Fréttablaðið - 27.06.2011, Blaðsíða 2

27. júní 2011 MÁNUDAGUR2
UMFERÐARMÁL Meirihluta brúa í
þjóðvegakerfi landsins er enn
einbreiður, en unnið er að fækk-
un þeirra samkvæmt umferðar-
öryggisáætlun. Alls eru 1.206
brýr í þjóðvegakerfi landsins og
af þeim eru 722 einbreiðar. Ef
aðeins er litið til stofn- og tengi-
vega eru 423 einbreiðar brýr á
landinu.
Einar Magnús Magnússon, hjá
Umferðarstofu, segir að þar á bæ
hafi menn miklar áhyggjur af ein-
breiðum brúm. Í kynningarmynd-
bandi ætluðu erlendum ferðar-
mönnum er þeim sérstaklega bent
á hætturnar samfara akstri um
einbreiðar brýr.
„Það er ekkert launungarmál
að menn hafa haft áhyggjur af
þessu, enda eru einbreiðar brýr
miklir slysavaldar,“ segir Einar.
Hann segir svartbletti á vegakerfi
landsins, þar sem flest slys verða,
oftar en ekki í námunda við ein-
breiðar brýr.
Rögnvaldur Gunnarsson, for-
stöðumaður hjá Vegagerðinni,
segir unnið að því að fækka ein-
breiðum brúm. Sérstaklega sé
horft á brýr þar sem umferð er
meiri og einnig minni brýr. Kostn-
aður aukist síðan eftir því sem
brýrnar stækka. „Þegar herðir
að í þjóðarbúskapnum dregur úr
peningunum,“ segir Rögnvaldur.
Unnið er að tvöföldun brúarinn-
ar yfir Haffjarðará á Snæfellsnesi
og lýkur því verki í haust. Þá fékk
Vegagerðin viðbótarfjárveitingu
til að tvöfalda fjórar brýr á Vest-
fjörðum og hefjast framkvæmdir
við þær í haust.
Rögnvaldur segir slysahættuna
mikla við einbreiðar brýr og einn-
ig séu þær margar hverjar orðnar
mjög gamlar og því nauðsynlegt
að endurnýja þær.
Í umferðaröryggisáætlun til
ársins 2016 er stefnt að öruggari
vegum og eyðingu svartbletta.
Þeir eru skilgreindir sem staðir
í vegakerfinu þar sem fjöldi slysa
af líkum toga verður, til dæmis í
kröppum beygjum, við vegamót
eða einbreiðar brýr.
kolbeinn@frettabladid.is
722 einbreiðar brýr á
þjóðvegum landsins
Mikil slysahætta er vegna einbreiðra brúa á þjóðvegunum. Meirihluti brúa í
þjóðvegakerfinu er enn einbreiður. Fjármagn til framkvæmda hefur minnkað
vegna efnahagshrunsins. Umferðarstofa með fræðslu fyrir erlenda ferðamenn.
UNNIÐ AÐ TVÖFÖLDUN Verið er að reisa nýja tvöfalda brú yfir Haffjarðará á Snæfellsnesi og verður hún tekin í notkun í haust.
FRÉTTABLAÐIÐ/PJETUR
1.206 brýr eru í þjóðvegakerfinu,
samtals 31.1 kílómetri að lengd
722 eru einbreiðar
423 einbreiðar brýr eru á stofn- og
tengivegum
Fjölmargar brýr
LÖGREGLUMÁL Lögreglan á Akra-
nesi handtók í gærmorgun karl-
mann sem brotist hafði inn í
íbúðarhús á Akranesi og ráðist á
húsráðanda með barefli.
Þolandinn slasaðist þó nokk-
uð og var færður á sjúkrahús
til aðhlynningar, en fékk að
snúa aftur heim stuttu síðar.
Árásarmaðurinn var í annar-
legu ástandi, en hann hefur áður
komið við sögu lögreglu.
Að sögn lögreglu þekkjast
mennirnir, en ekki er vitað hvað
árásarmanninum gekk til. - ka
Líkamsárás á Akranesi:
Réðst vopnaður
á húsráðanda
LÖGREGLUMÁL Töluverð ölvun var
á Jónsmessuhátíðinni á Eyrar-
bakka um helgina.
Karlmaður um tvítugt var
handtekinn á sunnudagsmorgun-
inn fyrir ölvunarlæti og óspekt-
ir, en maðurinn ógnaði fólki með
brotinni glerflösku.
Lögreglan stöðvaði ökumann
vegna gruns um fíkniefnaakstur
og gisti annar karlmaður fanga-
geymslur vegna slagsmála. Eitt-
hvað var um pústra á milli manna
eftir Jónsmessuhátíðina og hefur
ein líkamsárás verið kærð. -ka
Hátíðarhöld á Eyrarbakka:
Mikil ölvun á
Jónsmessuhátíð
KJARAMÁL Engin lausn virðist vera í sjónmáli á kjara-
deilu flugmanna við Icelandair. Sáttasemjari sleit
fundi á laugardag þar sem of mikið þótti bera í milli
og ekki er ljóst hvenær hist verður á ný. Töluvert rask
hefur orðið á flugi um helgina.
„Við vonumst til þess að fá einhver ný útspil frá Ice-
landair. Það hefur ekkert breyst um helgina og eng-
inn fundur verið boðaður. Þannig að þetta er bara í
biðstöðu,“ segir Kjartan Jónsson, framkvæmdastjóri
Félags íslenskra atvinnuflugmanna.
Guðjón Arngrímsson, upplýsingafulltrúi Icelandair,
sagði ekkert að frétta af deilunni í gær. „Þetta er bara
í biðstöðu. Báðir aðilar að kalla eftir útspili frá hinum,
eins og þetta er yfirleitt,“ sagði Guðjón.
Flugmenn hófu yfirvinnubann á föstudag. Níu flug-
um hjá Icelandair til og frá landinu var aflýst vegna
þess í gær og í dag falla sex flug niður. Ekki eru fyrir-
séðar frekari truflanir á flugi næstu dagana, en far-
þegar eru hvattir til þess að fylgjast vel með, segir í
tilkynningu frá Icelandair.
Katrín Júlíusdóttir, iðnaðarráðherra, hefur sagt
koma til greina að stöðva yfirvinnubannið með laga-
setningu. - mþl
Engir sáttafundir á dagskrá og báðir aðilar bíða eftir útspili frá hinum:
Kjaradeila flugmanna í hnút
ICELANDAIR Aflýsa þurfti níu ferðum á vegum Icelandair í gær
vegna yfirvinnubanns flugmanna. FRÉTTABLAÐIÐ/ANTON
NEW YORK, AP Ríkisþing New York
ríkis samþykkti á föstudag að
leyfa hjónaband samkynhneigðra.
Nýju lögin taka gildi í næsta
mánuði og þar með verður New
York sjötta og langfjölmennasta
ríki Bandaríkjanna til að stíga
þetta skref.
Nýju lögin þykja mikill sigur
fyrir Andrew Cuomo ríkisstjóra
en sambærilegt frumvarp var
fellt í ríkisiþinginu árið 2009.
Stuðningur við hjónaband sam-
kynhneigðra í Bandaríkjunum
hefur aukist mikið á síðustu árum
og mældist meirihlutastuðningur
fyrir því í fyrsta sinn á síðasta
ári. - mþl
New York ríki í BNA:
Leyfa hjóna-
band samkyn-
hneigðra
ENGLAND Maður fannst látinn á
kamri á Glastonbury tónlistarhá-
tíðinni í Englandi í gær. Maður-
inn hét Chri-
stopher Shale
og var náinn
vinur og ráð-
gjafi Davids
Camerons, for-
sætisráðherra
Bretlands.
Cameron
sendi frá sér
yfirlýsingu í
gær þar sem
hann sagði Shale hafa verið
góðan vin. „Hann var örlátur
maður sem gaf mikið af sér,
hvort sem það var tími, vinna,
aðstoð eða óbilandi jákvæðni,“
sagði Cameron um vin sinn.
Shale var að auki formaður
sambands íhaldsmanna í Oxford-
skíri.
Lögreglan rannsakar nú hvort
Shale hafi stytt sér aldur. - sm
Maður fannst látinn á kamri:
Vinur Cameron
fannst látinn
BANDARÍKIN Dæmdur morðingi
strauk úr fangelsi í Oklahoma
í gærmorgun. Shaun Michael
Bosse sat inni fyrir að hafa myrt
fyrrum kærustu sína og börn
hennar tvö. Lögreglan í Okla-
homa telur Bosse vopnaðan og
hættulegan umhverfi sínu.
Bosse yfirbugaði fangavörð,
tók hann í gíslingu og handjárn-
aði hann að lokum inni í klefa
sínum. Hann ók svo á brott í
svartri Pontiac Grand Prix bif-
reið. - sm
Morðingi strauk úr fangelsi:
Yfirbugaði
fangavörð
Halldór, hvernig gengur að
klófesta krabbana?
„Það gengur ágætlegar þegar við
höfum allar klær úti.“
Halldór Pálmar Halldórsson, forstöðu-
maður Rannsóknaseturs Háskóla Íslands
á Suðurnesjum, rannsakar útbreiðslu
grjótkrabba við Íslandsstrendur.
DAVID CAMERON
KÍNA Kínverski andófsmaðurinn
Hu Jia var látinn laus úr fangelsi
í gær og hefur nú sameinast fjöl-
skyldu sinni á ný. Hu Jia sat inni
í þrjú og hálft ár fyrir það sem
kínversk stjórnvöld kölluðu nið-
urrifsstarfsemi en hann átti að
ljúka afplánun í dag.
Mikill viðbúnaður er fyrir utan
heimili Hu að því er fram kemur
á vef breska ríkisútvarpsins
BBC. Zeng Jingyan, eiginkona
Hu, sagði á Twitter-síðu sinni á
sunnudag að hann þarfnist hvíld-
ar en þess utan heilsist honum
vel. Lögreglan í Pekíng fylgd-
ist reglulega með ferðum Zeng
á meðan eiginmaður hennar sat
af sér dóminn og meinuðu stjórn-
völd henni að tjá sig við fjölmiðla.
Hu hefur barist fyrir mann-
réttindamálum í Kína um árabil.
Á meðal helstu baráttumála hafa
verið umhverfismál, trúfrelsi og
réttindi þeirra sem smitaðir eru
af HIV-veirunni.
Mannréttindabrot viðgang-
ast víða í Kína, en í síðustu viku
var listamanninum Ai Weiwei
sleppt, en gæsluvarðhald sem
hann hafði þurft að sæta, án þess
að vera grunaður um nokkurn
glæp, hafði vakið hörð viðbrögð
á heimsvísu. - sm
Kínversk stjórnvöld sleppa andófsmanninum Hu Jia:
Látinn laus eftir þriggja ára fangelsi
HU JIA Kínverski andófsmaðurinn var
látinn laus úr fangelsi í gær eftir þriggja
og hálfs árs fangelsisvist.
SAMGÖNGUR Gríðarmikil umferð
var á Suðurlandsvegi og Vestur-
landsvegi í gær. Röðin var nánast
óslitin frá Svínahrauni til Reykja-
víkur. Samkvæmt lögreglunni á
höfuðborgarsvæðinu höfðu vega-
framkvæmdir við Bolöldu mikil
áhrif á umferðina, en um stund
datt umferðarhraðinn úr áttatíu
kílómetrum á klukkustund niður
í tuttugu. -sm
Miklar umferðartafir í gær:
Tafir vegna
framkvæmda
SPURNING DAGSINS
STÓR, GRILLUÐ MUFFINS MEÐ SMJÖRI OG CAFFÉ AMERICANO
muffins eru handgerðar Allar
alúð og umhyggju en með
ru alltaf nýjar oge ær þ
ar. Fjölmargar erskf
tegundir eru í boðð i.ragb
100 viðskiptavini þarf til að virkja tilboðið
HÓPKAUP.IS Í DAG
í krafti fjöldans
hópkaup.is
350 kr. GILDIR Í 24 TÍMA
840 kr.
Verð
58%
Afsláttur
490 kr.
Afsláttur í kr.
PI
PA
R\
BW
A

TB
P
•
SÍ
A
•
11
155
31