Fréttablaðið - 27.06.2011, Blaðsíða 8

27. júní 2011 MÁNUDAGUR8
MENNTAMÁL Íslenskir unglingar
sem standa höllum fæti fjárhags-
eða félagslega eiga erfiðara upp-
dráttar í skólakerfinu en nem-
endur í sambærilegri aðstöðu í
OECD-ríkjunum. Þetta kemur
fram í nýrri rannsókn OECD sem
unnin er upp úr PISA-könnunum á
lestri, stærðfræði og raungreinum.
Í rannsókninni var skoðað
hversu hátt hlutfall fimmtán ára
nemenda af fátækum heimilum
var meðal bestu nemendanna á
alþjóðavísu, eða í efsta fjórðungi
einkunnaskalans.
Meðaltalið í OECD-ríkjunum er
um 31 prósent, en Ísland er rétt
fyrir neðan með tæp þrjátíu pró-
sent. Kínverjar eru langefstir, en
þar státa yfir 70 prósent fátækra
nemenda af góðum námsárangri
í alþjóðlegu tilliti. Af OECD-ríkj-
um eru Kóreumenn, Finnar, Jap-
anar og Tyrkir efstir með 42 til
56 prósent. Neðst OECD-ríkjanna
eru Austurríki, Lúxemborg og Sló-
vakía, með rétt um tuttugu pró-
sent.
Námsárangur fátækra nem-
enda hefur áður verið skoðaður
af OECD. Árið 2006 var lagst yfir
frammistöðu í raungreinapróf-
um og niðurstaðan var sú að stór
hluti nemendanna náði ekki einu
sinni lágmarksárangri. „Þeir eiga
á hættu að ljúka námi án þess að
hafa öðlast nauðsynlega færni til
að taka fullan þátt í samfélaginu
og halda áfram að afla sér þekk-
ingar á lífsleiðinni,“ segir í skýrsl-
unni.
Í rannsókninni nú er reynt að
grafast fyrir um það hvaða þætt-
ir hafa mest áhrif á námsárangur
verr stæðra nemenda.
Niðurstaðan er nokkuð afger-
andi: mikilvægasta breytan er
hversu lengi nemarnir sitja í
tímum á degi hverjum.
Þannig hefur mætingarskylda
afar jákvæð áhrif á verr stæða
nemendur, og mun meiri en á aðra.
Í Bandaríkjunum hækkar mæt-
ingarskyldan ein og sér, að öllum
öðrum þáttum frádregnum, nem-
endur að jafnaði um fimmtán stig
í PISA-könnuninni, en verr stæða
nemendur um heil 40 stig.
Í Ástralíu eru nemendur sem
standa höllum fæti fjórum sinn-
um líklegri til að standa sig vel í
skóla ef þeir eru skyldaðir til að
mæta í tíma.
Þá er nefnt að mikil fylgni sé
á milli námsárangurs nemenda
af fátækum heimilum og sjálfs-
trausts þeirra.
stigur@frettabladid.is
Mikilvægasta breytan
er hversu lengi nem-
arnir sitja í tímum á degi
hverjum.
Við lífrænt
án rotvarnarefna enginn viðbættur sykur
LÖGREGLUMÁL Lögreglan á höfuð-
borgarsvæðinu stöðvaði í síðustu
viku kannabisræktun í fjölbýlis-
húsi í Árbæ. Við húsleit fundust
36 kannabisplöntur á lokastigi
ræktunar.
Á meðan lögregla var á staðn-
um komu þangað tveir karlmenn.
Annar þeirra lagði á flótta þegar
hann varð var við lögreglumenn-
ina. Hann náðist eftir stutta eftir-
för og voru báðir mennirnir vist-
aðir í fangageymslum.
Við yfirheyrslu viðurkenndu
þeir að eiga kannabisplönturn-
ar. Leitað var á heimili ann-
ars mannsins og fannst þar
ræktunarbúnaður og þurrkað
marijúana. Mennirnir eru á þrí-
tugs- og fertugsaldri. -jss
Lögregla stöðvaði ræktun:
Kannabisrækt-
andi á hlaupum
DÓMSMÁL Karlmaður hefur verið
dæmdur í sex mánaða skilorðs-
bundið fangelsi fyrir fjölmörg
brot. Einkum er þó um að ræða
þjófnaði, umferðarlaga, -og fíkni-
efnabrot.
Samtals var maðurinn ákærð-
ur fyrir ellefu brot. Hann stal
fjármunum, matvöru og tölvum.
Þá stal hann, í félagi við annan,
seðlaskiptikassa í húsnæði Land-
spítalans í Fossvogi. Kassanum
henti hann út um glugga á annarri
hæð. Einnig stal hann áfengispela
í Vínbúðinni í Kringlunni. - jss
Fékk sex mánuði á skilorði:
Dæmdur fyrir
ellefu afbrot
NÝSKÖPUN Þróunarverkefnið Hönn-
un í útflutning er komið á góðan
rekspöl en verkefnið er leitt af
Íslandsstofu í samstarfi við Hönn-
unarmiðstöð Íslands, Nýsköp-
unarmiðstöð Íslands og Samtök
iðnaðarsins. Markmið verkefnisins
er að leiða saman hönnuði og fyrir-
tæki um hönnun og framleiðslu á
útflutningsvörum.
Nýlega staðfestu fyrirtæki og
hönnuðir sín á milli samstarf þar
sem fyrirtæki og hönnuðir vinna
að frumgerð af því sem koma skal.
Fyrirtækin sem taka þátt í verk-
efninu eru Amivox, Bjarmaland,
Glófi, Matorka, Raven Design,
Saga Medica, Sif Cosmetics og Tri-
ton. - shá
Hönnun í útflutning:
Átta fyrirtæki í
nýju verkefni
NÁTTÚRA Vinir Vatnajökuls – holl-
vinasamtök Vatnajökulsþjóðgarðs
veittu á dögunum viðtöku 700
þúsund dollara styrk frá Alcoa
Fjarðaáli eða rúmlega 80 millj-
ónum íslenskra króna.
Áður hafði Fjarðaál veitt sam-
tökunum tvo styrki að upphæð
um 145 milljónir króna, samtals
eru því styrkir fyrirtækisins til
Vina Vatnajökuls komnir yfir 200
milljónir króna á þremur árum.
Fjármunirnir fara til margs
konar verkefna sem tengjast
kynningu, fræðslu og rannsókn-
um í og við Vatnajökulsþjóðgarð.
- shá
Alcoa og Vinir Vatnajökuls:
Stór styrkur til
uppbyggingar
HVANNADALSHNJÚKUR Hæsta fjall
landsins er innan Vatnajökulsþjóðgarðs.
FRÉTTABLAÐIÐ/VILHELM
TÆKNI Hópur tölvuþrjóta sem geng-
ur undir nafninu Lulz Security eða
LulzSec hefur ákveðið að leggja
upp laupana eftir tveggja mánaða
starf. Hópurinn tilkynnti ákvörð-
unina í gegnum Twitter-síðu sína.
Hópurinn braust meðal annars
inn í gagnagrunna fyrirtækjanna
Sony, Nintendo, sjónvarpsstöðv-
anna Fox og PBS og
einnig inn í gagna-
grunn CIA. Þá olli
hópurinn einnig
usla hjá íslenska
fyrirtækinu CCP
fyrir skömmu.
Í tilkynningu
hópsins sagði að
meðlimir hans voni að
aðrir munu nú taka við
keflinu af þeim.
„Við vonum að hreyf-
ingin muni þróast yfir í
byltingu og að aðrir muni
halda áfram starfi okkar. Ekki
hætta, saman getum við risið
undan oki kúgara okkar og öðlast
það frelsi sem við eigum skilið.“
Ekki er vitað hverjir standa að
baki Lulz Security en tölvuþrjót-
ur að nafninu Whirlpool er sagð-
ur forsprakki hópsins. Hann sagði
hópinn hafa undir höndum minnst
fimm gígabæt af opinberum gögn-
um sem hann hyggist gera opinber
einhvern tíman á næstu þrem
vikum.
Þó Lulz Security hafi lagt
upp laupana munu tölvu-
þrjótarnir þó halda
áfram störfum hver
í sínu lagi. - sm
Skæðir tölvuþrjótar hætta samstarfi:
LulzSec lagt niður
Skyldumæting hjálpar
bágstöddum nemum
Ísland er undir meðaltali OECD þegar horft er til námsárangurs unglinga sem
standa höllum fæti í samfélaginu. Asíulönd og Finnar skara fram úr öðrum.
Krökkum gengur betur þeim mun lengur sem þau sitja í kennslustundum.
SAMRÆMD PRÓF Íslenskir unglingar sem standa höllum fæti félags- eða fjárhagslega
eiga erfiðara uppdráttar í skólakerfinu en nemendur í sambærilegri aðstöðu í OECD-
ríkjunum. FRÉTTABLAÐIÐ/GVA
VEIÐI Opnun Selár í Vopnafirði á
laugardag mun fara í sögubæk-
urnar sökum metveiði. Alls veidd-
ust tuttugu laxar á aðeins fjór-
ar stangir sem bætir met síðustu
tveggja ára sem menn töldu að
væri erfitt.
Leigutaki Selár, Orri Vigfús-
son, formaður Strengs, segir að
þeir sem voru svo lánsamir að eiga
opnunardaginn muni seint gleyma
þessum ævintýralega degi. Ekki
aðeins var tuttugu löxum landað
heldur settu menn í annað eins af
laxi og misstu. „Það er mikið vatn
í Selá og erfitt að eiga við stóran
lax. Því má segja eðlilegt að marg-
ir sluppu.“
Laxarnir voru að mestu leyti
tveggja ára fiskar frá tíu til fjórtán
pund. Það vakti þó athyli að tveir
eins árs laxar veiddust sem voru
afar vel haldnir úr sjó, eða um sex
pundin.
Orri segir mikið af laxi vera
gengið enda þó að áin sé aðeins
fimm gráðu heit.
Metveiði var við opnun Selár í
fyrra, sem er til marks um mik-
inn árangur í uppbyggingarstarfi í
ánni. Þá var veðrið og skilyrði til
veiðiskapar betri en nú, en Orri
vill ekkert segja um það hvort góð
opnun hafi forspárgildi um met-
veiði í sumar. - shá
Tuttugu laxar veiddust á aðeins fjórar stangir við opnun Selár í Vopnafirði:
Besta opnun sem menn muna
FRÁ OPNUN SELÁR Einar Páll Kjærne-
sted og Ólafur M. Gunnlaugsson með
76 sentimetra hrygnu úr Fosshyl.
MYND/SVANÞÓR EINARSSON
MERKI LULZ SECURITY Hópurinn
réðst meðal annars á heimasíðu
CCP á Íslandi.
FJARÐAÁL Samningar á sömu nótum og
á milli aðila vinnumarkaðarins.
FRÉTTABLAÐIÐ/PJETUR
KJARAMÁL Félagar í AFLi Starfs-
greinafélagi hafa samþykkt nýjan
kjarasamning við Alcoa til þriggja
ára. Atkvæðagreiðslu um samning-
inn lauk í vikunni. Rúm 83 prósent
samþykktu samninginn en tæp
sautján prósent höfnuðu honum.
Tæp 75 prósent þeirra sem voru á
kjörskrá greiddu atkvæði.
Samningarnir byggja á sömu
launabreytingum og þeir sem
nýlega voru gerðir milli aðila
vinnumarkaðarins, en í þeim eru
ákveðnar nýjungar og breytingar.
- shá
83 prósent samþykktu:
AFL og Alcoa
ljúka samningi
VEISTU SVARIÐ?
1 Hvaða breski tónlistarmaður tróð
upp í Hörpu á fimmtudagskvöld?
2 Hver er listrænn stjórnandi Ís-
lenska dansflokksins?
3 Mótmælendur í Sýrlandi hafa
undanfarið krafist afsagnar
forsetans þar í landi, hvað heitir
hann?
SVÖR
1. Jamie Cullum 2. Katrín hall 3. Bashar
Al Assad