Fréttablaðið - 23.03.2011, Blaðsíða 22
23. MARS 2011 MIÐVIKUDAGUR6 ● fréttablaðið ● fermingar
„Þetta var yndislegur dagur,“
segir Elín Ósk Óskarsdóttir söng-
kona, sem fermdist 6. apríl 1975 í
Stórólfshvolskirkju á Hvolsvelli.
„Ég ólst upp á frekar trúuðu heim-
ili. Mamma og pabbi sóttu
messur og pabbi söng með
kirkjukórnum. Ég fór
snemma að syngja með
kórnum og hugsaði mikið
um trúna. Mér fannst því
sjálfsagt að fermast,“ segir
Elín, en séra Stefán Lárus-
son sá um ferminguna.
Elín man vel eftir ferm-
ingardressinu. „Við fórum
á Selfoss til að velja fötin. Á þess-
um tíma var mikið í tísku að vera
í riffluðu pilsi og vesti. Ég fékk
svart rifflað vesti, hnésítt pils og
eldrauða blússu með blúndum, ægi-
lega fallega,“ segir Elín og minn-
ist þess hlæjandi að móðir hennar
hafi síðar erft silkiblússuna fínu.
„Hún var svo pen og nett og fékk
blússuna þegar ég stækkaði upp úr
henni.“
Móðir Elínar var flinkur kokk-
ur og meistari í að skreyta mat
og kökur að sögn Elínar en ferm-
ingarveislan var haldin heima.
„Allur undirbúningurinn var mjög
spennandi. Móðursystur
mínar komu frá Reykja-
vík til að hjálpa mömmu
við að útbúa matinn en
boðið var upp á bæði
steikt læri, hangikjöt og
fleira góðgæti. Eftir mat-
inn var boðið upp á kaffi,“
lýsir Elín. Hún minnist
með hlýju alls þess fólks
sem kom bæði úr Reykja-
vík og að austan í ferminguna
hennar.
Gjafirnar voru heldur ekki af
verri endanum. „Ég fékk miklu
meira en ég bjóst við,“ segir Elín
sem fékk úr frá foreldrum sínum
sem hún á enn í dag og auk þess
skatthol. „Það var hvítt eins og var
í tísku þá og hægt var að draga út
borðið og jafnvel læra við það,“
segir hún glaðlega.
Mamma erfði skyrtuna
Elín Ósk ásamt foreldrum sínum á fermingardaginn.
Elín Ósk
Óskarsdóttir
Alex Már Gunnarsson
fermist 17. apríl í
Hafnarfjarðarkirkju. Hann
segir fermingarfræðsluna hafa
verið algera vakningu.
„Ég vil bara staðfesta trúna mína
og staðfesta skírnina,“ segir Alex
Már. „Ég er búinn að læra ýmis-
legt um Biblíuna, til dæmis að
bækurnar eru í Gamla testament-
inu og bréfin í Nýja testamentinu.
Svo er ég auðvitað búinn að læra
hvað við eigum að gera við ferm-
ingarathöfnina, en við lærum
bara sjálf trúarjátninguna,
Faðir vorið, gullnu regluna og
fleira. Þetta er búið að vera alveg
ágætt og ég myndi ekki fermast
án fermingarfræðslu.“
Bókin sem notuð er við ferm-
ingarfræðsluna heitir Trú og
líf, en Alex Már segir hana að
mestu leyti fjalla um trúna, þar
sé engin lífsleikni eða slíkt.
„Við erum búin að gera nokkur
verkefni úr bókinni og þá vorum
við til dæmis að flokka Gamla
testamentið og Nýja testamentið
og svoleiðis. Presturinn hefur
svo talað um við okkur hvernig
við getum notað trúna í daglega
lífinu, en það er ekki beint úr bók-
inni. Það var líka námskeið fyrir
fermingarbörn í haust áður en
fræðslan byrjaði, en þá var ég úti
í Tyrklandi svo ég missti af því.“
Alex Már segist ekki geta
tekið eitthvað eitt út úr sem
sé skemmtilegra en annað í
fermingar fræðslunni. „En ég
var eiginlega búinn að gleyma
trúnni, svo þetta hefur verið
alger vakning. Mér finnst gott
að staðfesta það að ég trúi á Guð
og Jesú og ég myndi alls ekki láta
ferma mig ef ég hefði ekki trú.“
- fsb
Fermingarfræðslan var
mér algjör vakning
„Mér finnst gott að staðfesta að ég trúi á Guð og Jesú,“ segir Alex Már Gunnarsson
fermingarbarn. FRÉTTABLAÐIÐ/STEFÁN
Anna Margrét Benediktsdóttir
fermist 10. apríl í Seljakirkju.
Hún segir aldrei hafa komið til
greina að sleppa fermingunni,
því hún trúi á Guð.
„Ég var í sunnudagaskóla þegar ég
var lítil og hef alltaf trúað á Guð,“
segir Anna Margrét. „Við erum svo
búin að vera í fermingarfræðslu
einu sinni í viku í allan vetur
og læra betur um trúna og
lífið. Kannski ekki neitt sem
maður vissi ekki áður, en það
er gott að rifja þetta upp og
staðfesta trúna.“
Anna Mar-
grét hlakk-
ar til ferm-
ingardags-
ins, sem mun
hefjast með
því að hún fer
í hárgreiðslu.
Hefur hún gert
það áður? „Nei,
ég hef aldrei
gert það, þann-
ig að þetta er
dálítið stórt
skref. En mér
finnst gaman
að eiga svona dag sem snýst bara
um mig og er búin að kaupa bleikan
kjól til þess að vera í, sem ég valdi
sjálf og er rosalega ánægð með.“
Mörg fermingarbörn setja tölvu
efst á óskalistann yfir fermingar-
gjafirnar, en Anna Margrét vill
fá rúm í fermingargjöf og segist
vongóð um að fá það. „Ég á reynd-
ar ekki tölvu, en mig vantar rúm
meira og get alltaf eignast tölvu
seinna,“ segir hún.
En hvað hefur
verið skemmtileg-
ast í fermingar-
undirbúningnum?
„Mér finnst eigin-
lega hafa verið
skemmtilegast
að læra meira
um trúna, en
þetta er allt
búið að vera
mjög skemmti-
legt,“ segir
Anna Margrét.
- fsb
Skemmtilegast
að læra um trúna
„Gaman að eiga dag
sem snýst bara um
mig,” segir Anna Mar-
grét Benediktsdóttir
fermingarbarn.
MYND/RÚNAR MÁR JÓNATANSSON
ÍS
L
E
N
S
K
A
S
IA
.I
S
5
37
59
0
3/
11
Gjafabréf gildir í tvö ár frá útgáfudegi.
BROT AF HEIMINUM
Í FERMINGARGJÖF
PANTAÐU FERMINGARGJÖFINA
Á WWW.ICELANDAIR.IS
GJAFABRÉF ICELANDAIR GILDIR
SEM GREIÐSLA UPP Í FUGFAR TIL ALLRA
ÁFANGASTAÐA Í EVRÓPU OG NORÐUR-AMERÍKU
ÞÚ VELUR UPPHÆÐINA
HUGURINN BER ÞIG
AÐEINS HÁLFA LEIÐ
Vinsamlegast athugið: Einstaka sinnum kemur fyrir
að viðskiptavinir Icelandair fljúgi með vél sem ekki
er búið að setja í ný sæti og nýtt afþreyingarkerfi.