Fréttablaðið - 14.06.2011, Blaðsíða 46
14. júní 2011 ÞRIÐJUDAGUR26
SJÓNVARPSÞÁTTURINN
Gísla leist vel á þetta
allt saman, enda
algjör toppnáungi.
NÍELS THIBAUD GIRERD
„Japanski þátturinn One Piece
eða Ástríkur og þrautirnar 12, ef
ég fer langt til baka.“
Heimir Héðinsson, tónlistarmaður og
grafískur hönnuður.
Nýtt!
Hvað ætlar þú
að hafa í matinn?
„Myndin fjallar um fíkniefna-
neytanda og hugarheim hans,“
segir Níels Thibaud Girerd, betur
þekktur sem Nilli, en hann leik-
stýrir sinni fyrstu stuttmynd í
sumar.
Nilla ættu einhverjir að kann-
ast við, en hann er maðurinn á
bak við frasann: „Sælir, Nilli, og
ég var að banga chicks.“ Frasann
rappaði hann óvænt fyrir töku-
vélar mbl-sjónvarpsins í fyrra,
þegar Iceland Airwaves-hátíðin
stóð sem hæst. Í kjölfarið fékk
hann sinn eigin þátt á mbl.is sem
notið hefur mikilla vinsælda, en
þar tekur hann einlæg viðtöl við
marga þjóðþekkta Íslendinga.
Með aðalhlutverk stuttmyndar-
innar fer enginn annar en stórleik-
arinn Gísli Örn Garðarsson sem
nýlega lék í Hollywood-myndinni
Prince of Persia. Nilli segir að
hann hafi tekið vel í hugmyndina.
„Gísla leist vel á þetta allt saman,
enda algjör topp náungi.“
Nilli er bæði leikstjóri og höf-
undur myndarinnar, en vinur hans,
Daníel Gylfason, aðstoðaði við
handritsgerð og verður aðstoðar-
leikstjóri. „Hugmyndin að mynd-
inni er búin að blunda í mér síðan í
janúar. Þetta er kannski ófrumlegt
efni, en ég ætla að gera mitt besta
til þess að gera myndina skemmti-
lega og góða,“ segir Nilli, sem er
nýkominn í sumarfrí og getur því
farið að huga að tökum með Gísla.
„Ég ákvað að klára önnina mína í
MH og kýla svo á þetta.“
kristjana@frettabladid.is
NÍELS THIBAUD GIRERD: SEST Í LEIKSTJÓRASTÓLINN
Nilli leikstýrir Gísla Erni í
stuttmynd um fíkniefni
„Það var kominn tími á að gera eitt-
hvað almennilegt fyrir Hafnfirð-
inga,“ segir Arnar Þór Gíslason,
eigandi English Pub í Austurstræti.
Um miðjan júlí opnar hann sama
pöbb í Flatahrauninu í Hafnarfirði.
Hann segir útlit og stærð staðarins
vera svipað þeim stöðum sem finna
má í miðbæ Reykjavíkur. „Okkur
finnst að þeir sem búa í Hafnar-
firði og nágrenni megi njóta þess
að spara sér tíu þúsund krónur í
leigubíl fram og til baka og koma
frekar á pöbbinn til okkar.“
Arnar Þór rekur þrjá skemmti-
staði í miðbæ Reykjavíkur, English
Pub, Dönsku krána og Café Oliver,
en hann hlakkar mikið til þess að
fá alvöru pöbb í heimabæinn sinn.
„Það hefur nokkrum sinnum verið
reynt að opna pöbb hér í Hafnar-
firði en ekki alltaf gert með heil-
um hug. Það eru komin rúm þrjú
ár síðan ég opnaði English Pub í
bænum og kúnnarnir eru duglegir
að láta mann vita ef þeir vilja sjá
breytingar eða nýjungar. Maður
reynir þá að koma til móts við þær,“
segir Arnar Þór, en fleiri ástæður
liggja þó að baki opnunarinnar.
„Konan mín er að fara að fæða
hérna í heita pottinum í þessum töl-
uðu orðum svo það er nýr Gaflari á
leiðinni. Við erum harðir Hafnfirð-
ingar,“ segir Arnar Þór, verðandi
faðir og bareigandi. - ka
Opnar English Pub í Hafnarfirði
LÍKA Í HAFNARFIRÐI Arnar Þór Gíslason, eigandi English Pub í Austurstræti, stendur
í framkvæmdum en hann ætlar að opna sama pöbb í Flatahrauni í Hafnarfirði.
FRÉTTABLAÐIÐ/VALLI
Danshljómsveitin Steed Lord var
aðalnúmer raftónlistarhátíðarinn-
ar Electronica Festival sem fram
fór í Istanbúl um síðustu helgi. Að
auki var tónlistarmyndband sveit-
arinnar notað til að auglýsa hátíð-
ina á sjónvarpsstöðinni MTV.
Electronica Festival er haldin
á þriggja ára fresti og fer fram á
fallegri strönd skammt fyrir utan
Istanbúl. Hljómsveitin Daft Punk
var aðalnúmer hátíðarinnar árið
2008 og því þurfti Steed Lord að
fylla í stór spor. Að sögn Svölu
Björgvinsdóttur, söngkonu sveit-
arinnar, höfðu meðlimir hljóm-
sveitarinnar aldrei komið til Tyrk-
lands áður og því þáðu þau boðið á
hátíðina með þökkum. „Við erum
með góðan aðdáendahóp hérna en
vissum ekkert af því. Við spiluð-
um á besta tíma og fannst ótrúlega
gaman enda er mikið lagt í hátíð-
ina,“ segir Svala.
Meðlimir Steed Lord lögðu á
sig þrettán klukkustunda flug-
ferð frá Los Angeles, þar sem þau
eru búsett, til Istanbúl og viður-
kennir Svala að tímaskyn þeirra
hafi ruglast talsvert við ferða-
lagið. Sveitin flaug svo aftur til
Bandaríkjanna daginn eftir tón-
leikana þar sem þeirra beið vinna
í tengslum við sjónvarpsþáttinn So
You Think You Can Dance. „Við
þurftum að mæta í upptöku í sjón-
varpssal fyrir So You Think You
Can Dance því lagið Vanguardian
verður notað í atriði sem Sonya
Tayeh semur. Atriðið er sýnt í
fyrsta þætti og við erum mjög
spennt að sjá útkomuna. Annað
lag eftir okkur verður svo notað í
einum lokaþættinum,“ segir Svala
og bætir við: „Þetta er mikill heið-
ur fyrir okkur því það horfa marg-
ar milljónir á þættina og lögin sem
hljóma undir dansatriðunum fá
mikla athygli.“ - sm
Í fótspor Daft Punk
Á FERÐINNI Steed Lord var aðalnúmerið
á tyrkneskri raftónlistarhátíð og fetaði
þar með í fótspor Daft Punk.
„Það kemur mér alltaf jafn mikið á
óvart hversu mikið vesen það er að
gera eina bíómynd,“ segir Sverr-
ir Þór Sverrisson. Hann er byrj-
aður á þriðju Sveppa-myndinni en
hinar tvær hafa slegið rækilega í
gegn hjá yngstu kynslóðinni. Í síð-
ustu mynd prófaði Sverrir að gera
myndina með hinni vinsælu þrí-
víddar-tækni en mynd númer þrjú
verður unnin á hefðbundinn hátt.
„Við erum búnir með þrívíddina.“
Sverrir var nýkominn niður af
Langjökli þegar Fréttablaðið náði
tali af honum. Þar var hann ásamt
leikurum og leikstjóranum Braga
Hinrikssyni í nánast heilan sólar-
hring að taka upp eina senu. „Það
svífur svolítill James Bond-andi
yfir vötnum í því atriði, við Bragi
höfum heldur aldrei verið feimnir
við að vísa í aðra myndir.“ Sverr-
ir segir tökurnar hafa verið hreint
ævintýri þótt þær hafi vissulega
tekið á enda voru þeir uppi á jökli
í tæpa tuttugu klukkutíma með
snjótroðara og snjósleða í fullri
vinnu.
Dularfullur og fljúgandi töfra-
skápur leikur lykilhlutverk í
myndinni en vondi karlinn, leikinn
af Halli Ingólfssyni, ásælist hann
mjög og vill selja hann til útlanda.
„Vondi karlinn er ekkert það
vondur ef maður les milli línanna,
hann er góður að upplagi en hefur
bara villst af braut,“ segir Sverr-
ir sem lofar mikilli og spennu og
miklu fjöri. „Þetta er mikið ævin-
týri.“ - fgg
Sveppi í sólarhring uppi á jökli
TÖKUR UPPI Á JÖKLI Bragi Þór Hinriksson, leikstjóri Sveppa-myndanna, leiðbeinir
þeim Guðjóni Davíð, Sveppa og Vilhelm Antoni fyrir tökur. MYNDIR/ÆGIR J. GUÐMUNDSSON
LEIKSTJÓRINN
NILLI
Níels Thibaud
Girerd, eða Nilli,
leikstýrir sinni fyrstu
stuttmynd í sumar.
Með aðalhlut-
verkið fer Gísli Örn
Garðarsson.