Fréttablaðið - 03.03.2011, Blaðsíða 31

FIMMTUDAGUR 3. MARS 2011KYNNING
Matarhátíðin Food and
Fun hefst í tíunda skipti á
miðvikudaginn næstkomandi
og verður með veglegasta
móti í tilefni afmælisins.
Matarhátíðin Food and Fun verður
haldin í tíunda skipti í Reykjavík
dagana níunda til þrettánda mars.
Fjöldi nafntogaðra erlendra mat-
reiðslumanna mun sækja landið
heim og glæða borgina lífi.
Matreiðslumeistarinn Sigurður
Hall hefur staðið að baki hátíðinni
frá upphafi ásamt félaga sínum
Baldvini Jónssyni. „Baldvin hafði
gengið með þessa hugmynd í mag-
anum um nokkurt skeið og nefnt
hana við mig. Það var samt ekki
fyrr en í kringum aldamótin síð-
ustu að forsvarsmenn Icelandair
lýstu sig reiðubúna til að vera með
en aðkoma flugfélags var í raun
forsenda þess að gera þetta mögu-
legt. Þetta var skömmu eftir árás-
ina á tvíburaturnana árið 2001.
Ferðamennska lá niðri og ljóst að
það þurfti átak til að koma henni
af stað á ný. Hátíðin var liður í því
en helsti tilgangur hennar er að
laða erlenda aðila til landsins og fá
umfjöllun um íslenskar landbún-
aðarafurðir, hreinleikann, öryggið
og landsins gæði. Það hefur tekist
og er varla fjallað um landið í dag
án þess að minnast á matinn sem
einkennir okkur,“ segir Sigurður.
Fyrirkomulag hátíðarinnar
hefur frá upphafi verið þannig að
erlendir kokkar sækja landið heim
og matreiða úr íslensku hráefni í
einhvers konar blöndu af keppni og
skemmtun. „Þeim er parað saman
við íslenska veitingastaði sem hafa
svipaðar áherslur og þeir sjálfir
og er þeim falið að útbúa fjögurra
rétta máltíð. Almenningur getur
svo valið á milli sautján veitinga-
staða að þessu sinni en alls staðar
kostar matseðillinn það sama, eða
6.900 krónur.“ Sigurður gerir ráð
fyrir því að allt að 20.000 gestir
muni sækja veitingastaði borgar-
innar á meðan á hátíðinni stendur.
Fyrirkomulag keppninnar verð-
ur með breyttu sniði í ár en kokk-
arnir munu keppa í þremur riðl-
um. Sigurvegararnir í hverjum
riðli fyrir sig keppa síðan sín á
milli laugardaginn 12. mars. Þaul-
reyndir dómarar mæta til leiks en
þeirra á meðal eru menn á borð við
Jeffrey Buben, Robert Wiedmayer
og Jeff Tunks frá Washington en
þeir hafa unnið með Sigurði og
Baldvini að hátíðinni frá upphafi.
Um er að ræða þungavigtarmenn
á sínu sviði en Jeff Tunks er meðal
annars einn af þekktustu mat-
reiðslumönnum Bandaríkjanna.
Í verkahring dómaranna er einn-
ig að sjá um fjögurra rétta hátíð-
armatseðil í Súlnasal Hótel Sögu
á laugardagskvöldið en þar verð-
ur hátíðardagskrá í tilefni afmæl-
isins.
Sigurður segir Food and Fun
hátíðina fyrir löngu hafa sann-
að gildi sitt. „Hún er orðinn jafn
fastur liður og páskarnir, verslun-
armannahelgin og 17. júní og er
sannarlega komin til að vera.“
Hátíðin hefur sannað sig og fest rætur
Þeir Sigurður og Baldvin hafa haft veg og vanda af hátíðinni frá upphafi. MYND/STEFÁN
● Food and Fun var fyrst
haldin í Reykjavík árið 2002.
● Helstu skipuleggjendur
hennar frá upphafi hafa verið
þeir Baldvin Jónsson og Sig-
urður Hall ásamt starfsfólki
Icelandair.
● Margir nafntogaðir innlend-
ir og erlendir matreiðslumeist-
arar hafa tekið þátt og er mikil
eftirspurn eftir því að fá að vera
með.
● Hátiðin hefur skapað sér
nafn sem mikilvægur alþjóð-
legur viðburður á sviði mat-
reiðslu.
● Fyrsta árið tóku tólf veitinga-
staðir þátt í hátíðinni en í ár eru
þeir sautján.
● Gert er ráð fyrir því að 20
þúsund gestir muni sækja veit-
ingastaði borgarinnar á meðan
á hátíðinni stendur.
● Blásið verður til hátíðar-
kvöldverðar í Súlnasal Hótel
Sögu í tilefni af afmælinu.
Dómarar keppninnar útbúa
matseðilinn.
● Helstu bakhjarlar Food and
Fun eru Icelandair, Íslenskur
landbúnaður, Reykjavíkurborg
og Iceland Naturally.
FRÓÐLEIKSMOLAR