Fréttablaðið - 10.03.2011, Blaðsíða 47

FIMMTUDAGUR 10. mars 2011 31
Þýska forlagið Steidl hefur endurnýjað
samninga á fimmtán verkum Laxness
í Þýskalandi, sem það hyggst gefa út í
tengslum við þátttöku Íslands á bókasýning-
unni í Frankfurt í haust. Bækurnar sem um
ræðir eru Ungfrúin góða og húsið, Vefarinn
mikli frá Kasmír, Kristnihald undir jökli,
Atómstöðin, Sjö töframenn, Fótatak manna,
Gerpla, Sjálfstætt fólk, Íslandsklukkan,
Paradísarheimt, Guðsgjafaþula, Brekkukots-
annáll, Heimsljós, Innansveitarkrónika og
Salka Valka.
Gerhard Steidl hjá Steidl Verlag segir að
það sé útgáfunni metnaðarmál að gefa verk
Laxness út í Þýskalandi og heiður og ánægja
að gera verk hans aðgengileg á þýsku. Fyrir-
tækið hefur einnig tryggt sér útgáfurétt í
Þýskalandi á Alþýðubók Laxness og nýju
safni af ritgerðum skáldsins.
Bækur Halldórs hafa verið þýddar yfir á
meira en fjóra tugi tungumála og gefnar út
í á sjötta hundrað útgáfum um heim allan.
Enskur útgefandi bókanna, Random House,
dreifir bókum Laxness til yfir 50 landa.
Samkvæmt upplýsingum frá Forlaginu hefur
einnig verið nýlega samið um útgáfu Gerplu
í Bandaríkjunum og Tékklandi og um arab-
íska útgáfu á Brekkukotsannál gegnum líb-
anska forlagið Arab Scientific Publisher.
HALLDÓR LAXNESS Þýska forlagið Steidl hefur
endurnýjað útgáfurétt sinn á fimmtán bókum
eftir Nóbelsskáldið í tengslum við bókamess-
una í Frankfurt í haust.
Endurvakinn áhugi á Laxness í Þýskalandi
Leikfélag Kópavogs frumsýnir
farsann Bót og betrun annað
kvöld. Verkið er eftir Michael
Cooney, son gamanleikjaskálds-
ins Ray Cooney, höfundar Nei,
ráðherra sem er einmitt sýnt
í Borgarleikhúsinu um þess-
ar mundir. Hörður Sigurðsson
þýðir og leikstýrir.
Bót og betrun segir frá Eric
Swan, sem grípur til bótasvika
þegar hann missir vinnuna.
Svindlið fer hins vegar úr bönd-
unum og Eric kemst að því að
það er stundum einfaldara að
komast á bætur en af. Að end-
ingu er hann rígfastur í eigin
lygavef og vandinn vex með
hverri viðleitni hans til að snúa
við blaðinu.
Leikritið er sýnt í Leikhúsinu
við Funalind. Hverjum miða
fylgir svonefnd hláturtrygging;
þeir sem kannast alls ekki við að
hafa verið skemmt á sýningunni
fá miðann endurgreiddan. Nán-
ari upplýsingar má finna á vef-
síðu leikfélagsins kopleik.is.
Bót og betrun
í Kópavogi
ÚR BÓT OG BETRUN Bótasvindlari festir
sig kyrfilega í eigin lygavef.
Keðjuverkin nefnist sýning
Helga Más Kristinssonar mynd-
listarmanns sem opnuð verður í
Listasafni Reykjavíkur, Hafnar-
húsi, klukkan 17 í dag.
Þar verða sýnd málverk og
skúlptúrar sem Helgi Már hefur
unnið að síðastliðna mánuði.
Helgi hefur aðallega einbeitt
sér að abstrakt málverkinu með
sterkum áhrifum frá graffítí og
götulist borgarlandslagsins.
Helgi býr og starfar í Reykja-
vík, en hann útskrifaðist frá
LHÍ árið 2002 og hefur sýnt á
einka- og samsýningum auk
þess að starfa sem sýningar-
stjóri og verkefnastjóri, meðal
annars hjá Listasafni Reykja-
víkur.
Sýningin stendur til 10. apríl.
Sýningarstjóri er Yean Fee
Quay. Helgi Már verður með
leiðsögn um sýninguna á sunnu-
dag klukkan 15.
Keðjuverkun í
Hafnarhúsinu
FRUMSÝNING Í KVÖLD
EFTIR HENRIK IBSEN
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI
UMRÆÐA
ÚR SÝNGINGUNNI Helgi sækir innblástur
í graffítíverk og götulist borgarlands-
lagsins.