Fréttablaðið - 23.03.2011, Blaðsíða 20
23. MARS 2011 MIÐVIKUDAGUR4 ● fréttablaðið ● fermingar
Á fermingardegi sínum í fyrra
ákvað Harpa Hrönn Hjaltalín
Agnarsdóttir að gefa hluta af
fermingarpeningum sínum
til Barnahjálpar Sameinuðu
þjóðanna.
„Ég vissi að ég fengi meiri peninga
í fermingargjöf en ég hefði við að
gera og að þeir færu mikið til í
nammi og aðra vitleysu, svo mér
fannst skynsamlegt að þeir rynnu
til fólks sem hefði eitthvað þarf-
ara við þá að gera,“ segir Harpa
Hrönn, sem varð snortin af frétta-
flutningi um bágstödd börn í Afr-
íku og ákvað að láta tuttugu pró-
sent af andvirði fermingarpeninga
sinna renna til Barnahjálpar Sam-
einuðu þjóðanna, Unicef á Íslandi.
„Mér fannst tuttugu prósent
mátulegt því ég vildi ekki gefa of
lítið og ekki of mikið,“ segir Harpa
Hrönn, sem fékk alls 210 þúsund
krónur í fermingargjöf og gaf 40
þúsund til Unicef. „Eftir á hefði
ég viljað gefa meira því sjálf fékk
ég 50 þúsund krónur til að eyða að
vild og keypti mér myndavél, en
afgangurinn fór í nammi og bíó.“
Fermingarsystkin Hörpu vissu
ekkert um þessar fyrirætlanir og
hún veit ekki um neinn sem gerði
neitt svipað. „Ég sagði reyndar
engum frá þessu fyrir fram því
mér fannst geðveikt vandræða-
legt fyrst að ætla að gefa pen-
ingana til góðgerðamála, en þegar
það spurðist út á netinu í gegn-
um Unicef gekkst ég við því öllu,
enda mjög ánægð með það,“ segir
Harpa Hrönn kát.
Hún segir viðbrögð vina sinna
og fermingarsystkina hafa flest
verið á einn veg.
„„Ha?“ sögðu þau steinhissa og
„Af hverju í ósköpunum?“, eins og
unglingar eru í dag og vilja eiga
sína peninga sjálfir, en ég sagðist
ekki hafa haft við alla peningana
að gera og væri með þessu að bæta
líf barna í nauð, sem ekki veitti
af,“ segir Harpa Hrönn full sjálf-
stæðis og þors.
„Mér fannst geðveikt spennandi
að vita að með gjöfinni væri ég
að bjarga fullt af litlum krökk-
um. Það var æðisleg tilfinning og
besta gjöfin þegar ég lít til baka.
Ég mæli hiklaust með því að gefa
smávegis af fermingarpeningun-
um til góðs málefnis; jafnvel þótt
það sé ekki nema 5.000 kall, því
það munar um minna og margt
smátt gerir eitt stórt.“ - þlg
Æðisleg tilfinning að gefa
peninga til góðs málefnis
Hvergerðingurinn Harpa Hrönn Hjaltalín Agnarsdóttir segir bestu fermingargjöfina
hafa verið ákvörðun um að gefa hluta fermingarpeninga sinna til bágstaddra barna.
FRÉTTABLAÐIÐ/STEFÁN
Hlaðborð girnilegra veitinga tilheyrir fermingar-
veislunni og þá er kransakakan jafnan helsta stáss-
ið á borðinu, enda mikið í hana lagt. Kökudiskar á
fæti gefa borðinu einnig fallegt yfirbragð en þó gæti
kransakakan runnið til á háum diski þegar gestum
er gefinn laus taumurinn á hlaðborðið. Til ráða er að
þyngja kökuna með því að fylla hana af konfekti, setja
undir hana gúmmímottu eða hlaða hana utan um eitt-
hvað stöðugt.
Muffinsturninn er ný íslensk hönnun, þriggja
hæða kökudiskur sem hægt er að taka sundur. Fyrir
kransakökuna er sniðugt að taka efsta diskinn af og
hlaða kökunni utan um standinn og ef kransakakan
er mjög stór er hægt að hlaða hana frá neðsta disk-
inum og upp úr. Þá er engin hætta á að kakan
fari á flakk um borðið.
Fallega skreyttar múffur eru
einnig jafn girnilegar fyrir
augað og magann og ekk-
ert mál að slaufa kransa-
kökunni fyrir múffur, ef
fermingarbarninu sýnist svo.
Samsettur tekur Muff-
insturninn 36 múffur.
Turninn hannaði María
Krista Hreiðars dóttir og
fæst hann á vefsíðunni
www.kristadesign.is
Kransakökuna upp á stall
Muffinsturn hentar vel undir háar kransakökur. MYND/KRISTADESIGN
Turninn tekur 36 múffur ef
fermingarbarnið vill slaufa
kransakökunni. MYND/KRISTADESIGN
● HJÚPUR Á KÖKUR OG KON
FEKT Þessi helst alltaf gljáandi. Auk þess
er hann fallegur og auðvelt að skera í hann.
100 ml rjómi
100 g glúkósi
500 g dökkt súkkulaði
Setjið rjóma og glúkósa í lítinn pott og
hitið blönduna að suðu. Saxið á meðan
súkkulaðið mjög smátt og setjið það í skál.
Hellið helmingnum af heitum rjómanum
yfir súkkulaðið og hrærið í því út frá miðju.
Hellið afganginum af rjómanum saman við
smátt og smátt og hrærið stöðugt í á meðan, þar til blandan er alveg
slétt. Þá er hún tilbúin til notkunar.
Úr bókinni Súkkulaði/Vaka-Helgafell
● HVAÐ FÉKKSTU MÖRG
SKEYTI? Fyrr á árum var þrennt
sem fermingarbörn ræddu sín
á milli daginn eftir ferminguna:
Hvað fékkstu? Hvað fékkstu mikinn
pening? Hvað fékkstu mörg skeyti?
Símskeyti hrúguðust inn á heimili
fermingarbarnsins og árið 2001
voru borin út tíu þúsund símskeyti
til fermingarbarna. Eitthvað hefur
dregið úr þessum sið með tilkomu
smáskilaboða og facebook-skila-
boða, en enn er þó hægt að senda
skeyti á fermingardaginn og á
heimasíðu Póstsins getur fólk valið
mynd á skeytið, skrifað textann og
borgað með kreditkorti. Pósturinn
sér síðan um að koma skeytunum
til skila.
Farðu inn á www.oddi.is
og búðu til persónulega gjöf.
Vegleg innbundin myndabók með þínum myndum.
Hannaðu þína
eigin myndabók
á oddi.is
VERÐ FRÁ
6.990 KR.
EINTAKIÐ