Fréttablaðið - 14.05.2011, Qupperneq 85

LAUGARDAGUR 14. maí 2011 41
56 Áður en hann spilaði It‘s Alright Ma (I‘m Only Bleed-
ing) í Höllinni 1990 tók hann fram
að lagið tengdist ekki hans eigin
móður á nokkurn hátt.
57 Þegar Dylan spilaði á Íslandi 2008 gisti hann á
Hótel Borg. Skömmu fyrir tón-
leikana sást hann á rölti um
Miklatún.
Fyrsti rapparinn
58 Rapparinn Ice-T kallaði Dylan eitt sinn „fyrsta rapp-
arann“ í viðtali.
59 Í útvarpsþætti sínum Theme Time Radio Hour fór Dylan
með nokkrar línur úr rapplaginu
vinsæla Mama Said Knock You
Out með LL Cool J. Dylan rappaði
einnig með Kurtis Blow árið 1986.
60 Dylan hefur einnig lýst yfir aðdáun sinni á téðum Ice-
T, Public Enemy og fleiri rapp-
sveitum.
61 Hann hefur þó lýst því yfir að honum leiðist margt
nútíma-hipphopp og hvetur nýja
rappara til að hafa í huga að
minna sé oft meira í þeim efnum.
Grunsamlegur gamlingi
62 Í endurminningum sínum, Chronicles, vol. 1, segir
Dylan frá því að hann hafi einu
sinni séð vofu Johns Wilkes
Booth, morðingja Abrahams Lin-
coln, á bar í New York.
63 Í kringum 1970 varð Dylan fyrir stöðugu ónæði frá
furðufuglinum A.J. Weberman,
sem gramsaði m.a. reglulega í
öskutunnunum hans og þróaði út
frá því nýja vísindagrein: rusl-
fræði (garbology). Í kjölfarið
gramsaði hann í rusli hjá fleira
frægu fólki og gaf út bók um
niður stöður sínar.
64 Árið 1999 kom Dylan fram í gamanþættinum Dharma
& Greg.
65 Dylan lék aðalhlutverkið í kvikmyndinni Masked and
Anonymous árið 2003.
66 Árið 2004 kom Dylan fram í sjónvarpsauglýsingu fyrir
nærfataframleiðandann Vic-
toria‘s Secret.
67 Í október 2001 var Dylan meinað að komast baksviðs
á sínum eigin tónleikum í Oregon-
fylki Bandaríkjanna. Öryggis-
verðirnir þekktu hann ekki.
68 Í júlí árið 2009 var Dylan yfirheyrður af lögreglu í
New Jersey eftir að nágranni
kvartaði undan „grunsamlegum
gömlum manni“ í garðinum
sínum. Söngvarinn var á hljóm-
leikaferð og ákvað að skella sér í
göngutúr um hverfið.
69 Dylan var fyrst tilnefndur til bókmenntaverðlauna
Nóbels árið 1997. Hann hefur
margoft verið tilnefndur síðan en
aldrei unnið.
70 Í dag býr Dylan í Malibu í Kaliforníuríki.
Heiðurstónleikar í Hörpu
Bob Dylan fagnar sjötugsafmæli sínu
þriðjudaginn 24. maí næstkomandi og heldur
einnig upp á hálfrar aldar starfsafmæli í ár. Af
því tilefni verða haldnir tónleikar í Hörpu, nýja
tónlistar- og ráðstefnuhúsinu, laugardaginn
28. maí þar sem einvalalið íslensks tónlistar-
fólks heiðrar tónlistarmanninn.
Hljóðfæraleikur verður að mestu í höndum
Memfismafíunnar á tónleikunum, en meðal
þeirra sem stíga á svið má nefna Björgvin Hall-
dórsson, Bubba Morthens, Ólöfu Arnalds, KK,
Lay Low, Helga Björnsson og Pál Rósin kranz.
Þá mun eina sérhæfða Dylan-sveit Íslands,
Slow Train, einnig koma fram á tónleikunum.
Kynnir verður útvarpsmaðurinn Ólafur Páll
Gunnarsson.
Hægt er að nálgast miða á tónleikana á
vefsíðunni Miði.is.