Fréttablaðið - 10.03.2011, Blaðsíða 30

10. MARS 2011 FIMMTUDAGUR2 ● veislumatur
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Bendikt Freyr Jónsson benediktj@365.is s. 512 5411
og Hlynur Þór Steingrímsson hlynurs@365.is s. 512 5439.
Samlokubakki Saffran
Fyrirtækið Saffran hefur rekið
veisluþjónustu á Dalvegi í
Kópavogi í eitt og hálft ár og
er þegar búið að sanna sig á
því sviði. Áherslurnar eru þær
sömu og á veitingastöðum
þess í Glæsibæ og á Dalvegi,
að halla sér að því sem hollara
reynist.
„Við erum trúir þeirri stefnu sem
við mörkuðum okkur í upphafi
að sniðganga hvítt hveiti, majo-
nes, beikon og mikið brasaðan
mat,“ segir Haukur Víðisson, eig-
andi og framkvæmdastjóri Saffr-
an. Fyrirtækið fagnar tveggja
ára afmæli um þessar mundir því
það hóf rekstur veitingastaðar í
Glæsibæ um miðjan mars 2009.
Síðan bætti það öðrum við á Dal-
veginum, ásamt veisluþjónustunni.
„Þetta hefur svona vaxið hægt og
bítandi,“ segir Haukur og brosir.
Starfsfólk Saffran lagar meðal
annars allar marineringar og
sósur sjálf. „Við höldum okkur
við það sem er hollt, samkvæmt
okkar bestu vitund,“ segir Hauk-
ur og tekur fram að þrátt fyrir það
sé um ferskan og flottan veislu-
mat að ræða, humar og lamb svo
nokkuð sé nefnt. „Við höfum leik-
ið okkur að því að þróa og útbúa
skemmtilega og ljúffenga veislu-
rétti sem eru líka hollir heilsunni,
miðað við það sem við höfum lært
í gegnum tíðina án þess að við sem
vinnum hér séum næringarfræð-
ingar eða heilsulæknar.“
Hvað skyldi svo Haukur og hans
fólk nota helst til að bragðbæta
með. „Við marinerum kjötið í jóg-
úrt og skyri og notum það hráefni
mikið í okkar sósur, þar sem ann-
ars væri notað majones. Jógúrt og
skyr er fitulítil vara en full af pró-
teini. Svo eru það fersk krydd sem
við notum eftir smekk.
En eiga hollir réttir upp á pall-
borðið hjá Íslendingum þegar þeir
vilja gera vel við sig? „Það er auð-
vitað allur gangur á því,“ viður-
kennir Haukur. „Sumir eru ekkert
að spá í hollustu og telja kannski
að veisla sé það sama og sukk, sem
er auðvitað mesti misskilningur.
Fæða úr hreinum og ferskum hrá-
efnum bragðast auðvitað konung-
lega ef rétt er að farið.“
Haukur segir kynin ekki virð-
ast alveg samstíga í matarsmekk
sínum. „Þeir viðskiptavinir sem
hringja mest hingað eru konur
sem stjórna eða sjá um deildir í
fyrirtækjum og panta inn veiting-
ar fyrir fundi. Þær eru fyrri til að
kveikja á hollustunni en karlmenn
en þeir hljóta að komast á bragð-
ið.“
Veisla er ekki það sama og sukk
Oddur Smári Rafnsson, yfirmatreiðslumaður og rekstrarstjóri, Davíð Magnússon, bakari og aðstoðarrekstrarstjóri, og Eyjólfur
Gísli Jónsson, yfirmaður veisluþjónustu. MYND/VALLI
Hvítlauksristaður humar á sellerýrótarmauki með truffluangan, nauta-tataky með Dijon-soya og piri-piri-
lamb á sætkartöflubeði. MYND/KRISTJÁN MAACK
● Naanwich með SAFFRAN-kjúklingi, shiraz-salati og jógúrtsósu
● Naanloka með teriyaki-kjúklingi, grilluðu egg-
aldini og frisee-salati
● Naanloka með toscana-skinku, sherrý-
tómötum og dijon-sinnepi
● Naanloka með reyktum laxi, lár-
peru-rjómaosti og lollorosso-
salati
● Naanloka með piri-piri-
kjúklingi, papriku- og hun-
angslárperusósu
● Naanloka með SAFFRAN-
kjúklingi, grilluðum lauk og
jógúrtsósu
MYND/KRISTJÁN MAACK
Súkkulaðibollar,
fylltir með
ástaraldinkremi.