Fréttablaðið - 17.03.2011, Blaðsíða 30

17. mars 2
„Ég hugsaði fötin fyrir herra, en
sneið klæðin þó þannig að bæði
kyn gætu klæðst þeim,“ segir
fatahönnuðurinn Bóas Kristjáns-
son, sem er nú að leggja lokahönd
á nýja fatalínu. Hún samanstendur
af prjónafatnaði, sem hann hefur
mestmegnis unnið með, jökkum,
buxum og skyrtum og er því fyrsta
heildstæða línan sem hann sendir
frá sér.
Bóas og hans fólk vinnur nú að
henni í nýrri vinnustofu sem hann
hefur komið sér upp í Kópavogi. Sú
gamla, við Bankastræti, rúmaði
ekki lengur alla starfsemina. „Nei,
mig vantaði tilfinnanlega stærra
rými fyrir vinnsluna og starfsfólk-
ið. Þegar mér bauðst þetta 240 fer-
metra húsnæði hoppaði ég á það og
er nú kominn með allt undir eitt
þak, sem er mikil hagræðing,“
segir hann og bætir við að hönn-
unin og hluti saumaskaparins fari
þar fram en framleiðslan að miklu
leyti ytra.
Bóas er með ýmislegt fleira í
pípunum. Á næsta leiti er tísku-
sýning í Austurbæjarskóla. „Hana
ber upp á sama tíma og Reykjavík
Fashion Festival, er svona viðburð-
ur utan dagskrár,“ segir hann og
kveðst lengi hafa dreymt um að
sýna í húsnæðinu. „Aðkoman og
aðstaðan er fullkomin því þarna
er meðal annars 60 metra langur
gangur sem hentar mjög vel til að
sýna föt.“
En hvað á að sýna? „Ég mun gefa
smá sýnishorn af nýju vorlínunni
fyrir 2012 í bland við vöru sem ég
vinn sérstaklega fyrir heimamark-
að,“ segir hann og bætir við að það
sé gjöfult að geta unnið að sér-
verkefnum fyrir íslenskan mark-
að meðfram því að þróa heila línu.
Fram undan sé svo mikil vinna við
að koma henni á framfæri erlendis
en þegar hafi verið unnin töluverð
forvinna sem eigi eftir að skila sér.
roald@frettabladid.is
Leggur lokahönd á nýja línu
Fatahönnuðurinn Bóas Kristjánsson hefur í nógu að snúast um þessar mundir. Hann hefur komið sér
upp vinnustofu í stóru iðnaðarhúsnæði í Kópavogi og er þar að ljúka við nýja fatalínu fyrir vorið 2012.
Ingunn Brynjólfsdóttir klæðskeri og Bóas Kristjánsson að störfum í nýju vinnustofunni í Kópavogi. FRÉTTABLAÐIÐ/VALLI
Litli svarti kjóllinn er fyrirbæri sem hefur ekki
farið úr tísku frá því Coco Chanel hannaði hann
árið 1916. Hann hlaut alþjóðlega útbreiðslu eftir
að hafa birst í Vogue árið 1926.
Augnháralitur og augnbrúnalitur
Tana® Cosmetics
SÖLUSTAÐIR: APÓTEK OG SNYRTIVÖRUVERSLANIR
NÝTT!!
Plokkari með ljósi
vertu vinur á facebook
Full búð af
nýjum og
flottum fötum
Erum fluttar í
Skeifuna 8