Fréttablaðið - 22.07.2011, Blaðsíða 43

FÖSTUDAGUR 22. júlí 2011 31
FÓTBOLTI „Ég er ágætlega ánægð-
ur með sumarið hjá mér. Það hafa
verið smá meiðsli og ég hef misst
af mikilvægum leikjum. Ég væri
til í að hafa skorað fleiri mörk enda
klúðrað nokkrum ágætum færum.
Heilt yfir er ég samt nokkuð sátt-
ur,“ sagði Garðar Jóhannsson en
hann er leikmaður 11. umferðar
hjá Fréttablaðinu. Garðar skoraði
tvö góð mörk gegn Blikum og klár-
aði leikinn.
„Meiðslin tengjast ekkert gervi-
grasinu. Þetta er táin á mér. Gervi-
grasið er líka geðveikt gott,“ sagði
Garðar og hló við. Hann hefur ekk-
ert æft síðustu tvær vikur en er
kominn á fullt á nýjan leik. „Það
er ljúft að geta æft aftur á fullu og
vonandi mun mörkunum fjölga.“
Stjörnumenn hafa komið
skemmtilega á óvart í sumar. Eru
að berjast í efri hlutanum en flest-
ir spáðu því að Stjörnuliðið myndi
berjast í bökkum.
„Við vorum ákveðnir í að
afsanna allar hrakspár. Við telj-
um okkur vera með lið sem á að
vera í efri hlutanum. Við erum of
vel spilandi lið til að vera í fall-
baráttu. Það hefur ýmislegt fallið
gegn okkur í sumar en við erum
samt ofarlega. Hrakspárnar þjöpp-
uðu okkur saman og við erum ekki
hættir,“ sagði Garðar. Er komin
stemning í klefann fyrir því að
byrja aftur á fögnunum frægu?
„Nei, það verður ekki gert. Í það
minnsta ekki á meðan ég ræð ein-
hverju. Ég tek ekki þátt í skipu-
lögðum fögnum. Það kom samt
pínu hjá bræðrunum í síðasta leik
og kannski öruggara að hafa auga
með þeim,“ sagði Garðar léttur.
- hbg
Garðar Jóhannsson er leikmaður 11. umferðar:
Tek ekki þátt í neinum
skipulögðum fögnum
GARÐAR JÓHANNSSON Er með markahæstu mönnum deildarinnar þó svo hann hafi
misst úr leiki vegna meiðsla. FRÉTTABLAÐIÐ/STEFÁN
Pepsi-deild karla
Lið 11. umferðar:
Óskar Pétursson Grindavík
Pól Justinussen Valur
Grétar S. Sigurðarson KR
Viktor S. Hafsteinsson Keflavík
Halldór H. Jónsson Fram
Atli Sigurjónsson Þór
Haukur Páll Sigurðsson Valur
Daníel Laxdal Stjarnan
Jóhann H. Hannesson Þór
Óli Baldur Bjarnason Grindavík
Garðar Jóhannsson Stjarnan
FÓTBOLTI KR-ingar slógu slóvak-
íska liðið Zilina úr undankeppni
Evrópudeildarinnar í gær þrátt
fyrir 0-2 tap út í Slóvakíu. KR
vann fyrri leikinn 3-0 og vann
því 3-2 samanlagt. KR mætir
georgíska liðinu Dinamo Tbilisi í
næstu umferð en Dinamo Tbilisi
vann 5-0 sigur í síðari leik sínum
á móti velska liðinu Llanelli.
Tomas Majtán kom Zilina í 1-0
á 29. mínútu leiksins en það var
varamaðurinn Momodou Ceesay
sem skoraði seinna markið á 70.
mínútu leiksins. KR-ingar voru í
vandræðum síðustu tuttugu mín-
úturnar eftir að Zilina komst í 2-0
og oft skall hurð nærri hælum.
KR-liðið hélt hins vegar út og
fagnaði gríðarlega í leikslok.
„Þetta tók vel á taugarnar síð-
ustu fimmtán mínúturnar en að
öðru leiti var maður alveg róleg-
ur,“ sagði Rúnar Kristinsson,
þjálfari KR eftir leikinn.
„Þegar þeir gerðu annað mark-
ið þá fannst mér við vera með
þetta í okkar höndum. Þeir voru
farnir að vera þreyttir og mér
fannst við vera nær því að jafna
leikinn en þeir að skora annað
markið. Svo gerum við smá mis-
tök í varnarleiknum og fáum á
okkur mark. Í framhaldinu er
gríðarleg pressa á okkur,“ sagði
Rúnar.
„Þeir tóku mikla áhættu,
spiluðu 4-4-2 og kantmennirnir
þeirra voru mjög hátt á vellin-
um. Stundum var þetta 4-2-4 og
bakverðirnir fóru vel með upp.
Þeir voru með marga í sókninni
og þvinguðu okkur aftar á völl-
inn. Þegar við unnum boltann þá
náðum við ekki að nýta það nógu
vel að sækja hratt á þá en það
vantaði stundum lítið upp á. Eitt
mark hjá okkur hefði algjörlega
eyðilagt þennan leik fyrir þá og
gert þetta auðveldara fyrir okkur.
Við áttum möguleika á því strax
eftir fimm mínútur þegar Guðjón
sleppur einn í gegn,“ sagði Rúnar
en KR-ingar fengu heldur betur
ástæðu til að fagna í leikslok þrátt
fyrir fyrsta tap sumarsins.
„Við lítum á þetta sem 3-2 sigur
og þetta er ekkert tap. Þetta eru
tveir leikir og við stöndum uppi
sem sigurvegarar eftir þá. Ég er
gríðarlega ánægður með strák-
ana og framlag þeirra þrátt fyrir
að maður hefði stundum viljað
sjá meiri ró á boltanum og betra
spil. Þetta var gríðarlega erfitt
og menn þurftu að leggja mikið
á sig. Menn uppskáru líka mikla
gleði og ánægju í restina,“ segir
Rúnar.
„Það er algjör snilld að vera
áfram í öllum þremur keppn-
um. Þetta er frábær árangur hjá
okkur og það er mikið afrek að slá
út þetta sterka lið,“ sagði Rúnar
en Zilina hafði komist langt í Evr-
ópukeppninni síðustu tvö tímabil,
í riðlakeppni Evrópudeildarinn-
ar 2009-10 og svo í riðlakeppni
Meistaradeildarinnar á síðasta
tímabili.
„Nú bíður okkar lið sem er ekki
eins hátt skrifað og þetta lið sem
við vorum að slá út núna. Mögu-
leikarnir eru til staðar en maður
þekkir það af eigin reynslu og lið
frá Georgíu eru mjög sterk líka,“
segir Rúnar en það er nóg af
öðrum leikjum á næstunni.
„Nú er það fyrst Breiðablik, svo
eigum við heimaleikinn á móti
Dinamo Tbilisi og svo förum við
á Ísafjörð um verslunarmanna-
helgina og gleðjum Ísfirðinga.
Ég reikna ekki með að leikmenn
Bí/Bolungarvíkur séu sáttir með
þessi úrslit en því miður fyrir þá
þá þurfum við að spila við þá um
verslunarmannahelgina,“ sagði
Rúnar sem viðurkennir að þetta
gríðarlega leikjaálag reyni á hóp-
inn.
„Við erum búnir að spila sunnu-
dag-fimmtudag í þrjár til fjórar
vikur og það heldur bara næstu
þrjár til fjórar vikurnar. Þetta
verður erfitt og strembið fyrir
okkur en við ræddum um það
í dag að okkur langar að spila
sem flesta leiki. Okkur langar
að ná árangri og það kostar bara
þessa vinnu. Menn eru tilbúnir að
leggja það á sig en vonandi kemur
þetta ekki niður á okkur í deild og
bikar því þar viljum við líka ná
árangri,“ sagði Rúnar.
ooj@frettabladid.is
Mikið afrek að slá út þetta lið
Rúnar Kristinsson, þjálfari KR, var að vonum ánægður eftir að liðið sló Zilina út úr Evrópukeppninni í gær.
Rúnar segir að síðustu mínúturnar hafi tekið vel á taugarnar og á ekki von á að leikmenn BÍ/Bolungarvík
hafi fagnað þessum úrslitum því nú þurfi þeir að spila undanúrslitaleik í bikar um verslunarmannahelgi.
HÉLDU ÚT Í LOKIN KR-ingar eru komnir áfram í Evrópukeppninni en það þurfti
sameinað átak að slá út hið geysisterka Zilina-lið í Slóvakíu í gær. FRÉTTABLAÐIÐ/STEFÁN
1. deild karla
Selfoss-Grótta 4-0
1-0 Viðar Örn Kjartansson (12.), 2-0 Babacar
Sarr (18.), Jón Daði Böðvarsson (44.), 4-0
Jón Daði Böðvarsson (60.)
HK-Leiknir 0-3
0-1 Pape Mamadou Faye (39.), 0-2 Ólafur
Hrannar Kristjánsson (50.), 0-3 Ólafur Hrannar
Kristjánsson (67.)
STAÐAN Í DEILDINNI:
ÍA 13 12 1 0 39-5 37
Selfoss 13 9 1 3 29-12 28
Haukar 12 6 2 4 17-13 20
Þróttur R. 13 6 2 5 16-21 20
BÍ/Bolungarvík 12 6 1 5 17-22 19
Fjölnir 12 5 3 4 20-22 18
Víkingur Ó. 12 4 3 5 14-14 15
ÍR 12 4 2 6 15-21 14
Grótta 13 3 5 5 8-16 14
Leiknir R. 13 2 4 7 15-19 10
KA 12 3 1 8 12-23 10
HK 13 0 5 8 12-26 5
ÚRSLIT Í GÆR
FÓTBOLTI FH-ingar eru úr
leik í 2. umferð undankeppni
Evrópudeildarinnar eftir 2-0
tap fyrir portúgalska liðinu CD
Nacional á Madeira í gærkvöldi.
Liðin gerðu 1-1
jafntefli í Kapla-
krika fyrir vikur
og unnu Portú-
galirnir 3-1 sam-
anlagt og mæta
sænska liðinu
Häcken í næstu
umferð.
FH-vörnin hélt
út fram á 55. mín-
útu leiksins þegar Luís Alberto
kom CD Nacional í 1-0 en seinna
markið skoraði síðan varamaður-
inn Daniel Candeias á 90. mínútu.
- óój
FH-ingar eru úr leik:
Töpuðu 2-0 á
Madeira í gær
HEIMIR GUÐJÓNS-
SON Þjálfari FH
FRÉTTABLAÐIÐ/DANÍEL