Fréttablaðið - 17.03.2011, Blaðsíða 66

17. mars 2011 FIMMTUDAGUR50
Meira í leiðinniWWW.N1.IS / SÍMI 440 1000
Nú taka línurnar að skýrast í handboltanum. Fjölmargir spennandi leikir verða í boði á
morgun og um helgina, ekki síst í lokaumferðinni hjá stelpunum. Mætum öll á völlinn
og styðjum okkar lið til sigurs
SPENNAN MAGNAST
Í BOLTANUM
N1 DEILD KARLA
Selfoss – Akureyri Selfossi Fim. 17. mars kl. 18:30
Valur – Fram Vodafone höllinni Fim. 17. mars kl. 19:30
Haukar – HK Ásvöllum Fim. 17. mars kl. 19:30
FH – Afturelding Kaplakrika Fim. 17. mars kl. 19:30
N1 DEILD KVENNA
Fram – Grótta Framhúsi Fim. 17. mars kl. 18:00
ÍBV – Valur Vestmannaeyjum Lau. 19. mars kl. 13:00
FH – Haukar Kaplakrika Lau. 19. mars kl. 16:00
ÍR – HK Austurbergi Lau. 19. mars kl. 16:00
Fylkir – Stjarnan Fylkishöll Lau. 19. mars kl. 16:00
FÓTBOLTI Árshátíð knattspyrnu-
dómara í Úthlíð fyrr í þessum
mánuði fór úr böndunum þegar
að nokkrir af
reyndari dóm-
urum í hópnum
tóku nýliðana
fyrir í busa-
vígslu.
Þórir Hákon-
arson fram-
kvæmdastjóri
tók fyrir dóm-
ara úr þessum
hópi í gær og
veitti þeim áminningu.
„Ég held að þarna hafi menn
farið yfir strikið,“ sagði Þórir
í kvöldfréttum Stöðvar 2 í gær.
„Dómarar hafa brugðist trúnaði
gagnvart hver öðrum og eðlilega
eru menn ekki sáttir við hvað
þarna fór fram. Við tókum þá
dómara sem í hlut áttu fyrir og
veittum þá áminningu.“
Þórir sagði dómarana hafa
beðið viðeigandi afsökunar.
Árshátíð úr böndunum:
KSÍ tók dómara
á teppið
ÞÓRIR
HÁKONARSON
FÓTBOLTI Stefán Gíslason hefur
loksins fengið lausn sinna mála
og hefur hann samið við norska
úrvalsdeildarfélagið Lilleström
til 1. ágúst næstkomandi.
Forráðamenn félagsins binda
þó miklar vonir við Stefán og
verður samningurinn fram-
lengdur ef báðir aðilar eru sam-
þykkir því. Stefán þekkir vel til
í Noregi þar sem hann lék áður
með Lyn, Strömsgodset og Viking
en nú síðast var hann á mála hjá
Bröndby í Danmörku. - esá
Stefán Gíslason:
Til Lilleström
FÓTBOLTI Rúnar Kristinsson var
í vikunni orðaður við aðstoðar-
þjálfarastöðu belgíska úrvals-
deildarfélagsins Lokeren. Hann
segir þó víst að hann muni þjálfa
KR í Pepsi-deildinni í sumar.
„Eftir því sem ég best veit var
aðstoðarþjálfari að hætta hjá
félaginu og því voru einhverjar
vangaveltur uppi um eftirmann
hans. Mér bárust spurnir af því
að mitt nafn hafi borið á góma en
lengra náði það ekki. Það hefur
ekkert formlegt komið upp á
borðið – engin tilboð eða neitt.
Ég veit svo sem af smá áhuga
en þetta er ekki á svo alvarlegu
stigi. Ég mun þjálfa KR í sumar
og mun það ekki breytast,“ sagði
Rúnar. - esá
Rúnar Kristinsson:
Veit af áhuga
hjá Lokeren
RÚNAR Verður áfram þjálfari KR þrátt
fyrir áhuga í Belgíu. FRÉTTABLAÐIÐ/DANÍEL
FÓTBOLTI Chelsea og Real Madrid
bættust í gærkvöldi í hóp með
Barcelona, Inter Milan, Man-
chester United, Schalke, Shakhtar
Donetsk og Tottenham og þessi lið
verða öll í pottinum þegar
dregið verður í átta liða
úrslitin á morgun. Real
Madrid vann öruggan 3-0
sigur á franska liðinu Lyon
en Chelsea nægði markalaust jafn-
tefli gegn danska liðinu FC Kaup-
mannahöfn til þess að tryggja sig
áfram.
Real Madrid vann loksins sigur
á franska liðinu Lyon (í áttundi
tilraun) og tryggði sér sæti í átta
liða úrslitum Meistaradeildarinn-
ar í fyrsta sinn í sjö ár með því að
vinna Lyon 3-0 í seinni leik lið-
anna í á Santiago Bernabeu. Það
þurfti meistara Jose Mourinho til
að létta af álögunum á Real-mönn-
um sem höfðu dottið út úr sextán
liða úrslitunum samfellt frá árinu
2004.
Brasilíumaðurinn Marcelo kom
mikið við sögu í leiknum en hann
skoraði fyrsta markið eftir flott-
an dans í gegnum Lyon-vörnina
og lagði síðan upp annað mark-
ið fyrir Karim Benzema, fyrrum
leikmann Lyon. Benzema skor-
aði því í báðum leikjunum á móti
sínum gömlu félögum.
Real Madrid var ógnandi frá
fyrstu mínútu á móti Lyon en
þurfti að bíða fram á 36. mín-
útu eftir fyrsta markinu sem
var þó ekki af slakari gerðinni.
Marcelo hóf sóknina gaf á Crist-
iano Ronaldo og fékk hann aftur
áður en hann lék á tvo varnarmenn
og skoraði framhjá Hugo Lloris í
marki Lyon.
Karim Benzema fékk fullt af
færum en tókst loksins að skora
á 66. mínútu eftir að hafa fengið
langa sendingu inn fyrir vörnina
frá Marcelo. Argentínumaðurinn
Ángel Di María afgreiddi síðan
leikinn endanlega með þriðja
markinu á 76. mínútu eftir að hafa
fengið skallasendingu frá Mesut
Özil inn fyrir vörnina.
Chelsea gerði markalaust
jafntefli í seinni leiknum á móti
danska liðinu FC Kaupmannahöfn
í Brúnni. Chelsea fór vissulega illa
með mörg færi í leiknum en það
kom ekki að sök því sæti liðsins í
átta liða úrslitum Meistaradeild-
arinnar var ekki í mikilli hættu
eftir 2-0 sigur í fyrri leiknum í
Danmörku.
Chelsea var mun sterkara liðið
en Danirnir ógnuðu alltaf við
og við og fengu vissulega færin
til þess að skora í þessum leik.
Það var samt áhyggjuefni fyrir
heimamenn að þeir skyldu ekki ná
að skora í það minnsta eitt mark í
leiknum. Didier Drogba hefur ekki
skorað í níu leikjum í röð og miðað
við nokkrar afgreiðslur hans í
þessum leik þá kemur það kannski
ekki svo mikið á óvart.
ooj@frettabladid.is
Mourinho braut múrinn
Real Madrid og Chelsea voru tvö síðustu liðin sem komust áfram úr 16 liða
úrslitum Meistaradeildarinnar. Jose Mourinho tókst að létta af álögunum hjá
Real og koma liðinu upp úr sextán liða úrslitunum í fyrsta sinn í sjö ár.
SVONA ÁTTU AÐ GERA ÞETTA Jose Mourinho sýnir Karim Benzema hvernig á að gera
þetta. FRÉTTABLAÐIÐ/AP