Fréttablaðið - 21.04.2011, Blaðsíða 48

21. apríl 2011 FIMMTUDAGUR40
sport@frettabladid.is
KIEL vann í gær sætan sigur, 38-35, á toppliði Hamburg í þýska handboltanum. Aron Pálmarsson
skoraði 4 mörk fyrir Kiel sem er í öðru sæti deildarinnar. Þórir Ólafsson skoraði síðan 6 mörk fyrir
Lubbecke sem tapaði á heimavelli, 25-27, fyrir Göppingen. Lið Dags Sigurðssonar, Fuchse Berlin, vann
síðan öruggan ellefu marka sigur á Lemgo, 35-24, þar sem Alexander Petersson komst ekki á blað.
KÖRFUBOLTI Marcus Walker verður
örugglega á milli tannanna hjá
íslensku körfuboltafólki um
ókomna tíð eftir magnaða frammi-
stöðu sína í úrslitakeppninni.
Þegar menn fóru að skoða sögu-
bækurnar betur kom líka í ljós að
spilamennska þessa eldfljóta og
stórskemmtilega bakvarðar væri
einstök í 28 ára sögu úrslitakeppn-
innar.
Marcus sló nefnilega tólf ára
stigamet Damons Johnson með
því að skora 332 stig í 11 leikjum
KR í úrslitakeppninni en það gera
30,2 stig að meðaltali í leik. Wal-
ker bætti metið þegar hann gerði
nánast út um leikinn með frábær-
um þriðja leikhluta þar sem hann
skoraði 18 af 40 stigum sínum í
leiknum á þriðjudagskvöldið.
Böðvar Guðjónsson, formaður
körfuknattleiksdeildar KR, ætlar
að semja við Marcus og alla aðra
leikmenn liðsins fyrir lokahóf
KKÍ. „Ég sest niður með honum
áður en hann fer aftur til Banda-
ríkjanna og vænti þess að við
skrifum undir samning. Það á
síðan eftir að koma í ljós hvort
það verða einhver ákvæði í þeim
samningi um tilboð frá liðum
utan Íslands. Þá væri honum
eins og gefur að skilja heimilt
að stökkva á það enda eru eru
meiri peningar í boði,“ segir
Böðvar.
„Þessi strákur er bara topp ein-
tak og mér myndi ekki bregða við
það ef hann kæmi aftur til Íslands
og tæki annað ár með okkur.
Honum líður mjög vel hérna og
nýtur sín virkilega. Þetta er líka
kornungur strákur og það væri
ekkert vitlaust fyrir hann að taka
eitt ár til viðbótar hér,“ segir
Böðvar.
Damon og Walker eru nú tveir
af aðeins fjórum meðlimum í 300
stiga klúbbnum því Damon bætti á
sínum tíma met Rondey Robinson
sem skoraði 313 stig með Njarð-
vík í úrslitakeppninni 1995. Der-
rick Allen var síðastur á undan
Walker til að bætast í hópinn.
Marcus Walker skoraði 33 stig
eða meira í þremur síðustu leikjum
KR-liðsins í úrslitakeppninni, rauf
30 stiga múrinn í sex leikjum og
var með 20 stig eða meira í öllum
ellefu leikjunum. Walker var með
32,5 stig að meðaltali í úrslitaein-
víginu þar sem hann hitti úr 67
prósentum þriggja stiga skota
sinna (14 af 21) og tapaði aðeins 2
boltum á 143 mínútum. - óój
KR-ingar eru bjartsýnir á að halda Marcus Walker í Vesturbænum á næsta tímabili:
Marcus tók stigametið af Damon
MARCUS WALKER Átti einstaka úrslita-
keppni með KR. FRÉTTABLAÐIÐ/ANTON
Flest stig í úrslitakeppni
Marcus Walker KR 2011
332 stig í 11 leikjum 30,2 í leik
Damon Johnson Keflavík 1999
317 stig í 11 leikjum 28,8 í leik
Rondey Robinson Njarðvík 1995
313 stig í 12 leikjum 26,1 í leik
Derrick Allen Keflavík 2004
301 stig í 12 leikjum 25,1 í leik
Damon Johnson Keflavík 2002
300 stig í 10 leikjum 30,0 í leik
- Saurbæjarás -
Frístundabyggð í Siglufirði, Fjallabyggð
Tillaga að deiliskipulagsbreytingu fyrir Saurbæjarás
í Siglufirði auglýsist hér með skv. 41. gr.
skipulagslaga nr. 123/2010.
Skipulagssvæðið er skilgreint 21,5 ha að
flatarmáli og afmarkast við Skútudalsá í norðri og
austri, strandlengju í vestri og Saurbæjarás í suðri.
Þar er gert ráð fyrir 27 frístundahúsum ásamt
útivistarsvæði.
Breytingin felur í sér breytta aðkomu að 8
frístundahúsum auk þess sem hámarsksstærð
frístundahúsa var aukin og mænisstefnu einstakra
húsa snúið. Skipulagið var einnig staðfært að nýju
Aðalskipulagi Fjallabyggðar 2008-2028.
Tillagan verður til sýnis á skrifstofum Fjallabyggðar
að Gránugötu 24 á Siglufirði og Ólafsvegi 4 í
Ólafsfirði frá og með fimmtudeginum 21. apríl
til fimmtudagsins 2. júní 2011. Tillagan verður
einnig aðgengileg á heimasíðu sveitarfélagsins
- www.fjallabyggd.is -
Skriflegar athugasemdir og ábendingar skulu hafa
borist skipulags- og umhverfisnefnd eigi síðar en
kl. 16.00 fimmtudaginn 2. júní 2011.
Þeir sem ekki gera athugasemdir innan tilskilins
frests, teljast samþykkir tillögunni.
Bæjarstjóri Fjallabyggðar
Auglýsing um tillögu að
deiliskipulagsbreytingu
Enska úrvalsdeildin:
Tottenham-Arsenal 3-3
0-1 Theo Walcott (5.), 1-1 Rafael van der Vaart
(7.), 1-2 Samir Nasri (11.), 1-3 Robin Van Persie
(39.), 2-3 Tom Huddlestone (44.), 3-3 Rafael van
der Vaart, víti (70.)
Chelsea-Birmingham 3-1
1-0 Florent Malouda (2.), 2-0 Salomon Kalou
(25.), 3-0 Florent Malouda (61.), 3-1 Sebastian
Larsson, víti (76.)
STAÐA EFSTU LIÐA:
STAÐAN:
Man United 33 20 10 3 70-32 70
Chelsea 33 19 7 7 61-27 64
Arsenal 33 18 10 5 66-34 64
Man City 32 16 8 8 50-30 56
Tottenham 32 14 12 6 47-39 54
Liverpool 33 14 7 12 46-39 49
ÚRSLIT
FÓTBOLTI Fylkir vann góðan
sigur á KR, 1-0, í undanúrslitum
Lengjubikarsins í gær og er
komið í úrslitaleikinn.
Fyrri hálfleikur var með dauf-
ara móti og var markalaust í leik-
hléi. Á 48. mínútu náði Ingimund-
ur Níels Óskarsson aftur á móti
að skora fyrir Fylki.
KR fékk nokkur fín færi í kjöl-
farið, meðal annars sláarskot, en
inn vildi boltinn ekki.
Fylkismenn réðu síðan ferðinni
undir lokin og unnu nokkuð sann-
gjarnan sigur. - hbg
Undanúrslit Lengjubikarsins:
Fylkir komið í
úrslitaleikinn
BARÁTTA Gylfi Einarsson Fylkismaður
og Baldur Sigurðsson berjast hér um
boltann í gær. FRÉTTABLAÐIÐ/VALLI
FÓTBOLTI Það má ekki afskrifa
Chelsea en liðið er komið á fullt í
toppbaráttu ensku úrvalsdeildar-
innar eftir sigur á Birmingham en
Arsenal gerði á sama tíma jafnt-
efli gegn Tottenham.
Leikurinn á White Hart Lane
byrjaði með hreint ótrúlegum
látum. Strax á 5. mínútu kom
Theo Walcott Arsenal yfir með
góðu marki og leikmenn Arsenal
voru nánast enn að fagna markinu
þegar Rafael van der Vaart jafn-
aði metin fyrir Spurs. Mögnuð
byrjun.
Það var þó langur vegur frá
því að leikmenn liðanna ætluðu
að slaka á klónni því á 12. mín-
útu kom Samir Nasri liði Arsenal
aftur yfir með þrumuskoti fyrir
utan teig.
Fimm mínútum fyrir hlé skor-
aði Robin Van Persie þriðja mark
gestanna. William Gallas lenti í
vandræðum með að hreinsa. Bolt-
inn fór til Walcotts sem gaf í teig-
inn á Persie. Hann náði skoti að
marki sem Gomes varði glæsilega.
Persie náði aftur á móti frákastinu
og kláraði færið með stæl. Spurs
gafst ekki upp frekar en fyrri dag-
inn og Tom Huddlestone minnk-
aði muninn fyrir hlé. 2-3 í hálf-
leik í hreint út sagt stórkostlegum
knattspyrnuleik.
Sama fjörið hélt áfram í síðari
hálfleik þar sem bæði lið sóttu
af krafti. Á 70. mínútu braut
Szczesny, markvörður Arsenal,
á Aaron Lennon og vítaspyrna
réttilega dæmd. Van der Vaart
tók spyrnuna og skoraði af miklu
öryggi. Aðeins mínútu síðar átti
Modric að skora en Szczesny varði
glæsilega. Bæði lið áttu ágæt færi
það sem eftir lifði leiks en fleiri
urðu mörkin ekki.
„Það var brjálæðislegur hraði
í þessum leik. Auðvitað erum við
svekktir eftir að hafa komist 3-1
yfir. Við sýndum frábært við-
horf í fyrri hálfleik en duttum of
mikið til baka í þeim síðari. Það
er stutt síðan við spiluðum og
erfitt að vera á þessum hraða í 90
mínútur,“ sagði Wenger.
„Við erum ekki búnir að gefast
upp. Við munum berjast eins og
brjálæðingar í þeim leikjum sem
eru eftir. Það má ekki gleyma því
að við erum búnir að spila 15 leiki
í röð án þess að tapa. Það er ekkert
annað lið í deildinni sem státar af
slíkum árangri. Það er frábært
viðhorf og barátta í þessu liði.“
Fimmtíu milljón punda maður-
inn Fernando Torres mátti sætta
sig við að byrja á bekknum þegar
Chelsea vann auðveldan heima-
sigur á Birmingham og er því
enn í baráttunni. Hann fékk þó að
spila en tókst ekki að skora frekar
en áður. henry@frettabladid.is
Chelsea stimplar sig inn
Chelsea komst upp í annað sæti ensku úrvalsdeildarinnar í gær. Bæði Chelsea
og Arsenal eru sex stigum á eftir Man. Utd. Spurs náði jafntefli gegn Arsenal.
FLUGFERÐ Gareth Bale lenti í harkalegu samstuði við markvörð Arsenal og fékk í
kjölfarið vænta flugferð. NORDIC PHOTOS/GETTY IMAGES
FÓTBOLTI Real Madrid varð í gær
bikarmeistari á Spáni þegar liðið
lagði Barcelona, 1-0, í framlengd-
um úrslitaleik. Það var Cristiano
Ronaldo sem skoraði eina mark
leiksins.
Sigurinn er gríðarlega mikil-
vægur fyrir Madrídarliðið og
gefur liðinu trú fyrir baráttuna
sem fram undan er hjá liðunum í
undanúrslitum Meistaradeildar-
innar.
Mörkin létu á sér standa í
venjulegum leiktíma en Börsung-
ar voru óheppnir að skora ekki
enda talsvert sterkari aðilinn í
leiknum. Börsungar tóku öll völd
á vellinum og hreinlega yfir-
spiluðu Madrídinga sem vissu
ekki sitt rjúkandi ráð. Markið lá
í loftinu en það kom ekki og því
varð að framlengja leikinn.
Þegar tvær mínútur voru eftir
af fyrri hálfleik framlengingar
kom Cristiano Ronaldo liði Real
Madrid yfir.
Angel di Maria átti þá frábæra
sendingu í teiginn og þar skallaði
Ronaldo boltann listavel í fjær-
hornið. 1-0. Ronaldo var búinn að
vera ógnandi í leiknum og nokkr-
um sinnum komist nálægt því að
skora.
Börsungar reyndu allt hvað
þeir gátu til þess að jafna leikinn
en allt kom fyrir ekki. - hbg
Úrslit spænska bikarsins:
Ronaldo sá um
Barcelona
SIGURMARKIÐ Ronaldo fagnar hér
glæsimarki sínu sem skilaði Real bikar-
meistaratitlinum. NORDIC PHOTOS/GETTY IMAGES