Fréttablaðið - 23.03.2011, Blaðsíða 10
23. mars 2011 MIÐVIKUDAGUR10
N
otkun á Íslandi, 100 M
B innan dagsins. Þú greiðir f. símanr. og aðr
a no
tkun
sk
v.
ve
rð
sk
rá
á
s
im
in
n.
is
Netið í símanum á
0 kr. fyrir viðskiptavini
Símans í dag.
Magnaðir
miðvikudagar!
Fylgstu með
gangi mála
DÓMSMÁL Mikil fagnaðarlæti brut-
ust út hjá starfsmönnum Ríkis-
útvarpsins þegar tveir fréttamenn
og útvarpsstjóri voru sýknaðir
af meiðyrðakröfu í Héraðsdómi
Reykjaness í gær.
Fréttamenn RÚV fjölmenntu
í héraðsdóm til að hlýða á dóms-
uppsögu í meiðyrðamáli sem
Pálmi Haraldsson athafnamaður,
kenndur við Fons, höfðaði aðal-
lega á hendur Svavari Halldórs-
syni fréttamanni.
„Ég fagna þessu, þetta er sigur
réttlætisins. Fréttin okkar var
rétt og byggði á traustum heim-
ildarmönnum þó við höfum ekki
getað gefið upp fyrir dómi hverj-
ir þeir eru,“ sagði Svavar eftir að
dómurinn var kveðinn upp.
Í niðurstöðum dómsins segir að
Svavari kunni að hafa skjátlast að
einhverju leyti í mati á heimildum,
eins og Pálmi hafi „leitt nokkrar
líkur að“. Ekki hafi þó verið sýnt
fram á að fullyrðingarnar sem
birtust í frétt Svavars hafi verið
„settar fram í vondri trú“. Fréttin
birtist í fréttatíma Sjónvarpsins
25. mars í fyrra.
Í dómnum segir að í ljósi
aðstæðna sem skapast hafi í kjöl-
far bankahrunsins verði Pálmi
að þola nærgöngula umræðu um
verk sín og persónu. Lánveitingar
og fjármagnsflutningar í aðdrag-
anda hrunsins séu mikilvægar
fréttir sem eigi brýnt erindi við
almenning.
Pálmi stefndi til vara Páli
Magnússyni útvarpsstjóra og
Maríu Sigrúnu Hilmarsdóttur,
sem var fréttaþulur kvöldið sem
frétt Svavars var flutt, og las
inngang fréttarinnar. Dómurinn
sýknaði Pál og Maríu Sigrúnu af
kröfum Pálma.
Í stuttri yfirlýsingu sem Pálmi
sendi fjölmiðlum eftir að dómur
féll segir að niðurstaðan hafi
komið á óvart og hún valdi honum
vonbrigðum. Dómnum verði „að
sjálfsögðu“ áfrýjað. Pálmi svaraði
ekki ósk Fréttablaðsins um viðtal.
Í frétt Svavars var fjallað um
2.500 milljóna króna lánveitingu
frá Glitni til Pálma Haraldssonar.
Því var haldið fram í inngangi að
peningarnir væru „gufaðir upp“
og í lok fréttarinnar að pening-
arnir fyndust hvergi. Þá var því
haldið fram að lánveitingin hefði
átt sér stað „rétt fyrir hrun“.
Í gögnum sem Pálmi lagði fyrir
dóminn kom fram að lánið hefði
verið veitt í desember 2007, og
því vart hægt að halda því fram
að það hafi verið veitt „rétt fyrir
hrun“. Þá hélt lögmaður Pálma
því fram að tæpar 2.000 milljónir
hefðu verið notaðar til að greiða
upp skuldabréf hjá Landsbankan-
um. Afgangurinn hefði ýmist farið
inn á reikning Pálma eða farið til
kaupa í Sjóði 9 hjá Glitni.
brjann@frettabladid.is
Ummæli í frétt RÚV
sett fram í góðri trú
Fréttamaður RÚV var sýknaður í meiðyrðamáli Pálma Haraldssonar. Dómnum
verður áfrýjað segir Pálmi. Dómurinn telur að þótt fréttamanni hafi skjátlast í
mati á heimildum hafi fullyrðingar hans ekki verið settar fram í vondri trú.
FÖGNUÐU Í DÓMSAL Á annan tug fréttamanna af Ríkisútvarpinu fagnaði með
félögum sínum þegar dómari við Héraðsdóm Reykjaness sýknaði fréttamenn og
útvarpsstjóra í meiðyrðamáli í gær. FRÉTTABLAÐIÐ/GVA
Ég fagna þessu,
þettar er sigur rétt-
lætisins.
SVAVAR HALLDÓRSSON
FRÉTTAMAÐUR Á RÚV
MARKAÐSMÁL Íslandsbanka hefur
tekist að framleiða afar áhrifa-
mikla auglýsingaherferð sem á
að uppfylla það sem bandarískum
bönkum hefur aldrei tekist: Að
upplýsa neytendur um áhættur
skyndilausna í fjármálum. Þetta
er mat Rance Crain, ritstjóra
AdvertisingAge (AdAge).
Crain skrifaði grein í AdAge þar
sem hann fjallaði um auglýsinga-
herferð eignastýringar Íslands-
banka. Auglýsingarnar fjalla hver
um sig um fagfólk í ólíkum grein-
um sem segir frá því hvað skiptir
mestu máli til þess að ná árangri í
störfum sínum, þætti sem eru hlið-
stæðir sparnaði og fjárfestingum.
Að mati Crains ná VÍB og Hvíta
húsið, framleiðandi auglýsing-
anna, að koma skýrt til skila mikil-
vægi þess að koma sjónarmiðum
viðskiptavina á framfæri í gegn
um raunsæja
mynd af lífi
þeirra.
- sv
Auglýsing vekur heimsathygli:
AdAge lofar
auglýsingu VÍB
UMHVERFISMÁL Geislavirkni frá kjarn-
orkuverinu í Fukushima hefur nú mælst
í andrúmsloftinu hér á landi. Er Ísland
fyrsta Evrópuríkið þar sem geislavirknin
hefur mælst eftir jarðskjálftann í Japan.
Mengunin barst yfir Norður-Ameríku
og til Atlantshafsins. Agnirnar eru mjög
smáar og ekki taldar skaðlegar heilsu
fólks.
Sigurður M. Magnússon, forstjóri
Geislavarna ríkisins, segir ástæðulaust
með öllu að óttast skaðsemi geislavirkni
hér á landi eða á öðrum stöðum í Evrópu.
Í tilkynningu frá Geislavörnum ríkisins
segir að staðfest sé að örlítil geislavirkni
frá kjarnorkuverinu í Fukushima hafi
mælst í mælistöð sem stofnunin rekur
í Reykjavík og gera megi ráð fyrir að
geislavirk efni mælist áfram á Íslandi á
næstu dögum og vikum.
„Efnin geta orðið mælanleg um allan
heim (svipað og aska frá Eyjafjallajökli)
en geislun frá þeim á fjarlægum slóð-
um er hverfandi og heilsufarsleg áhrif
þeirra engin,“ segir í tilkynningunni.
„Gera má ráð fyrir að geislavirknin geti
orðið 1/1000 til 1/10000 hluti þess sem
mældist í Evrópu eftir slysið í Cherno-
byl 1986 en þá mældist mjög lítil geisla-
virkni á Íslandi.“
Alls eru 63 stöðvar í heiminum sem
mæla geislavirkni. - sv
Engin ástæða til að óttast geislavirkni hér á landi, segja Geislavarnir ríkisins:
Geislavirkni mælist á Íslandi
SAMFÉLAGSMÁL „Friði verður ekki
komið á eða viðhaldið með loft-
árásum,“ segir Stefán Pálsson,
formaður Sam-
taka hernaðar-
andstæðinga.
Samtökin vara
íslensk stjórn-
völd við að
styðja loftárás-
ir vestrænna
ríkja í Líbíu.
Í yfirlýsingu
sem samtökin
sendu frá sér í
gær segir að ríkin sem nú standa
fyrir loftárásum í landinu hafi mis-
notað samþykki öryggisráðs Sam-
einuðu þjóðanna, sem heimiluðu
flugbann yfir Líbíu.
„Við teljum það mjög varhuga-
vert ef íslensk stjórnvöld ætla að
stilla sér upp með þeim herskáu
þjóðum sem túlka mjög loðna og
almennt orðaða ályktun öryggis-
ráðsins um flugbann sem auðan
tékka um að gera megi stórfelldar
loftárásir á landið,“ segir Stefán.
Hann segir að menn ættu að vera
búnir að læra að lofthernaður bitn-
ar sérstaklega harkalega á almenn-
um borgurum. Enginn ætti að trúa
lengur sögum um að sprengjurn-
ar séu svo nákvæmar að þær hæfi
bara hernaðarleg skotmörk.
Spurður hvort vestrænar þjóð-
ir eigi ekki að bregðast við stríðs-
ástandi í landinu með einhverjum
hætti segir Stefán að loftárásirnar
geri illt verra. Friðarsinnar hafi
varað við árásum á Afganistan
árið 2001 og Írak 2003, og vari nú
við árásum á Líbíu. Þeir hafi haft
rétt fyrir sér um Afganistan og
Írak, svo vonandi verði tekið mark
á þeim nú. - bj
Varhugavert fyrir stjórnvöld að styðja árásir í Líbíu segja hernaðarandstæðingar:
Samþykkt öryggisráðs misnotuð
STEFÁN PÁLSSON
TUNGLIÐ OG LOFTBELGUR Í Teoti-
huacan í Mexíkó mátti sjá þennan
loftbelg á flugi bera við tungl í fyllingu
á þriðjudaginn, þegar jafndægur voru
á vori. NORDICPHOTOS/AFP
TEKIÐ Á LOFT Á SIKILEY Bandarísk F-16
orrustuþota heldur af stað í hernaðar-
aðgerð til Líbíu. NORDICPHOTOS/AFP
KJARNORKUVERIÐ Í FUKUSHIMA Undanfarna daga hefur verið unnið
að því að stöðva leika geislavirkra efna í kjarnorkuverinu í Fukushima.
NORDICPHOTOS/AFP
Keyrðu yfir konu
Tveir ungir menn í Álaborg í Dan-
mörku slógu konu í andlitið í gær
og óku yfir handlegg hennar þegar
þeir flúðu á hennar eigin bíl. Hafði
hún komið að þeim á bílnum og
heimtað lyklana með fyrrgreindum
afleiðingum.
Dæmdir fyrir vopnað rán
Þrír menn voru í gær dæmdir í átta
og níu ára fangesli við Eystri-Landsrétt
í Danmörku fyrir vopnað rán í herstöð
í nágrenni við Slagelse í byrjun árs
2009. Mennirnir rændu meðal annars
vopnum sem hafa síðar fundist í
fórum vélhjólagengja í landinu.
FÍLABEINSSTRÖNDIN
Gbagbo grípur til vopna
Laurent Gbagbo, sem situr enn í
sæti forseta Fílabeinsstrandarinnar
þrátt fyrir að hafa tapað kosningum í
nóvember, er nú að búa sig undir að
ráðast á mótherja sína með stórvirk-
um vopnum. Sameinuðu þjóðirnar
vara við því að almenningur í landinu
sé í hættu vegna
yfirvofandi
átaka.
DANMÖRK