Fréttablaðið - 23.03.2011, Blaðsíða 18

23. MARS 2011 MIÐVIKUDAGUR2 ● fréttablaðið ● fermingar
Þótt tæplega hálf öld sé liðin síðan
leikkonan góðkunna Guðrún Ás-
mundsdóttir fermdist man hún
ferminguna eins og hún hafi gerst
í gær.
„Þá fylgdi því mikill kostnað-
ur að fermast. Fermingarkyrtlar
stóðu ekki til boða svo saumaðir
voru á okkur stelpurnar glæsileg-
ir hvítir ferm-
ingarkjólar,
næstum eins og
brúðarkjólar, og
ekki nóg með
það heldur var
keyptur kjóll
ti l að klæð-
ast eftir ferm-
inguna í veisl-
una og kápa. Ég man að ég var
alveg í rusli því ég var alin upp
af einstæðum föður, Ásmundi
Gestssyni og vissi ekki hvernig
átti að útskýra þetta fyrirkomu-
lag fyrir honum,“ segir hún kím-
inn og bætir við að til allrar ham-
ingju hafi móðursystir hennar
komið til hjálpar.
„Hún sagði: Ásmundur, nú ætla
ég með stelpuna að kaupa þetta
allt saman,“ rifjar Guðrún upp
og var faðir hennar ekki lengi að
samþykkja það, feginn að losna
við rausið í dóttur sinni.
Úr varð að keyptur var kjóll og
kápa með mjóu mitti og víðu pilsi
eins og var þá í tísku. „Ég vissi að
kápan myndi sveiflast skemmti-
lega, þannig að þegar ég fór fyrst
í henni í heimsókn sveiflaði ég
henni og hrinti óvart borði um
koll,“ segir hún og hlær.
Móðursystir Guðrúnar og
faðir buðu í fermingarveislu að
Aðalstræti í Reykjavík. Þangað
mættu vinir og vandamenn og
þar á meðal gítarkennari Guð-
rúnar, ungur myndarlegur piltur
sem hún hafði augastað á. „Pabbi
bað hann um að spila á harmon-
ikku í veislunni og mér var því
mjög í mun að fjölskyldan kæmi
vel fyrir. Heldurðu að pabbi hafi
þá ekki mætt í öfugum frakka
og farið með heila Íslendinga-
sögu fyrir gestina,“ segir hún og
kveðst enn heyra að faðir hennar
hafi vakið mikla lukku. „Sem sagt
hjá öllum öðrum en dóttur sinni.“
- rve
Pabbi fór á kostum
Guðrún
Ásmundsdóttir
● BISKUPUN Allt frá 12. öld
hafa kaþólskir menn talið ferm-
inguna vera eitt af sakramentum
kirkjunnar og lengi vel máttu að-
eins biskupar fremja þá athöfn. Var
hún því oft nefnd „biskupun“ á ís-
lensku. Hún gekk þannig fyrir sig,
að krossmark var gert á enni ferm-
ingarbarnsins með blöndu af ólífu-
olíu og viðsmjöri eða balsami; þetta
efni nefndist krisma. Biskup hafði
vígt það á skírdegi, og átti það að
endast allt árið.
● ÚR GÓÐRI BÓK Og Jesús gekk til þeirra, tal-
aði við þá og sagði: „Allt vald er mér gefið á himni
og jörðu. Farið því og gjörið allar þjóðir að læri-
sveinum, skírið þá í nafni föður, sonar og heilags anda
og kennið þeim að halda allt það sem ég hef boðið
yður. Sjá, ég er með yður alla daga allt til enda ver-
aldar.“ (Mattheusarguðspjall 28.18-20)
Systkinin Guðrún og Páll ásamt föður sínum Ásmundi daginn sem Guðrún fermdist.
● FERMINGARFRÆÐSLA Kristján konungur IV. lagði grundvöll-
inn að fræðslustarfsemi presta með opnu bréfi dagsettu 22. apríl 1635.
Þetta var m.a. skipunarbréf til biskupa, prófasta og presta að láta öll ís-
lensk börn læra fræði Lúthers utan að og ganga úr skugga um að því
væri hlýtt með því að fara oft í húsvitjanir. Skyldi þá presturinn láta börn-
in lesa og hvetja foreldrana til að kenna
þeim eða láta kenna þeim lestur
og kristinfræði. Hundrað árum
síðar varð ferming barna
lagaleg skylda með lögboði
konungs 13. janúar 1735.
Jafnframt var bannað
að ferma börn ef þau
hefðu ekki áður aflað
sér nauðsynlegrar þekk-
ingar í kristnum fræðum.
Séra Birgir Ásgeirsson segir
fermingarundirbúninginn
samtal og samfélag um
trúna milli unglingsins,
fjölskyldunnar og kirkjunnar.
„Mér finnst fermingarundir-
búningurinn vera samtal um trúna
og tækifæri unglingsins til að kynn-
ast sjálfum sér og bera sig saman
við trúarlegan og siðfræðilegan
þátt í eigin lífi. Hvað er ég, hver vil
ég vera og hvert stefni ég, og þá um
leið hver er Guð?“ segir séra Birgir
Ásgeirsson, prestur í Hallgríms-
kirkju.
Birgir segir fermingarundir-
búning hafa breyst gegnum tíðina
en hann tók vígslu árið 1973. Enn
sé þó fjallað um sömu grundvallar-
atriðin, siðareglur kristinnar
trúar. „Fermingarfræðslan fjallar
um manngildi og náunga kærleika,
hvers virði það er að taka tillit til
annarra og sýna samkennd. Einnig
er talað um fjölskylduna og þann
kærleika sem þar getur þróast og
þrifist. Það hvernig fermingar-
fræðslan sjálf fer fram hefur
breyst. Utanbókarlærdómur og
yfirheyrslur heyra sögunni til og
frekar er reynt að ná til hvers og
eins. Í Hallgrímskirkju höfum við í
vetur fengið foreldrana til að mæta
í nokkra tíma með krökkunum. Það
er dásamlegt þegar þeir vilja vera
með því fermingarundirbúningur-
inn er einnig samfélag innan fjöl-
skyldunnar, innan kirkjunnar og
samfélag við vinina.“
Spurður hvort tilgangur ferm-
ingarinnar gleymist jafnvel hjá
foreldrum í veraldlegum undir-
búningi, segir hann alltaf mikið
umstang fylgja stórri veislu. Hann
telji þó fermingarundirbúninginn
yfirleitt ánægjulegan tíma hjá for-
eldrum.
„Undirbúningurinn skapar
ákveðna samræðu innan fjölskyld-
unnar sem ég held að sé mjög mikil-
væg. En það má ekki vanmeta það
að fermingin er líka helgihald. Að
iðka sína trú með því að fara með
bænirnar sínar og kynna sér guðs-
orð.“
En kemst boðskapurinn til skila
til 14 ára krakka í dag?
„Unglingar eru óskaplega
skemmtilegt fólk en ekki alltaf auð-
veldir. Að geta nálgast manneskju á
þessum aldri er vandasamt en líka
spennandi. Það er þeim mikilvægt
að finnast þau viðurkennd og að
þau séu tekin gild. Við prestar vilj-
um gera fermingarundirbúninginn
ánægjulegan og hjálpa krökkunum
að skilja mikilvægi þess að eiga góða
að og verða sjálf góðar manneskjur.“
Séra Birgir hefur bæði fermt
og skýrt hundruð fólks á löngum
prestferli. Hann segir alltaf gaman
að ferma einhvern sem hann hefur
jafnvel skírt og eins hafi hann stund-
um fermt börn fólks sem hann hafi
skírt. „Það er sérstakt að fá að fylgj-
ast með hvernig fjölskyldur vaxa og
þróast og hvernig kynslóðir koma og
kynslóðir fara. Það myndast tengsl
sem mér þykir vænt um.“ - rat
Verða góðar manneskjur
Séra Birgir Ásgeirsson prestur hefur foreldrana með í fermingarundirbúningnum í Hallgrímskirkju. FRÉTTABLAÐIÐ/STEFÁN
Farðu inn á www.oddi.is
og búðu til fallegt boðskort.
Persónulegt boðskort með þínum myndum.
Hannaðu þitt
eigið fermingarkort
á oddi.is
VERÐ FRÁ
159 KR.
STYKKIÐ
Fallegar
gjafaumbúðir
Hentar öllum
Gildir hvar sem er
Ármúla 13a | Borgartúni 26 | 540 3200 | www.mp.is
Gjafakortið sem
gildir alls staðar
Þú velur upphæðina en viðtakandinn velur gjöfina.