Fréttablaðið - 22.07.2011, Blaðsíða 14

14 22. júlí 2011 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
M
argir Vesturlandabúar trúa því að straumur flótta-
manna þangað sé svo gríðarlegur að þeim stafi
mikil ógn af því. Líklega telja margir að alla inn-
flytjendur sé hægt að setja undir sama hatt, óháð
aðstæðum þeirra. Hið rétta er að um áttatíu prósent
flóttamanna heimsins eru í þróunarríkjum og þar er vandinn raun-
verulega mikill. Þau lönd eru ekki eins vel í stakk búin til að taka
á móti fólki og veita því sómasamlegt líf á nýjum stað. Á Vestur-
löndum, hvað sem öllum þrengingum líður, ætti að vera hægt að
veita fleiri flóttamönnum tækifæri til betra lífs en nú er gert.
Flóttamannahjálp Sameinuðu þjóðanna hefur beinlínis óskað eftir
því við iðnríkin að þau taki á þessu ójafnvægi og þessum vanda.
Þetta gildir ekki síst um Ísland, sem tekur við margfalt færri
flóttamönnum en nágrannalöndin. Til Íslands ratar ekki stór hluti
þessa fólks. Sumir hafa flúið
sára neyð eða hættu í heima-
landinu og hafa jafnvel lagt sig
í lífshættu við að komast burt.
Aðrir sjá einfaldlega fram á
miklu betra líf hér á landi.
Dvalarleyfi hafa verið mikið
rædd á Íslandi undanfarin miss-
eri. Meðal annarra mála hefur
mál Priyönku Thapa vakið athygli eftir að hún sagði sögu sína í
Fréttablaðinu um síðustu jól. Priyanka er 23 ára gömul og hefur
verið gefin ókunnugum manni í heimalandinu Nepal vegna þess
að hann hefur lofað að framfleyta fjölskyldu hennar. Hún vill fá að
vera áfram hér á landi enda hefur hún meðal annars eignast hér
fjölskyldu og gengur vel í námi. Útlendingastofnun neitaði henni
um dvalarleyfi.
Fyrr í mánuðinum var gerð tilraun til að vísa ungum flótta-
manni frá Máritaníu úr landi. Greint var frá því máli í DV í vik-
unni. Samtökin No Borders, sem eru talsmenn unga mannsins,
segja að hann hafi sloppið úr þrældómi í heimalandinu. Stofnunin
vill senda hann aftur til Noregs á grundvelli Dyflinnarreglugerð-
arinnar, en umsókn hans um dvalarleyfi þar hefur þegar verið
hafnað. Útlendingastofnun útvegaði manninum franskan túlk til
að gera sig skiljanlegan – þrátt fyrir að hann tali litla sem enga
frönsku. Svona vinnubrögð eru ekki til fyrirmyndar.
Innanríkisráðherrann Ögmundur Jónasson átti fund með Útlend-
ingastofnun eftir að greint var frá því að Priyönku hefði verið
neitað um dvalarleyfi. Hann sagði augljóst að margar brotalamir
væru greinilega í þessum málum og boðaði stefnubreytingu stjórn-
valda. Eftir fundinn var ákveðið að taka mál hennar upp aftur
og hún og fjölskylda hennar bíða nú eftir endanlegri niðurstöðu.
Í blaðinu í dag segir Ögmundur að dvalarleyfin hafi verið mjög
vinnumarkaðstengd en samfélagslegar áherslur og félagslegt rétt-
læti séu ekki síður mikilvægir þættir. Það eru orð að sönnu og von-
andi er ráðuneytinu alvara með því að laga brotalamir í stofnunum
sem undir það sjálft heyra.
HALLDÓR
Sameinuðu þjóðirnar hafa nú formlega lýst því yfir að
hungursneyð ríki í Sómalíu. Í
fréttum heyrum við af mestu
þurrkum í 60 ár. Myndir berast
af aðframkomnu fólki sem nú
berst yfir landamærin til Eþíópíu
og Keníu.
Þetta neyðarástand kemur ekki
skyndilega eða óvænt. Þetta er
ekki jarðskjálfti. Alþjóða Rauði
krossinn hefur varað við yfirvof-
andi neyðarástandi í meira en tvö
ár. Í desember 2008 sendu sam-
tökin út neyðarkall og leituðu til
alþjóðastofnana um stuðning við
að koma í veg fyrir harmleik sem
þá var talinn vera í uppsiglingu í
Eþíópíu, Sómalíu og Keníu.
Ætlunin var að bregðast við neyðinni
sem þá var að myndast og grípa til marg-
víslegra aðgerða til að koma í veg fyrir
ennþá meiri neyð. Viðbrögðin voru nánast
engin.
Í janúar á þessu ári sendi keníski Rauði
krossinn út neyðarkall vegna uppskeru-
brests, sem þá var orðin staðreynd. Við-
brögðin voru lítil. Alþjóða Rauði kross-
inn heldur úti umfangsmiklu hjálparstarfi
í Sómalíu við ákaflega erfiðar
aðstæður. Erfiðlega hefur geng-
ið að fjármagna starfið. Nú er
komin mynd á neyðina og það
er mynd af börnum sem koma í
flóttamannabúðir nær dauða en
lífi af hungri. Ákvörðun Sam-
einuðu þjóðanna um að hungurs-
neyð ríki í tveimur héruðum
Sómalíu, Bakool og Neðra-Sha-
belle, staðfestir það sem þegar
var orðið ljóst.
Margar ástæður eru fyrir
þessari hungursneyð: Þurrkar,
borgarastyrjöld, þjóðfélags-
breytingar. Það skiptir ekki máli
nú. Það eina sem skiptir máli nú,
þegar börn deyja úr hungri, er að
koma til hjálpar.
Rauði krossinn er á staðnum í Sómalíu.
Núna.
Samtökin dreifa mat, einkum til barna,
frá 39 heilsugæslustöðvum og 18 matar-
dreifingarstöðvum. Verið er að fjölga fær-
anlegum teymum til að ná enn þá víðar.
Rauði kross Íslands styður þetta starf.
Söfnunarsími Rauða krossins er 904 1500
til að gefa 1.500 krónur sem dregnar eru af
næsta símreikningi.
Hjálpum. Núna.
Hungurs-
neyð
Þórir
Guðmundsson
sviðsstjóri
alþjóðasviðs
Rauða kross
Íslands
Margar
ástæður eru
fyrir þessari
hungursneyð:
Þurrkar,
borgara-
styrjöld,
þjóðfélags-
breytingar.
Ný fjölmiðlakönnun Capacent Gallup
staðfestir vinsældir Fréttablaðsins.
Rúmlega 72% íbúa höfuðborgarsvæðisins
á aldrinum 18-49 lesa að meðaltali hvert
tölublað Fréttablaðsins - nær þrefalt fleiri
en lesa næsta dagblað þar á eftir.
Fólkið í
landinu les
Fréttablaðið
Allt sem þú þarft...
Prentmiðlakönnun Capacent Gallup.
Apríl til júní 2011, meðallestur á tölublað.
Umhverfisverndin
Árni Þór Sigurðsson, þingmaður Vinstri
grænna, segir að hvalveiðar séu á
skjön við meginmarkmið flokksins í
pólitík, því hann sé grænn flokkur og
umhverfisverndarflokkur. Því er ekki
úr vegi að kíkja á stefnu flokksins
varðandi auðlindir hafsins. „Fram-
tíðarsýn okkar eru vistvænar fiskveiðar
og vernd uppvaxtarsvæða nytja-
fiska, sjálfbær nýting vistkerfa
á hafsbotni og friðun svæða
fyrir botnlægum og hreyfan-
legum veiðarfærum þar sem
nauðsyn krefur.“ Þetta
er falleg framtíðar-
sýn, en Árni Þór
skuldar skýringu á
því hvernig sjálfbær nýting hvalastofna
fellur utan við hana.
Tilfinningarökin
„Þetta eru bara tilfinningarök!“
Ásökun sem þessi heyrist oft hjá
fylgjendum hvalveiða og þykir hin
mesta skömm. Vissulega eru bara
tilfinningarök að vilja ekki nýta hvali
á sjálfbæran hátt, frekar en þorsk,
gæsir, lóu eða hrossagauk. En eru
það ekki líka tilfinningarök að vilja
veiða hvali hvað sem það kostar,
bara af því að við
ráðum okkur sjálf
og tökum
ekki við
skipunum að
utan?
Upphrópanirnar
Evrópusamtökin eru þverpólitískur
vettvangur áhugamanna um Evrópu-
samvinnu. Á vef þeirra birtist í gær
frétt um að Morgunblaðið hefði
hrósað grein eftir Ragnar Arnalds.
Með þessu hefðu ysta-hægrið og
ysta-vinstrið sameinast. Myndskreyt-
ingin var líka upplýsandi, hamar og
sigð Sovétríkjanna. Trúi höfundar því
að Ragnar Arnalds sé holdgervingur
ystra-vinstrisins á Íslandi hafa þeir
ekki mikla innsýn í íslensk
stjórnmál. Og tengja svo
við Sovétríkin, að áróðurs-
meistara sið. Svona mál-
flutningur hjálpar engum
málstað.
kolbeinn@frettabladid.is
SKOÐUN
Þórunn Elísabet
Bogadóttir
thorunn@frettabladid.is
Flóttamenn og aðrir sem vilja setjast hér að
eiga rétt á góðu kerfi og réttlátri málsmeðferð.
Brotalamir sem
verður að laga