Fréttablaðið - 22.07.2011, Blaðsíða 10

22. júlí 2011 FÖSTUDAGUR
PEACOCK 220,-
MÝSLA 220,-
KRÓKUR 220,- KILLER 220,-
FLÆÐARMÚS 290,-
NOBBLER 290,-
HÓLMFRÍÐUR 290,-
BLACK GHOST 290,-
ALMA RÚN 220,-
TOBIE
frá 299,-
BLEIKJUSPINNER
299,-
ESJA
395,-
BAULA
395,-
HENGILL
395,-
DYNGJA
395,-
FAXI
395,-
LAKI
395,-
KATLA
395,-
SNÆLDA
595,-
DEVON
595 ,-
WATSON FANCY 220,-
KRÓKHÁLSI 5 - 110 REYKJAVÍK - SÍMI 517 8050
MÁN. TIL FÖS.- 9 TIL 18 /// LAU. - 10 TIL 16
SILUNGAFLUGUR Á FÍNU VERÐI
SPÚNAR Á BÆJARINS BESTA VERÐI?
BEITAN Í VEIÐI FERÐINA
ORMAR OG MAKRÍLL
ÓDÝRU SPÚNARNIR EINNIG Á
VEIDIMADURINN.IS
DÝRAHALD „Almennt séð tel ég að notkun hefðbund-
inna lyfja eigi að ráðast af þörf og aðstæðum hverju
sinni.“
Þetta segir Gunnar Á. Gunnarsson, fram-
kvæmdastjóri Vottunarstofunnar TÚNS ehf., sem
er faggild eftirlits- og vottunarstofa fyrir lífræna
og sjálfbæra framleiðslu.
Í greinargerð með frumvarpi til laga um dýravel-
ferð segir að með tilkomu „lífræns“ búskapar hafi
borið við að dýr séu ekki meðhöndluð með lyfjum
gegn tilteknum sjúkdómum eða „séu ekki orma-
hreinsuð.“ Rétt þyki að lögbinda lágmarksmeð-
höndlun á dýrum.
„Notkun tilbúinna gagnverkandi efna og sýkla-
lyfja til fyrirbyggjandi meðferðar er bönnuð, nema
þegar opinberar kröfur um bólusetningar krefjast
þess eða viðbrögð við staðbundnum sjúkdómum,“
útskýrir Gunnar. „Velferð búfjárins er, samkvæmt
þessum reglum sem við fylgjum, alltaf í fyrirrúmi.
Það er ekki mælt með því að ormalyf sé notað án
þess að gildar ástæður séu fyrir því, til að mynda
að líkur séu fyrir því að ormasmit sé á svæðinu eða
að slíkt smit komi eða sé komið upp. Í slíkum tilvik-
um krefst heilsa og velferð búfjárins þess að gripið
sé til ráðstafana.
Verði ormahreinsun búfjár lögboðin, þá fylgjum
við því auðvitað. Ég tel þó æskilegast að hún sé í
samræmi við aðstæður.“ -jss
Mismunandi skoðanir á notkun fyrirbyggjandi lyfja í lífrænum búskap:
Ormalyf í samræmi við aðstæður
LÍFRÆNN BÚSKAPUR Velferð búfjárins er alltaf í fyrirrúmi.
BELGÍA, AP Leiðtogar evruríkj-
anna sautján samþykktu í gær
að koma gríska ríkinu enn á ný
til bjargar og slógu um leið á ótta
fjármálaheimsins við að gengi
evrunnar hrapi.
Grikkir fá nú 109 milljarða
evra samtals í fjárhagsaðstoð,
eða ríflega 18.000 milljarða
króna, bæði frá Evrópusam-
bandinu og Alþjóðagjaldeyris-
sjóðnum. Auk þess hafa fjár-
málafyrirtæki samþykkt að veita
Grikkjum eftirgjöf á skuldum
upp á 37 milljarða evra, eða rúm-
lega 6.000 milljarða króna.
Þá verða vextir á neyðarlánum
ESB og AGS til Grikklands lækk-
aðir úr 4,5 prósentum í 3,5 pró-
sent og afborgunartími lánanna
verður lengdur úr 7,5 árum í 15
til 30 ár.
„Í fyrsta sinn síðan þessi
kreppa hófst getum við sagt að
stjórnmálin og markaðurinn
taki höndum saman,“ sagði Jose
Manuel Barroso, forseti fram-
kvæmdastjórnar ESB.
Nicolas Sarkozy Frakklands-
forseti segir að vaxtalækkunin
ein spari Grikkjum 30 milljarða
evra næstu tíu árin.
Írland og Portúgal, sem eins og
Grikkir höfðu fengið neyðarlán
frá ESB og AGS, fá nú sömu lána-
kjör og Grikkir en enga skulda-
eftirgjöf hjá fjármálafyrirtækj-
um. Í yfirlýsingu leiðtoganna
segjast þeir líta á vanda Grikk-
lands sem einsdæmi og því sé
réttlætanlegt að Grikkir fái
meiri aðstoð en önnur ríki.
Þessi viðbrögð evruríkjanna
við vanda Grikkja urðu til þess
að evran styrktist á gjaldeyris-
mörkuðum í gær og evrópsk
hlutabréf hækkuðu einnig í
verði.
Í viðbót við þessa fjárhagsað-
stoð við Grikki samþykktu leið-
togarnir að gera neyðarsjóð sam-
bandsins sveigjanlegri og veita
honum auknar heimildir til að
grípa inn í ástandið þegar í óefni
stefnir, þannig að nú verður hann
nánast eins og gjaldeyrissjóður
evruríkjanna.
Að loknum fundinum sagði
Herman van Rompuy, forseti
leiðtogaráðs ESB, að skuldavandi
nokkurra aðildarríkja hafi verið
farinn að ógna stöðugleika alls
evrusvæðisins.
„Í dag höfum við sýnt að við
munum ekki gefa neitt eftir
þegar kemur að því að verja
myntbandalag okkar og sam-
eiginlegu myntina,“ sagði hann.
„Þegar leiðtogar Evrópusam-
bandsins segjast ætla að gera
„allt sem þarf“ til að bjarga
evru svæðinu, þá er það einfalt:
Við meinum það sem við segj-
um.“ gudsteinn@frettabladid.is
Hluti grískra ríkis-
skulda felldur niður
Evran styrktist í gær þegar samkomulag tókst á leiðtogafundi evruríkjanna um
nýja lausn á skuldavanda Grikkja. Nicolas Sarkozy Frakklandsforseti segir að
vaxtalækkun muni spara Grikkjum 30 milljónir evra næsta áratuginn.
ÍSRAEL, AP „Allt er til umræðu. En við verðum að
setjast niður,“ sagði Benjamín Netanjahú, forsætis-
ráðherra Ísraels, í viðtali á arabísku sjónvarpsstöð-
inni Al Arabiya í gær.
Hann setti sem fyrr þau skilyrði að aðeins yrði
rætt við þá sem viðurkenna tilverurétt Ísraelsrík-
is, en sagðist gera sér grein fyrir að hann þyrfti að
gera erfiðar málamiðlanir.
Þetta er í fyrsta sinn sem hann kemur fram í
arabísku sjónvarpi til að ná eyrum Palestínumanna.
Í viðtalinu lagði hann kapp á að fá Palestínumenn
aftur að samningaborðinu, en þeir hafa neitað að
halda áfram samningaviðræðum meðan ísraelsk
stjórnvöld leyfa landtökufólki að halda áfram upp-
byggingu á herteknu landsvæði.
Viðtalið virðist endurspegla áhyggjur ísraelskra
stjórnvalda af þeim áformum Palestínumanna, að
leita einhliða viðurkenningar hjá Sameinuðu þjóð-
unum á stofnun sjálfstæðs Palestínuríkis. - gb
Forsætisráðherra Ísraels kom fram í arabísku sjónvarpi til að biðja um viðræður:
Segist til viðræðu um hvaðeina
BENJAMÍN NETANJAHÚ Biðlar til Palestínumanna í arabísku
sjónvarpi. NORDICPHOTOS/AFP
SARKOZY, PAPANDREÚ OG MERKEL Forseti Frakklands, forsætisráðherra Grikklands
og kanslari Þýskalands á milli funda í Brussel í gær. NORDICPHOTOS/AFP