Fréttablaðið - 17.03.2011, Page 54

17. mars 2011 FIMMTUDAGUR38
tonlist@frettabladid.is
TÓNNINN GEFINN
Trausti Júlíusson
Raftónlistarmaðurinn Sigurbjörn Þorgrímsson, betur þekktur sem
Bjössi Biogen, féll frá fyrir rúmum mánuði. Hann var einn af atkvæða-
mestu og áhrifaríkustu raftónlistarmönnum Íslands. Bjössi, sem var
fæddur 1976, byrjaði ferilinn í dúóinu Ajax ásamt Þórhalli Skúlasyni
(DJ Thor) í upphafi tíunda áratugarins. Þeir gerðu saman lög sem komu
út á safnplötunum Icerave (1992), Egg 94 (1994)og Icelandic Dance
Sampler (1996), það þekktasta er hardcore-smellurinn Ruffige sem
margir telja eitt af bestu dans-
tónlistarlögum Íslandssögunnar.
Bjössi tók upp Biogen-nafnið
á Egg 94 og notaði það að mestu
upp frá því, þó að hann hafi
líka notað önnur nöfn, t.d. Aez
og Babel. Á þeim átján árum
sem Biogen starfaði gerði hann
mikið af tónlist og einhver hluti
hennar kom út á plötum. Hann
gerði a.m.k. þrjár plötur í fullri
lengd; – Etern alizer kom út hjá
Uni:Form 1999. Árið 2002 gaf
hann út You Are Strange og ári
síðar kom Mutilyn. Auk þess átti
hann lög á safnplötum, m.a. hjá
Thule, Elektrolux og Kitchen
Motors. Síðustu ár var hann ein
af aðalsprautum Weirdcore-
hópsins sem hefur staðið fyrir
mörgum tónleikum og sent frá sér þrjár safnplötur sem Biogen átti lög
á. Tónlist Bjössa þróaðist mikið og kom við í mörgum helstu stefnum
raftónlistarinnar. Hún var stundum sveimkennd og lágstemmd, stund-
um hörð og aggressíf. Stundum dansvæn, stundum ekki, en alltaf leit-
andi og framsækin. Biogen var líka mikill húmoristi og það heyrist í
sumum verka hans.
Bjössi Biogen var frumkvöðull og hafði mikil áhrif á raftónlistarsen-
una. Það er samt ólíklegt að þú finnir mikið af tónlistinni hans í næstu
plötubúð. Mörg þekktustu laga hans má samt heyra á YouTube og bæði
You Are Strange og Mutilyn eru til á gogoyoko og Icerave á Tónlist.is.
Auk þess er efni með honum á SoundCloud.
Næsta laugardagskvöld verða haldnir sex tíma tónleikar til heiðurs
Biogen í Tjarnarbíói. Þar koma fram margir af fremstu raftónlistar-
mönnum þjóðarinnar sem jafnframt voru vinir og félagar Bjössa. Þar
á meðal eru Thor, Ruxpin, Quadruplos, Skurken, Futuregrapher, Frank
Murder, Yagya, Agzilla, Stereo Hypnosis og Marlon og Tanya Pollock.
Tónleikarnir hefjast klukkan 18.00 og standa til miðnættis.
Frumkvöðuls minnst
BIOGEN Bjössa Biogen verður minnst með
stórtónleikum í Tjarnarbíói á laugardags-
kvöldið.
> PLATA VIKUNNAR
Sin Fang - Summer Echoes
★★★★
„Þéttofið og hljómfagurt popp
frá Sindra úr Seabear.“ - TJ
> Í SPILARANUM
The Vaccines - What Did You Expect From The
Vaccines?
R.E.M. - Collapse Into Now
James Blake - James Blake
Bibio - Mind Bokeh
Elbow - Build a Rocket Boys!
THE VACCINES ELBOW
Angles, fjórða plata The
Strokes, kemur út í næstu
viku. Hljómsveitin hefur
boðið aðdáendum sínum
upp á að hlusta á plötuna
á heimasíðu sinni síðustu
daga. Atli Fannar Bjarka-
son renndi yfir hana og
skoðaði tilurð hennar.
Albert Hammond Jr., gítarleik-
ari The Strokes, útskýrði í við-
tali við tímaritið Rolling Stone að
nafn væntanlegrar plötu The Stro-
kes, Angles eða Vinklar, ætti að
gefa til kynna að fimm tónlistar-
menn hefðu unnið plötuna saman.
Platan kemur út í næstu viku, en
rúmlega fimm ár eru síðan síð-
asta plata hljómsveitarinnar kom
út. Nafn plötunnar virðist tengj-
ast því að fréttir bárust reglulega
af deilum innan hljómsveitarinn-
ar þegar vinna að henni stóð yfir.
Það virðist við fyrstu hlustun ekki
koma niður á plötunni, sem er
heilsteypt og hljómar eins og hún
sé gerð af samrýndri hljómsveit.
Ýmislegt gekk á við vinnslu
plötunnar. Hún átti fyrst að koma
út seint árið 2009, en ágreiningur
innan hljómsveitarinnar um hvort
lögin væru tilbúin eða ekki varð
til þess að útgáfunni var frest-
að. Þá átti upptökustjórinn Joe
Chicarelli að stýra upptökum á
plötunni. Hann hefur unnið með
hljómsveitum á borð við U2, My
Morning Jacket og The Shins, en
meðlimir The Strokes voru ekki
ánægðir með hann, slitu sam-
starfinu og hentu nánast öllum
upptökunum. Chicarelli stýrði því
aðeins upptökum á einu lagi sem
endaði á plötunni og var það loka-
lagið Life Is Simple in the Moon-
light. Hljómsveitin byrjaði upp
á nýtt í hljóðveri gítarleikarans
Alberts Hammond Jr. með upp-
tökustjóranum Gus Oberg, sem
kláraði plötuna.
Bassaleikarinn Nikolai Fra-
iture sagði í viðtali við Rolling
Stone að Angles væri afturhvarf
til einfaldleikans sem einkenndi
fyrstu plötu The Strokes, Is This
It. Fraiture hefur rétt fyrir sér að
einhverju leyti. Lagasmíðarnar á
Angles eru vissulega ekki flókn-
ar, enda hefur The Strokes aldrei
gert tilraunir til að finna upp hjól-
ið. En það eru tíu ár á milli Is This
It og Angles og það heyrist vel.
Hljómsveitin leikur sér með stíl-
inn á Angles og skemmtileg notk-
un á hljóðgervlum er áberandi.
The Strokes er löngu búin að
sanna sig sem ein af merkustu
hljómsveitum sinnar kynslóðar.
Við fyrstu hlustun virðist Angles
aðeins ætla að auka hróður hljóm-
sveitarinnar. atlifannar@frettabladid.is
Fimm vinklar The Strokes
DEILUR Fréttir bárust reglulega af deilum innan The Strokes á meðan vinna að nýju plötunni stóð yfir. NORDICPHOTOS/GETTY
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
Sæti Flytjandi Lag
1 Sjonni Brink ..................................................... Aftur heim
2 Adele ................................................ Rolling In The Deep
3 Magni .....................................................Ég trúi á betra líf
4 Valdimar Guðmunds & Memfism .. Okkar eigin Osló
5 P!nk ............................................................. F**kin’ Perfect
6 Bubbi Morthens................................................... Ísabella
7 Bruno Mars ..........................................................Grenade
8 Jessie J ..................................................................Price Tag
9 Friðrik Dór ásamt Audda & Sveppa.................. Sjomle
10 Rihanna ........................................................................ S&M
Sæti Flytjandi Plata
1 Skálmöld ...................................................................Baldur
2 Ýmsir ...................... Söngvakeppni Sjónvarpsins 2011
3 Sin Fang ................................................. Summer Echoes
4 Ýmsir ..........................................................Það er bara þú
5 Justin Bieber ....................................................My Worlds
6 Jónas Sigurðsson .................................... Allt er eitthvað
7 Elly Vilhjálms .......................................... Heyr mína bæn
8 Bjartmar og Bergrisarnir .........................Skrýtin veröld
9 Hjálmar .................................................Keflavík Kingston
10 Jónsi ..................................................................................Go
Rapparinn Nate Dogg er látinn, 41 árs
að aldri. Dánarorsök hans er óljós en
rapparinn hafði tvívegis fengið hjarta-
áfall á undanförnum árum.
Nate Dogg hét réttu nafni Nathaniel
Dwayne Hale og ólst upp á Long
Beach í Kaliforníu. Hann
ólst upp með köppum á
borð við Snoop Dogg og
Warren G en vakti fyrst
á sér athygli þegar hann
rappaði á sígildri plötu
Dr. Dre, The Chronic.
Árið 1994 slógu hann og
Warren G í gegn með
laginu Regulate. Hann
átti síðar eftir að vinna
með listamönnum á borð
við Eminem, Tupac Shakur, Ludacris og
Mark Ronson.
Nate Dogg sendi frá sér þrjár sóló-
plötur á ferlinum og hlaut fjórum
sinnum tilnefningu til Grammy-verð-
launanna. Sú síðasta kom árið 2007 fyrir
framlag hans í Eminem-laginu Shake
That.
„Við höfum misst sanna goð-
sögn í hiphoppi og R&B,“ skrif-
aði Snoop Dogg félagi hans á
Twitter þegar hann fékk frétt-
irnar. Fjölmargir þekktir tón-
listarmenn hafa vottað Nate
Dogg virðingu sína eftir and-
lát hans.
Nate Dogg látinn
FALLINN FRÁ Rapparinn Nate
Dogg er látinn, 41 árs að aldri.
TÓNLISTINN
Vikuna 3. febrúar - 9. febrúar 2011
LAGALISTINN
Vikuna 3. febrúar - 9. febrúar 2011
– fylgir Fréttablaðinu á morgun
Flutti heim eftir 15
ára búsetu erlendis
Sigga Heimis hönnuður starfaði hjá IKEA í
mörg ár og hannaði margt sem finna má á
íslenskum heimilum.