Fréttablaðið - 27.06.2011, Blaðsíða 46
27. júní 2011 MÁNUDAGUR30
BESTI BITINN Í BÆNUM
„Mér finnst mjög gott að fara á
Grænan kost í hádeginu. Ódýrt
og hollt og skammtarnir eru vel
úti látnir.“
Richard P. Foley, hönnuður
„Ég ætla ekki að gefa neitt nákvæmt upp en get þó
sagt að þetta er lítil hrollvekja. Ég er að þróa hana
og hún er á mjög viðkvæmu en spennandi stigi um
þessar mundir,“ segir Sigurjón Kjartansson, hand-
ritshöfundur. Hann fékk nýverið handritastyrk
frá Kvikmyndamiðstöð Íslands fyrir kvikmyndina
Stúlkan og djöfullinn.
Sigurjón er mikill aðdáandi hryllingsmynda og
hann hefur lengi dreymt um að skrifa handrit að
slíkri mynd. „Ég er þeim megin í tilverunni að mér
finnst ég vera tilbúinn að gera hryllingsmynd og
leggja þannig lóð mín á vogarskálar þessa kvik-
myndaflokks.“ Að mati Sigurjóns hafa hryllings-
myndir ekki alltaf notið sannmælis hjá sjálfskip-
uðum kvikmyndaspekúlöntum en hann viðurkennir
jafnframt að það sé afskaplega vandmeðfarin list að
gera góða hrollvekju. Aðspurður vill Sigurjón ekk-
ert tjá sig um hvort hryllingsmyndin sem hann er
með í smíðum sé í blóðugum splatterstíl eða tilheyri
sálartryllis flórunni. „Það er bara kominn tími til
að gera alvöru, íslenska hryllingsmynd. Nægur er
efniviðurinn.“
Dagskrá Sigurjóns er þéttsetin því hann stað-
festir að undirbúningur fyrir þriðju þáttaröðina af
Pressu sé þegar hafinn. „Við erum komnir með gott
persónugallerí sem er þægilegt að vinna úr og við
hlökkum til að vefa nýja þræði í kringum þær.“ -fgg
Sigurjón skrifar hryllingsmynd
Í HRYLLINGSGÍR Sigurjón Kjartansson er að skrifa handrit að
hryllingsmynd sem heitir Stúlkan og Djöfullinn. Hann er jafn-
framt að undirbúa þriðju þáttaröðina af Pressu. FRÉTTABLAÐIÐ/GVA
„Við hugsum ekki um þetta sem sam-
keppni við þá. Við miðum bara við það sem
við erum að gera. En það er samt gott að
hafa samkeppni svo menn peppi sig upp og
reyni að gera betur,“ segir uppistandarinn
Rökkvi Vésteinsson.
Hann hefur stofnað uppistandshópinn
Innrásarvíkingarnir ásamt Begga blinda
og Óskari Pétri Sævarssyni. Fyrir á uppi-
standsmarkaðnum er hópurinn Mið-Ísland
sem hefur notið töluverðra vinsælda að
undanförnu.
Innrásarvíkingarnir ætla að ferðast um
landið í sumar og eru bókaðir víða, þar
á meðal á Akureyri, Egilsstöðum, í Vest-
mannaeyjum og í Keflavík. Næst verða þeir
á Sódómu Reykjavík á miðvikudagskvöld.
Sýningin nefnist Innrásarvíkingarn-
ir sigra Ísland (því hálfvitar eiga að vera
heima hjá sér). „Þetta er augljóst háð,“
segir Rökkvi. „Við erum alla vega opinber
fífl. Við þykjumst ekki vera mjög gáfaðir í
því sem við erum að gera og förum ekkert
út úr landi með það heldur.“
Hann telur Íslendinga vera opnari fyrir
uppistandi nú en áður, þökk sé skemmti-
þættinum Hringekjunni sem var í Sjón-
varpinu. „Jafnvel þó að Hringekjan hafi
verið misheppnaður þáttur var uppistand
það eina sem var gott í honum. Af því að
þetta var á Spaugstofutímanum virðist
þetta hafa opnað augu Íslendinga fyrir
uppistandi.“
-fb
Innrásarvíkingar með uppistand
INNRÁSARVÍKINGAR Uppistandshópurinn Innrásarvíkingarnir
ætlar að ferðast um landið í sumar og segja brandara.
FRÉTTABLAÐIÐ/HAG
„Ég er áhlaupamanneskja og
byrja allt af krafti. Ég er búin að
ná þriggja mánaða markmiðinu
mínu sem var að missa sjö kíló,“
segir Vigdís Hauksdóttir, þingkona
Framsóknarflokksins. Þingkonur
flokksins, þær Vigdís, Siv Frið-
leifsdóttir og Eygló Harðardóttir
stunda allar líkamsrækt af kappi
um þessar mundir.
Siv Friðleifsdóttir hefur lagt
stund á sjósund undanfarin ár
en tók nýverið upp á þeirri iðju
að hlaupa úti. „Ég fékk í lungun
í vetur og er að reyna að hlaupa
það úr mér.“ Þingkonunni finnst
útihlaupin vera mjög slakandi og
gefandi, hún er ekki mikið fyrir að
fara í hinar hefðbundnu líkams-
ræktarstöðvar heldur kýs frekar
að njóta náttúrunnar í allri sinni
dýrð. „Það er frábært að hlaupa og
virkilega hressandi.“ Siv hleypur
mikið í Vesturbænum og lætur sér
ekki alltaf nægja útiskokkið. „Ég
hljóp til að mynda út í Nauthólsvík
um daginn, fór í sjósundið og hljóp
síðan aftur heim.“
Eygló Harðardóttir er á sömu
nótum og Siv því hún hefur sett
sér það markmið að hlaupa hálf-
maraþon í Reykjavíkurmaraþoninu
í þágu góðs málstaðar. Eygló viður-
kennir að hún sé ekki mikil íþrótta-
manneskja en hún er þó byrjuð að
æfa sig. „Ég hleyp þrisvar í viku
og reyni síðan að fara í skíðavél-
ina þess á milli. Ég geri bara eins
mikið og lappirnar á mér þola,“
segir Eygló en hún hyggst vekja
athygli á legslímuflakki með þátt-
töku sinni. Mikið hefur verið látið
með holdafar formanns flokksins,
Sigmundar Davíðs Gunnlaugsson-
ar, sem sjálfur hefur sagt að hann
þurfi að taka sig á. Eygló segir
þó ekki vera allt sem sýnist. „Það
kæmi fólki á óvart hvað hann er
hávaxinn og samsvarar sér vel.“
Vigdís Hauksdóttir byrjaði í
líkamsrækt í mars þegar henni
fannst aukakílóin vera farin að
læðast aftan að sér. Hún fékk því
vinkonu sína, sem er einkaþjálf-
ari, til að leiðbeina sér og vaknaði
klukkan hálfsex á morgnana til að
geta hreyft sig með henni. „Og nú
er ég í kraftgöngum, geng sjö til tíu
kílómetra tvisvar til þrisvar í viku
og ætla gera það að mínum lífsstíl.“
Hún bætir því við að hreyfingin
sé þingmönnum nauðsynleg. „Til
að halda það út í þessu starfi er
algjörlega lífsnauðsynlegt að slíta
sig frá þessu argaþrasi og hreyfa
sig.“ freyrgigja@frettabladid.is
VIGDÍS HAUKSDÓTTIR: LÍFSNAUÐSYNLEGT AÐ STUNDA HREYFINGU
Framsóknarkonur á iði
„Þetta er mjög spennandi. Næsta
rökræna skref hjá mér er að prófa
Ameríku,“ segir auglýsingaleik-
stjórinn Þórhallur Sævarsson.
Hann hefur samið við hið virta
bandaríska framleiðslufyrirtæki
Madheart og ætlar að starfa fyrir
það á næstunni. Þórhallur hefur
á sjö ára ferli sínum unnið mest-
megnis í Evrópu og gert auglýs-
ingar fyrir Skoda, Philips, McDon-
ald´s, Vodafone, Coca-Cola og
fleiri þekkt fyrirtæki. „Ég hef
svolítið geymt Ameríkumark-
aðinn þangað til maður myndi
finna rétta tímann og fólkið til að
vinna með. Þetta er frekar lítið
„butique“-fyrirtæki. Konan sem á
það er búin að vera framleiðandi
í tuttugu ár og eiginmaður henn-
ar er þekktur handritshöfundur
og bíómyndaframleiðandi,“ segir
Þórhallur og ljóst að samningur-
inn gæti haft mikla þýðingu fyrir
hann. „Að hafa rétta fyrirtækið á
bak við sig og rétta fólkið skiptir
öllu máli til að eiga möguleika á að
komast í þessi toppverkefni.“
Samningurinn var undirritað-
ur í síðustu viku og er Þórhallur
strax kominn í samkeppni um þrjú
verkefni í Bandaríkjunum. „Þetta
byrjar greinilega með trukki,“
segir hann og stefnir á að flytja til
Los Angeles með fjölskyldu sinni á
næsta ári. -fb
Reynir við Ameríku
SAMDI VIÐ MADHEART Auglýsingaleikstjórinn Þórhallur Sævarsson hefur samið við
fyrirtækið Madheart. FRÉTTABLAÐIÐ/VALLI
KRAFTMIKLAR
Þingkonur Framsóknarflokksins
eru allar á fullu í líkamsræktinni,
hver í sínu horni. Vigdís Hauks-
dóttir hefur verið í ræktinni í þrjá
mánuði og hefur þegar misst sjö
kíló, Eygló Harðardóttir býr sig
undir hálfmaraþon og Siv Frið-
leifsdóttir stundar útihlaup.
Allt sem þú þarft
Þú færð Fréttablaðið á kostnaðarverði
á 120 stöðum um land allt. Nánari
upplýsingar á visir.is/dreifing