Fréttablaðið - 21.04.2011, Blaðsíða 18

21. apríl 2011 FIMMTUDAGUR18
É
g man vel eftir þessum degi
og hátíðleikanum sem honum
fylgdi. Ég var viðstödd
afhendingu handritanna á
hafnarbakkanum og minn-
ist þess að það var sólríkt en
ekki mjög hlýtt og rosalega mikið af fólki.
Þetta voru mikil tímamót og gaman að
hafa upplifað þennan dag,“ segir Guðrún
Nordal, forstöðumaður Stofnunar Árna
Magnússonar í íslenskum fræðum, sem
var tíu ára gömul þegar
fyrstu handritin komu
heim fyrir fjórum ára-
tugum. Handritin voru
síðan flutt í áföngum til
Íslands og kom síðasta
sendingin 19. júní 1997,
26 árum síðar.
Fyrir tæpum tveim-
ur árum bætti stjórn
menningarmálastofnun-
ar Sameinuðu þjóðanna, UNESCO, hand-
ritasafni Árna Magnússonar á sérstaka
varðveisluskrá sína yfir minjar sem þykja
hafa sérstakt varðveislugildi fyrir and-
legan menningararf mannkyns. Hand-
ritasafnið var tilnefnt í varðveisluskrána
af hálfu ríkisstjórna Íslands og Danmerk-
ur, þar sem hluti safnsins er varðveittur í
Danmörku.
Á ársfundi stofnunar Árna Magnússonar
í íslenskum fræðum, sem haldinn verður
hinn 11. maí næstkomandi, er ætlunin
að ræða kynningu þessarar tilnefningar
UNESCO betur, en henni hefur enn ekki
verið fylgt nægilega eftir að sögn Guð-
rúnar. „Þetta er gríðarleg viðurkenning
og kominn tími til að fylgja henni eftir,
sem verður gert í samvinnu við Dani.
Söfnin hér á Íslandi og í Danmörku vinna
náið saman og einnig með Landsbókasafni,
meðal annars að því að mynda handritin
stafrænt og setja þau á netið til að gera
þau aðgengilegri almenningi. Sú vinna er
í fullum gangi, vefurinn handrit.is hefur
þegar verið opnaður og sífellt bætist við
hann efni og upplýsingar,“ segir Guðrún.
Handritin loksins heima
Í dag eru fjórir áratugir liðnir síðan danska herskipið Vædderen lagðist að bryggju með handrit Árna Magnússonar að Flateyjar-
bók og Konungsbók Eddukvæða. Kjartan Guðmundsson leit á nokkrar myndir frá þessum mikla hátíðisdegi í sögu þjóðarinnar.
HÁTÍÐ Í BORG Í tilefni heimkomu handritanna var
skólum lokað og einnig mörgum skrifstofum og
fyrirtækjum svo almenningi gæfist kostur á að vera
viðstaddur afhendinguna. Hér gengur hópur fólks
fylktu liði í Skeiðarvoginum.
VIÐ HÖFNINA Talið er að um fimmtán þúsund manns hafi safnast saman á hafnarbakkanum í Reykjavík.
Hér sést forsætisráðherrann Jóhann Hafstein í ræðustól.
VÆDDEREN Danska varðskipið Vædderen leggst að bryggju og misglaðbeittir sjóliðar bera handritin í land,
Flateyjarbók og Konungsbók Eddukvæða. MYNDIR/LJÓSMYNDASAFN REYKJAVÍKUR
ÁVALLT VIÐBÚINN Skátar í stuttum pilsum stóðu
heiðursvörð á hafnarbakkanum.
GUÐRÚN NORDAL
HVE GLÖÐ VAR VOR
ÆSKA Börn voru sérlega
áberandi í fagnaðarlát-
unum vegna heimkomu
handritanna og báru
mörg þeirra íslenska og
danska fána.