á þessu
meginlandi. Það var leyst af hendi með frábærri vandvirkni
og í þeim anda sem einkendi lútersku siðbótina. Lúter
og samverkamenn hans báru djúpa virðingu fyrir kaþólsku
kirkjunni, hinni almennu kristnu kirkju. Það varð megin-
regla hjá þeim mönnum að kasta engu hurt úr kirkjunni
nema því, sem væri í beinni mótsetning við Guðs orð. Þeirri
regtu var beitt við guðsþjónustuformið. Leitast var á allan
hátt við að varðveita þar alla sanna tign gamla guðsþjón-
ustuformsins. Þannig voru sniðnar tíðareglur lútersku
kirkjunnar á Þýzkalandi, og' önnur lútersk lönd fengu þar
sína fyrirmynd. Það varð því niðurstaða sameiginlegu
nefndarinnar hcr í álfu að rannsaka nákvæmlega öll guðs-
þjónustuformin á Þýzkalandi á 16. öld og finna í þeim það
sem var sameiginlegt. Þannig varð til guðsþjónustuform
United Lutheran Church in America. Það nefnist á ensku
máli “Common Service” (sameiginleg guðsþjónusta) og
sálmabókin, “Common Service Book.” Þar sem það er
notað í sinni fullkomnu mynd, ekkert skorið úr því, þar sem
trú og' list sameina krafta sína, þar sem söngflokkur er góð-
ur, þar sem söfnuður er lifandi, sem ekki liggur á liði sínu
með að syngja Guði lof og dýrð, þar skapa þessar tiðareglur
dýrðlega guðsþjónustu.
Nú er þessi mikli maður horfinn af starfssviði jarð-