Fréttablaðið - 23.03.2011, Blaðsíða 58

23. mars 2011 MIÐVIKUDAGUR22
sport@frettabladid.is
ÞRÍR ODDALEIKIR fara fram í úrslitakeppni Iceland Express deildar karla í kvöld og má búast við mikilli spennu
á þeim vígstöðum. Teitur Örlygsson (á mynd) og hans menn í Stjörnunni mæta Grindavík á útivelli, Keflavík tekur á
móti ÍR og deildarmeistarar Snæfells leika við Hauka í Stykkishólmi. Leikirnir hefjast allir kl. 19.15.
HANDBOLTI Jesper Nielsen, eigandi
danska handboltaliðsins AG Kaup-
mannahafnar, varpaði enn einni
sprengjunni í handboltaheiminn
í gær þegar hann nafngreindi
þrjá íslenska landsliðsmenn sem
hann ætlar að fá til liðsins næsta
sumar. Þetta eru þeir Ólafur Stef-
ánsson, Guðjón Valur Sigurðs-
son og Róbert Gunnarsson – allir
leikmenn Rhein-Neckar Löwen í
Þýskalandi.
Nielsen hefur einnig sterk ítök í
Löwen, þar sem hann er stjórnar-
maður auk þess sem fyrirtæki
hans, KasiGroup, er einn helsti
styrktaraðili félagsins.
Það lá fyrir að Ólafur myndi
koma í sumar og á heimasíðu AG
er haft eftir Nielsen að hann hafi
samið við bæði Ólaf og Guð-
jón Val. Sá síðarnefndi sagði
reyndar í samtali við Vísi í gær
að málið væri ekki komið svo
langt en að hann hefði átt í við-
ræðum við félagið.
Fréttablaðið fékk viðbrögð
Snorra Steins Guðjónssonar
við þessu en hann leikur með
AG í dag ásamt öðrum lands-
liðsmanni, Arnóri Atlasyni.
Ólafur Guðmundsson er einnig
samningsbundinn AG en var lán-
aður þetta tímabilið til FH.
„Ég hafði auðvitað heyrt af
þessu en veit ekki til þess að þeir
séu búnir að skrifa undir. En það
væri frábært að fá þá,“ sagði
Snorri Steinn. „Þetta væri vissu-
lega sérstakt en líka mjög gaman.
Það væri gaman að prófa þetta og
sjá hvernig þetta virkar.“
Nielsen stefnir að því að gera AG
að stærsta íþróttafélagi Danmerkur
og að liðið verði í allra fremstu röð í
evrópskum handbolta. „Hann hefur
ekki farið leynt með sín markmið
og maður er hættur að verða hissa
á því sem maður les í blöðunum
þegar hann er annars vegar. Hann
er nokkuð djarfur en stendur yfir-
leitt við það sem hann segir. Ég hélt
til dæmis að hann væri að grínast
þegar hann sagðist ætla að láta
úrslitaleik deildarinnar fara fram
á Parken fyrir framan 40 þúsund
manns. En nú er hann greinilega
búinn að panta völlinn þó svo að
úrslitakeppnin sé ekki einu sinni
hafin,“ sagði hann en Parken er
þjóðarleikvangur Dana og er yfir-
leitt notaður fyrir knattspyrnuleiki.
Snorri segir að þetta mál hafi
vissulega borið á góma á æfingu í
gær. „Þeim finnst nóg að vera með
tvo Íslendinga fyrir,“ sagði Snorri
og hló. „En ég held að allir gera sér
grein fyrir því að þetta yrði mik-
ill styrkur fyrir liðið. Vissulega er
það hausverkur fyrir þjálfara að
vera með þrjá leikmenn í hverri
stöðu en leikmenn hræðast ekki
samkeppnina.“
Snorri segir að það sé ljóst að
leikmenn fái ekki að spila 60 mín-
útur í hverri viku í svo sterku
liði. „En maður fær svo
mikið annað í staðinn. Ég
lít á þetta sem ævintýri og
ég er viss um að Nielsen
sé ekki hættur. Nú ætlar
hann á Parken og guð má
vita hvað kemur næst.“
eirikur@frettabladid.is
Ævintýrið heldur áfram í Danaveldi
Jesper Nielsen, eigandi AG Kaupmannahafnar, segist ætla að fá þrjá íslenska landsliðsmenn til liðs við
félagið í sumar. „Hættur að verða hissa á því sem maður les í blöðunum,“ segir Snorri Steinn Guðjónsson.
Sérframleiðum
bursta eftir þínum
þörfum.
• •B
U R
S TA G E R Ð I N
ÍS
L
E N S K U R I Ð N
A Ð
U
R

Vesturhrauni 3 · 210 Garðabæ.
Sími 480-0030 · www.burstagerdin.is
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
ÍSLENDINGANÝLENDA? Leik-
mennirnir fimm sem gætu spilað
í Danmörku á næsta ári.
KÖRFUBOLTI KR jafnaði metin í
einvíginu gegn Keflavík um sæti
í úrslitum um Íslandsmeistara-
titilinn í Iceland Express deild
kvenna, eftir sigur í gær í öðrum
leik liðanna, 75-64. KR fékk nýjan
bandarískan leikmann, Melissa
Ann Jeltema, með sannkallaðri
DHL-hraðsendingu fyrir leikinn
en hún lék frábærlega í gær, skor-
aði 25 stig og tók 10 fráköst. KR
lék án Margrétar Köru Sturludótt-
ur, sem tók út leikbann en verður
lögleg með liðinu í næsta leik.
Leikurinn var í járnum framan
af og leiddi Keflavík með einu stigi
í hálfleik, 37-38. Frábær varnar-
leikur hjá heimastúlkum í lokaleik-
hlutanum setti sóknarleik bikar-
meistara Keflavík úr skorðum
og sigu heimastúlkur framúr og
tryggðu sér loks mikilvægan sigur.
Hrafn Kristjánsson, þjálfari KR,
var afar ánægður með sigur liðs-
ins. „Við erum frábært varnar lið
og höfum sýnt það í allan vetur,“
sagði Hrafn en hvernig líst honum
á nýjan leikmann liðsins, Jeltema,
sem fengin var til að leysa Chazny
Morris af hólmi sem reif liðþófa á
dögunum?
„Við höfðum ekki mikinn tíma
til að leita en mér sýnist við hafa
tekið nokkuð góða ákvörðun. Ég
get ekki sagt annað en að ég sé
bjartsýnn fyrir framhaldið.“
Pálína Gunnlaugsdóttir, leik-
maður Keflavíkur, hafði ekki
miklar áhyggjur af þrátt fyrir
tapið. „Það hefði verið sætt að
komast 2-0 yfir en ég held að
við höfum allar vitað það að við
værum ekki að fara að vinna KR
í þremur leikjum. Við vorum alls
ekki að spila saman og þeir sem
spila ekki saman í liðsíþrótt vinna
ekki leiki,“ sagði Pálína, sem skor-
aði 15 stig gær. - jjk
KR jafnaði í gær metin gegn Keflavík í undanúrslitaeinvígi liðanna:
Hraðsendingin skilaði KR sigri
25 STIG Melissa Jeltema var ekki búin
að vera lengi á landinu þegar KR mætti
Keflavík í gær. Hér reynir Keflvíkingurinn
Bryndís Guðmundsdóttir að verjast
henni. FRÉTTABLAÐIÐ/VALLI
KR-Keflavík 75-64 (37-38)
Stig KR: Melissa Ann Jeltema 25/12 frá-
köst/6 stoðsendingar, Hildur Sigurðardóttir
12, Guðrún Gróa Þorsteinsdóttir 11, Helga
Einarsdóttir 10, Signý Hermannsdóttir 8/8
fráköst, Sólveig Helga Gunnlaugsdóttir 5,
Hafrún Hálfdánardóttir 4.
Stig Keflavíkur: Bryndís Guðmunds-
dóttir 21, Pálína Gunnlaugsdóttir 16,
Jacquline Adamshick 12/12 fráköst, Ingi-
björg Jakobsdóttir 8, Marina Caran 7.