Fréttablaðið - 09.06.2011, Síða 6
9. júní 2011 FIMMTUDAGUR6
ALÞINGI Forystumenn stjórnar og
stjórnarandstöðu voru ekki sam-
mála um margt í eldhúsdagsumræð-
um á Alþingi í gær. Eitt gátu þeir
þó komið sér saman um: Að nú um
stundir væri kalt á Íslandi.
„Ríkisstjórnin er að festa allt í
klakaböndum,“ sagði Bjarni Bene-
diktsson, formaður Sjálfstæðis-
flokksins. Afleitt væri fyrir þjóð-
ina að þurfa að dragnast með
ríkisstjórn afturhalds og hafta, sem
drægi fæturna, þrifist á átökum og
kenndi öllum öðrum um vandamálin
en sjálfri sér.
Vissulega hefði um stund þurft
að herða ólina en reyndin væri sú
að sá tími væri nú liðinn. „Hjarta
atvinnulífsins slær, en afar hægt og
veikt,“ sagði Bjarni. Þar fyrir utan
væri nú hart sótt að lykilatvinnu-
vegi þjóðarinnar, sjávarútveginum,
og sú atlaga mundi, ef hún tækist,
kosta þjóðarbúið milljarða.
Áður en hann sleppti orðinu kall-
aði Bjarni eftir afsögn ríkisstjórnar-
innar. Það sama áttu fleiri leiðtogar
stjórnarandstöðunnar eftir að gera.
„Vorið hefur að sönnu verið kalt,
ekki síst um norðan- og austan-
vert landið, en það er nú samt með
ólíkindum að það hafi farið svona
algjörlega fram hjá formanni Sjálf-
stæðisflokksins að það er komið
vor,“ sagði Steingrímur J. Sigfús-
son fjármálaráðherra í ræðu sinni.
Steingrímur lýsti því að hér væri
allt á uppleið þótt sú leið væri erfið.
Hér væri hagvöxtur, húsnæðis-
markaður að taka við sér og nýlegir
kjarasamningar væru stórtíðindi,
þótt „gamlir, geðillir fauskar, fyrr-
verandi þetta og fyrrverandi hitt“
reyndu í sífellu að brjóta ráðamenn
niður með því að rífa í sig það sem
vel væri gert.
„Það er bjart fram undan,“ sagði
Steingrímur að lokum.
Þingflokksformaðurinn Þórunn
Sveinbjarnardóttir var fyrsti ræðu-
maður Samfylkingarinnar. Hún tal-
aði fyrir siðbót í pólitískri umræðu,
sagði hana fyrst og fremst hafa átt
sér stað í hnefaleikahringnum til
þessa og kallaði eftir því að stjórn-
málamenn létu ekki gamlar erjur
og jafnvel heift blinda sig frammi
fyrir því verkefni að endurskoða
forneskjulegar þinghefðir.
„Við þurfum að opna landið fyrir
erlendum fjárfestingum í öllum
atvinnugreinum, ekki bara sumum,“
sagði Þórunn enn fremur, og árétt-
aði þá alkunnu skoðun Samfylking-
arinnar að aðild að Evrópusamband-
inu væri þjóðinni bráðnauðsynleg.
Sigmundur Davíð Gunnlaugsson,
formaður Framsóknarflokksins, hóf
mál sitt á að gagnrýna Jóhönnu Sig-
urðardóttur forsætisráðherra fyrir
að þora ekki að standa fyrir máli
sínu í umræðunum, eins og hann
orðaði það. Það væri þó kannski
ekki skrítið, í ljósi stöðunnar.
„Hvers vegna er öllu til fórnandi
til að þóknast erlendum embættis-
mönnum og kröfuhöfum?“ spurði
Sigmundur og svaraði sjálfur: Til
að eiga greiða leið inn í Evrópusam-
bandið. Hannn sagði Vinstri græn
líta á sig sem eins konar verktaka
í ríkisstjórninni og fengju að halda
ráðuneytum til að geta stundað
sínar sérkennilegu hagstjórnar- og
samfélagstilraunir.
Margrét Tryggvadóttir frá
Hreyfingunni sagði afleitlega hafa
tekist til við að leysa úr skuldavanda
heimilanna og „verulega ógeðfellt“
væri að heyra fjármálaráðherra
stæra sig af því að hafa endurreist
bankakerfið á kostnað skuldsettra
heimila. „Steingrímsleiðin er leið
kröfuhafanna – leið handrukkar-
anna,“ sagði hún og hvatti fólk til
að nýta borgaralegan rétt sinn og
knýja á um breytingar með öllum
mögulegum ráðum.
Lilja Mósesdóttir gagnrýndi efna-
hagsstefnu ríkisstjórnarinnar harð-
lega og sagði hana hafa kostað þús-
undir vinnuna.
stigur@frettabladid.is
Vorið hefur að sönnu
verið kalt, ekki síst um
norðan- og austanvert landið,
en það er nú samt með
ólíkindum að það hafi farið
svona algjörlega fram hjá for-
manni Sjálfstæðisflokksins að
það er komið vor.
STEINGRÍMUR J. SIGFÚSSON
FJÁRMÁLARÁÐHERRA
– FULLT HÚS ÆVINTÝRA
REYKJAVÍK • AKUREYRI
ellingsen.is
FELLHÝSIN FÁST Í
ELLINGSEN
PIPA
R\TBW
A
• SÍA
• 111360
EFNAHAGSMÁL Páll Harðarson, for-
stjóri Kauphallarinnar, segir nið-
urstöður fyrsta gjaldeyrisútboðs
Seðlabankans fyrir eigendur afla-
ndskróna jákvæðar. Þær bendi til
að hægt sé að aflétta gjaldeyris-
höftunum með meiri hraða en
áætlun stjórnvalda geri ráð fyrir.
„Ég lít á þetta sem vissa
traustsyfirlýsingu á Íslandi. Fjár-
festar virðast ekki vera í nein-
um flýti að hlaupa burt. Þetta
er því býsna jákvætt og ég held
að stjórnvöld ættu í kjölfarið að
breyta kúrsinum og endurskoða
fyrirliggjandi áætlun,“ segir
Páll og bætir við: „Seðlabank-
inn metur að það séu til staðar
465 milljarðar aflandskróna en
það eru ekki nema 60 milljarðar
rúmir sem taka þátt í útboðinu.
Þannig að eigendur 87 prósenta
aflandskróna sjá ekki ástæðu til
að vera með og liggur þar með
ekki meira á að losna en það. Þá
eru einungis þrjú prósent tilbúin
til að greiða hærra verð fyrir evr-
una en 215 krónur. Þrýstingurinn
sem áætlun stjórnvalda gerir ráð
fyrir og byggir á virðist því bara
ekki vera fyrir hendi.“
Seðlabankinn hélt í fyrradag
sitt fyrsta af
væntanlega
nokkrum gjald-
eyrisútboðum
fyrir eigendur
aflandskróna
en útboðin eru
liður í áætlun-
inni um afnám
h a f t a . P á l l
m æl i r me ð
því að Seðlabankinn drífi sig í
að halda fleiri útboð og leggur
einnig til að fallið verði frá ríkis-
stjórnarfrumvarpi um framleng-
ingu haftanna sem liggur fyrir
þinginu og búist er við að verði
afgreitt á næstu dögum. Losun
haftanna verði markvissari en
nú sé gert ráð fyrir.
Már Guðmundsson seðlabanka-
stjóri sagði í samtali við Frétta-
blaðið í fyrradag að útboðið hefði
heppnast ágætlega. Þá lagði hann
áherslu á að áætlun stjórnvalda
byggði á því að skilyrði væru
uppfyllt en ekki á tíma. Auðvitað
væri vilji til að losa höftin eins
fljótt og hægt væri en þó ekki
fyrr en það. Þá myndu næstu
útboð gefa gleggri mynd af stöð-
unni. - mþl
Forstjóri Kauphallarinnar segir niðurstöður gjaldeyrisútboðs Seðlabankans fyrr í vikunni vera jákvæðar:
Hægt að losa gjaldeyrishöft á meiri hraða
PÁLL HARÐARSON
MENNTAMÁL Þrír grunnskólar
landsins bjóða nemendum sínum
upp á ókeypis skólamáltíðir. Skól-
arnir eru Valsárskóli í Svalbarðs-
strandarhreppi, Stóru-Vogaskóli í
sveitarfélaginu Vogum og Lauga-
land í Ásahreppi. Nemendur greiða
allan kostnað í ellefu skólum í
tveimur sveitarfélögum, Akureyri
og Álftanesi. Á Akureyri greiða
nemendur 415 krónur og á Álfta-
nesi 468 krónur. Þetta eru niður-
stöður nýrrar könnunar Neytenda-
stofu á verði skólamáltíða.
Neytendastofa sendi öllum 76
sveitarfélögum landsins fyrir-
spurn. Svör fengust um verð-
lagningu og verðmyndun frá 157
grunnskólum í 68 sveitarfélögum,
en sex sveitarfélög starfrækja ekki
grunnskóla. Engar upplýsingar
bárust frá Vesturbyggð og Kald-
rananeshreppur býður ekki upp á
skólamáltíðir. Þetta kemur fram í
tilkynningu frá Neytendastofu.
Í lögum um grunnskóla er heim-
ilt að láta nemendur greiða allan
kostnað vegna máltíða en mörg
sveitarfélög láta nemendur aðeins
greiða hráefniskostnað. Í sumum
sveitarfélögum eru nemendur látn-
ir greiða hluta af föstum kostnaði
vegna máltíðanna. - sv
Ný könnun Neytendastofu á skólamáltíðum sýnir mikinn mun milli skóla:
Þrír skólar veita ókeypis mat
■ Nemendur greiða hráefni og hluta
kostnaðar í 77 skólum.
■ Lægsta verð var 224 krónur í Gerða-
skóla í sveitarfélaginu Garði.
■ Hæsta verð er 526 krónur fyrir börn í
8. til 10. bekk Reykhólaskóla í Reykhóla-
hreppi.
■ Meðalverð var 297 krónur.
■ Nemendur greiða eingöngu hráefni í 66
skólum.
■ Lægsta verð er 110 krónur hjá 1. til 4.
bekk í Heiðarskóla í Hvalfjarðarsveit.
■ Hæsta verð er 460 krónur í Lauga-
gerðisskóla í Eyja- og Miklaholtshreppi
fyrir nemendur í 4. til 10. bekk.
■ Meðalverð er 303 krónur.
Mikill munur
SKÓLAMÁLTÍÐ Ellefu skólar á
Akureyri láta nemendur greiða
fullan kostnað við máltíðir.
DÓMSMÁL Lögreglustjórinn á
höfuðborgarsvæðinu hefur ákært
karlmann fyrir líkamsárás.
Manninum er gefið að sök að hafa
í ágúst 2009, við Ingólfstorg, í
Reykjavík, kýlt annan nokkrum
höggum í andlitið með krepptum
hnefa og sparkað með hné í kvið
hans. Sá sem ráðist var á hlaut
bólgur og mar hægra megin í
andliti og á höfði og auma og stífa
hálsvöðva.
Sá sem fyrir árásinni varð
gerir kröfu um að árásarmaður-
inn greiði sér rúmlega milljón í
skaða- og miskabætur. - jss
Krafinn um milljón í bætur:
Kýldi í andlit og
sparkaði í kvið
ÖRYGGI Bönd í blöðrum geta verið
varasöm fyrir börn. Neytenda-
stofa vill benda foreldrum á að nú
þegar 17. júní og fleiri hátíðar-
höld fara að ganga í garð, að huga
vel að öryggi barna sinna.
Á gasblöðrur eru gjarnan sett
gjafabönd sem stundum eru nær
óslítanleg. Oft eru blöðrurnar
bundnar við barnvagna eða úln-
liði barna. Neytendastofa segir
þetta geta skapað hættu, þar sem
börn geta vafið böndunum um
háls sér með ófyrirsjáanlegum
afleiðingum. Forráðamönnum er
bent á að blöðrur ætti alls ekki
binda við vöggu, rúm eða hand-
leggi barna eða þar sem börn eru
að leik án eftirlits. - sv
Neytendastofa varar við:
Bönd í blöðrum
oft varasöm
BLÖÐRUR Löng bönd í blöðrum geta
verið varasöm börnum. FRÉTTABLAÐIÐ/HÖRÐUR
Hefur þú kynnt þér frumvörp
um breytingar á stjórn fisk-
veiða?
JÁ 27,6%
NEI 72,4%
SPURNING DAGSINS Í DAG:
Lestu myndasögurnar í
dagblöðunum?
Segðu skoðun þína á visis.is
Kalt vor og klakabönd á þingi
Stjórnarandstaðan kallar eftir afsögn ríkisstjórnarinnar. Hún geri ekkert rétt. „Það er bjart fram undan,“
segir fjármálaráðherra. Þingflokksformaður Samfylkingar vill færa þingumræður úr hnefaleikahringnum.
ÚR HNEFALEIKAHRINGNUM Þórunn Sveinbjarnardóttir kallaði eftir því að þingmenn létu ekki gamlar erjur og jafnvel heift koma í
veg fyrir að hægt væri að taka höndum saman um að breyta forneskjulegum þinghefðum. FRÉTTABLAÐIÐ/GVA
KJÖRKASSINN