Fréttablaðið - 21.04.2011, Blaðsíða 29
FIMMTUDAGUR 21. APRÍL 2011
Páskarnir eru stærsta hátíð kristn-
innar. Af því tilefni er hvarvetna
talsverður viðbúnaður í kirkjum
landsins. Dómkirkjan býður til
helgihalds samkvæmt venju.
„Dómkirkjan er langelsta kirkjan
hér í Reykjavík. Í 215. sinn er geng-
ið til helgihalds dymbilvikunnar og
páskanna innan veggja hennar. Stór
hluti heimsins minnist atburðanna
árlega og svo hefur verið á Íslandi
í rúm 1000 ár. Þarna eru dimmustu
skuggarnir sem föstudagurinn langi
tjáir og svo undrið mesta, upprisa
Jesú á páskum. Það er stærsti dag-
urinn í hátíðarhaldi kristinna um
allan heim,“ segir sr. Hjálmar Jóns-
son, sóknarprestur Dómkirkjunnar.
„Víða eru altarisgöngur á skírdag og
á föstudaginn langa er píslarsagan
lesin og Passíusálmar sr. Hall-
gríms Péturssonar lesnir og sungn-
ir. Í Dómkirkjunni eru tvær messur
hvern þessara helgidaga.“
Séra Hjálmar segir vel tekið á
móti öllum. Auk hefðbundins helgi-
halds er fitjað upp á fleiru. „Í há-
deginu á þriðjudögum er fyrir-
bænastund. Við göngum svo yfir í
safnaðarheimilið þar sem húsmóð-
irin, Dagbjört Óskarsdóttir, hefur
undirbúið hollan og góðan máls-
verð. Sama dag er TTT-starfið, en
skammstöfunin merkir „tíu til tólf“.
Á fimmtudögum er opið hús fyrir
eldra fólk í safnaðarheimilinu og
öll fimmtudagskvöld Kvöldkirkja. Í
vetur hefur Ólafur Elíasson píanó-
leikari leikið prelúdíur og fúgur
eftir J.S. Bach á flygil. Undir stjórn
Kára Þormar organista starfa við
kirkjuna Dómkórinn og Kammer-
kór Dómkirkjunnar. Þá eru mess-
ur í Kolaportinu klukkan 14 síðasta
sunnudag hvers mánaðar, en næsta
Kolaportsmessa verður á annan í
páskum klukkan 14. Þar hlýðir fólk
á söng og leik Þorvalds Halldórsson-
ar og tekur þátt í guðsþjónustunni.“
Sjá www.domkirkjan.is.
Vel tekið á móti öllum
Í Dómkirkjunni er vel tekið á móti öllum. Hér er samankominn hópur sem hittist í
hádegisverði að lokinni bænastund í vikunni. MYND/STEFÁN
● LITUR PÁSKANNA Litir kirkjuársins eru hvítur, rauður, fjólu-
blár, grænn og svartur. Hvíti liturinn (stundum líka gylltur) er notaður á
stórhátíðum á borð við jól og páska. Jólatíminn nær til þrettándans en
páskatíminn nær til hvítasunnu.
Litur hvítasunnunnar er rauður sem er litur heilags anda. Fjólublár er
litur föstu og iðrunar og klæðast prestar fjólubláu á aðventunni og sjö
vikum fyrir páska.
Grænn er litur sumarsins og sunnudaganna eftir hvítasunnu. Svartur
litur er einungis notaður á föstudaginn langa og svo við útfarir.
„Við erum einmitt með páskasöfn-
un núna vegna þeirra breytinga
sem standa fyrir dyrum í innan-
landsaðstoðinni,“ segir Anna Ólafs-
dóttir, verkefnastjóri hjá Hjálp-
arstarfi kirkjunnar, innt eftir því
hvað sé efst á baugi í því starfi
núna. „Reyndar höfðum við aldrei
safnað fyrir innanlandsaðstoð fyrr
en eftir hrunið og fyrst á eftir deild-
um við því þannig að féð sem safn-
aðist skiptist til helminga á milli
innanlandsaðstoðar og erlendra
verkefna, en nú er sem sagt í gangi
fyrsta söfnunin sem er eingöngu
fyrir innanlandsstarfið.“
Söfnunin fer þannig fram að
valgreiðsla birtist í heimabönkum
landsmanna, nema þeirra sem eru
eldri en 65 ára, þeir fá heimsenda
gíróseðla. Anna segir þörfina fyrir
aðstoð innanlands hafa aukist gríð-
arlega. „Frá og með 1. maí verð-
ur aðstoðin í formi inneignarkorta
í stað matarpokanna áður. Jafn-
framt verður sú breyting á að hvað
varðar mataraðstoðina munum við
eingöngu sinna barnafjölskyldum
þannig að einstaklingum sem leita
eftir mataraðstoð er vísað annað
varðandi það. Öll önnur aðstoð sem
við veitum stendur öllum til boða.“
Hjálparstarfið hefur auk þess til
sölu fermingargjafabréf sem einn-
ig er hægt að kaupa á vefsíðunni
gjöfsemgefur.is. „Annars vegar er
um að ræða fermingarskeyti í hefð-
bundnum stíl,“ segir Anna. „Og
fyrir þá kveðju fást fjórar hænur
sem jafnaldri fermingarbarnsins
í einhverju þróunarlandi fær. Fólk
kaupir bara skeytið og þarf ekkert
að gera meira, en andvirðið fer til
að kaupa hænur fyrir munaðarlaus
börn sem fá þá egg í matinn, sem
breytir mjög miklu upp á mataræði
þeirra. Hins vegar eru dýrari gjafa-
bréf, upp á fimm þúsund krónur, og
rennur andvirði þeirra til frekari
stuðnings við munaðarlaus börn í
þeim löndum sem hjálparstarfið
nær til.“ - fsb
Safna nú eingöngu
fyrir innanlandsaðstoð
Þörfin fyrir innanlandsaðstoð hefur aukist gríðarlega, að sögn Önnu Ólafsdóttur,
verkefnastjóra hjá Hjálparstarfi kirkjunnar. MYND: ANTON
Fermingargjöf sem gefur
Fermingarskeyti eða gjafabréf frá Hjálparstarfi kirkjunnar er gjöf
sem heldur áfram að gefa. Fermingarbarnið fær skeytið eða bréfið
í hendurnar en andvirðið rennur til jafnaldra fermingarbarnsins
sem býr við fátækt.
Sendu skeyti, það kostar 1.990 kr.
Eða gefðu fermingargjafabréf að upphæð 5.000 kr.
Þú færð skeytin og gjafabréfin á www.gjofsemgefur.is
eða pantar þau á skrifstofunni okkar, 528 4400.
Þú prentar út, sækir til okkar – eða við sendum fyrir þig.
Einfalt og gleðilegt.
Óskalistinn minn:
Rúm
Myndavél
Svefnpoki
Ipod
Webcam
Handklæði
Teppi
Orðabók
Hálsmen
Svo væri gaman að fá
pening og „Gjöf sem
gefur“. Mig langar til
að einhver sem er ekki
eins heppinn og ég fái
að njóta með mér.
Við systkinin erum munaðarlaus.
1.990 kr. fermingarskeyti á
Íslandi dugar fyrir 4 hænum.
Þær gefa okkur fullt af eggjum.
Eða við gætum fengið sparhlóðir.
Þá færi ekki allur dagurinn í að
leita að eldsneyti og við
hefðum meiri tíma til að læra.
5.000 kr. gjafabréf á Íslandi
myndi gefa okkur 2 geitur.
Namm! Mjólk og kjöt, ekki
lengur bara maísgrautur!
Eða kannski reiðhjól. Þá
kæmist ég á markað með
uppskeruna okkar og við
fengjum pening fyrir ýmsu
sem okkur vantar.
Óskalistinn minn:
Messur um bæna-
daga og páska
Skírdagur.
Fermingarmessa kl. 11
Sr. Hjálmar Jónsson. Dómkórinn
syngur,organisti er Kári Þormar.
Kvöldmessa kl. 20
sr. Þórir Stephensen prédikar.
Fyrir altari þjóna sr. Kjartan Örn Sigur-
björnsson og sr. Sveinbjörn Bjarnason
auk sr. Hjálmars Jónssonar sóknarprests
Einsöngvari er Einar Clausen.Organisti er
Kári Þormar. Kammerkór Dómkirkjunnar
syngur.
Föstudagurinn langi.
Guðsþjónusta kl. 11.
Sr. Árni Svanur Daníelsson prédikar.
Dómkórinn syngur, organisti er Kári
Þormar.
Krossferill Krists kl. 14.
Lesarar, Einari Gottskálksson, Auður
Garðarsdóttir, Ólöf Guðrún Helgadóttir
auk sr. Hjálmars Jónssonar sóknarprests.
Dómkórinn syngur, organisti er Kári
Þormar.
Páskadagur.
Hátíðarguðsþjónusta kl. 8.
Herra Karl Sigurbjörnsson biskup
prédikar. Sr. Hjálmar Jónsson þjónar fyrir
altari. Dómkórinn syngur, organisti er
Kári Þormar
Hátíðarmessa kl. 11
sr. Árni Svanur Daníelsson prédikar,sr.
Hjálmar Jónsson þjónar fyrir altari. Dóm-
kórinn syngur,organisti er Kári Þormar
2. páskadagur
Messa kl. 11
sr. Hjálmar Jónsson prédikar. Dómkórinn
syngur organisti er Kári Þormar.
Messa kl. 14 í Kolaportinu.
Sr. Hjálmar Jónsson prédikar og þjónar
ásamt sr. Steinunni Arnþrúði Björnsdótt-
ur. Þorvaldur Halldórsson syngur og
leikur.