Fréttablaðið - 29.08.2011, Blaðsíða 12

12 29. ágúst 2011 MÁNUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
Ríkisstjórnin hefur sett sér markmið um að árið 2020 komi tíu prósent allrar orku sem notuð er í samgöngum á Íslandi frá endurnýjanlegum orkugjöfum. Þetta er gott markmið og nauðsynlegt. Talsvert er til vinnandi að gera
Ísland minna háð olíu, sem sífellt hækkar í verði. Orkuskiptin
geta eflt nýsköpun og atvinnu og síðast en ekki sízt eru þau nauð-
synleg til að Ísland geti staðið við alþjóðlegar skuldbindingar um
að minnka útblástur gróðurhúsalofttegunda.
Eins og rakið hefur verið í
fréttaskýringum í Fréttablaðinu
undanfarna daga erum við
Íslendingar, sem stærum okkur
þó af því að vera í fararbroddi í
nýtingu endurnýjanlegrar orku,
umhverfissóðar í samgöngum.
Hér er hlutfallslega einn stærsti
einkabílafloti í heimi, hlutfall
eldsneytisfrekra bíla er hátt og þrátt fyrir að meðaltalslosun
gróðurhúsalofttegunda á bíl hafi farið minnkandi hefur heildar-
losunin aukizt vegna fleiri bíla.
Að hluta til er hægt að ná markmiðum um umhverfisvænni
bílaumferð með því að efla almenningssamgöngur. Hins vegar
er fullkomlega óraunhæft að ætla annað en að einkabíllinn leiki
áfram stórt hlutverk í samgöngum á Íslandi. Þar spila veðurfar
og staðhættir meðal annars inn í. Þess vegna þarf að finna leiðir
til að gera einkabílaflotann umhverfisvænni.
Eigi fólk að fást til að kaupa sér bíl sem gengur fyrir öðrum
orkugjafa en sá sem fyrir er, þarf það að hafa til þess einhvern
fjárhagslegan hvata. Sjálfsagt eru einhverjir hugsjónamenn sem
kaupa sér rafmagns- eða vetnisbíl í þágu umhverfisins, en flestir
munu þó láta budduna ráða. Það þarf því að finna leiðir til að gera
bæði bílana og notkun þeirra ódýrari en hefðbundna benzínbíla.
Ríkisstjórnin vill „þróa skattaumhverfið“ til að það hvetji bæði
neytendur og fyrirtæki til orkuskipta. Þó bendir fátt til þess, enn
sem komið er, að hún sé reiðubúin að stíga einhver skref sem máli
skipta til að lækka skatta á umhverfisvænum bílum og eldsneyti.
Þrátt fyrir ítrekaðar ábendingar um að upphafleg markmið
um að dísilolía yrði ódýrari en benzín, enda bæði notadrýgri og
umhverfisvænni í bílvélum, hefur ríkisstjórnin ekki gert neitt
til að gera dísilinn ódýrari og stuðla þannig að fjölgun dísil-
bíla. Sama á við um hugmyndir um að lækka aðflutningsgjöld
og virðisaukaskatt af umhverfisvænum bílum til að stuðla að
endurnýjun bílaflotans (sem er reyndar ekki bara umhverfismál,
heldur líka öryggismál). Afleiðingin er sú að fáir kaupa sér nýja
bíla og ríkið græðir þá ekki neitt á því að nýir bílar seljist, í stað
þess að græða aðeins minna en ella.
Ástæðan fyrir þessari tregðu til að lækka skatta í þágu
umhverfisins er sjálfsagt sú sem Sverrir Viðar Hauksson, verk-
efnisstjóri Grænu orkunnar, nefndi hér í blaðinu; samgöngum er
ætlað að skila óheyrilega miklu í ríkiskassann og enn hefur verið
hert á skattpíningu bíleigenda á seinni árum.
Vinstri græn fögnuðu því á flokksráðsfundi sínum um helgina
að betur gengi að skattpína þjóðina og lögðu til að því yrði haldið
áfram. Það er sjálfsagt í anda vinstristefnu flokksins. Ætli flokk-
urinn, sem fer með bæði fjármálaráðuneytið og umhverfisráðu-
neytið, átti sig ekki á því að til að ná fram grænu stefnunni sem
hann kennir sig líka við geti þurft að lækka skatta á umhverfis-
vænum bílum og eldsneyti?
HALLDÓR
Ólafur Þ.
Stephensen
olafur@frettabladid.is
SKOÐUN
Verði frumvarp ríkisstjórnarinnar um stjórn fiskveiða að lögum er það niður-
staða áfangaskýrslu endurskoðunarfyrir-
tækisins Deloitte að íslensk sjávarútvegs-
fyrirtæki þurfi að afskrifa 180 milljarða
vegna keyptra aflaheimilda. Við
það minnkar eigið fé fyrirtækj-
anna samsvarandi og verður í
mörgum tilvikum neikvætt.
Í hádegisfréttum ríkisút-
varpsins þann 24. ágúst sl. kall-
aði formaður sjávarútvegs- og
landbúnaðarnefndar Alþing-
is, Lilja Rafney Magnúsdóttir,
þetta „einhverjar bókhaldsbrell-
ur til eða frá“. Þessi ummæli
formanns sjávarútvegs- og land-
búnaðarnefndar Alþingis eru
í hæsta máta óábyrg. Þau bera
ekki aðeins vitni um virðing-
arleysi fyrir lögum og reglum
heldur lýsa þau skeytingarleysi
gagnvart tugmilljarða hags-
munum sjávarútvegsfyrir-
tækjanna og þjóðarinnar í heild.
Sjávarútvegsfyrirtækin hafa
keypt aflaheimildirnar til þess að ná fram
nauðsynlegri hagræðingu í atvinnugrein-
inni, efla starfsemi sína og skila meiri
verðmætum. Ef sú hagræðing, sem þau
hafa náð með kaupum á aflaheimildum og
sameiningu þeirra á færri skip, hefði ekki
komið til væru gerð út allt of mörg skip
með tilheyrandi sóun verðmæta.
Markmið laganna um stjórn
fiskveiða var að atvinnugreinin
sæi sjálf um nauðsynlega hag-
ræðingu, ólíkt því sem víða
gerist þar sem sjávarútvegur
er stórlega ríkisstyrktur. Það
er niðurstaða endurskoðunar-
skrifstofunnar Deloitte að sam-
kvæmt lögum um ársreikninga
og alþjóðlegum reikningsskila-
reglum beri að afskrifa keyptar
veiðiheimildir verði frumvarp-
ið að lögum. Við afskriftirnar
verða skuldir fyrirtækjanna í
mörgum tilvikum meiri en eign-
ir þeirra og þau því í raun gjald-
þrota.
Samkvæmt lögum um gjald-
þrotaskipti hvílir þá sú laga-
skylda á fyrirsvarsmönnum fyr-
irtækjanna að gefa þau upp til
gjaldþrotaskipta. Ummæli alþingismanns-
ins bera ekki vott um mikla virðingu fyrir
lögum sem Alþingi hefur sett.
Virðing Alþingis
Stjórn
fiskveiða
Friðrik J.
Arngrímsson
framkvæmdastjóri
LÍÚ
Ummæli
alþingis-
mannsins
bera ekki vott
um mikla
virðingu fyrir
lögum sem
Alþingi hefur
sett. Það skiptir máli hvaða blað fólk gefur sér tíma til að lesa. Ný Prentmiðlakönnun
Capacent Gallup staðfestir að lesendur á aldrinum 12-59 ára gefa sér lengri
tíma til að lesa Fréttablaðið en Morgunblaðið. Við hlökkum til að færa ykkur
fleiri góðar stundir í framtíðinni.
Lesendur gefa sér
góðan tíma í Fréttablaðið
Allt sem þú þarft...
20 mín
15 mín
10 mín
5 mín
0 mín
12-14
ára
15-19
ára
20-24
ára
25-29
ára
30-34
ára
35-39
ára
40-44
ára
45-49
ára
50-54
ára
55-59
ára
MBL
FBL
Meðal lestími
í mínútum
á hvert eintak*
*Prentmiðlakönnun Capacent Gallup. Mældur er tími sem fer í lestur hvers eintaks
Morgunblaðsins og Fréttablaðsins hjá lesendum á aldrinum 12-59 ára á öllu landinu.
Allt sama tóbakið
Guðmundur Steingrímsson veltir
nú flokksstofnun fyrir sér og verður
spennandi að sjá hvað út úr þeim
hræringum kemur. Þangað til niður-
staða kemst í það mál má skemmta
sér við að lesa gamla grein hans úr
Tímariti máls og menningar frá árinu
2001. Sú hét „Allt sama tóbakið“ og
rýndi hann þar í stefnuskrár íslenskra
stjórnmálaflokka og komst að því
að þær væru allar eins. Þá var
Guðmundur í Samfylkingunni,
en fór síðan í Framsóknarflokk-
inn. Kannski stefnuskrá nýja
flokksins, verði hann að
veruleika, verði nýtt lauf á
tóbaksplöntunni.
Hentistefnurannsóknir
Valgerður Bjarnadóttir, þingmaður
Samfylkingarinnar og varaformaður
utanríkismálanefndar
Alþingis, telur enga þörf
á að rannsaka stuðning
Íslendinga við loftárásir í
Trípólí. Flokkur hennar fer
þó framarlega í kröfum
um rannsóknir á við-
burðum sem hann ekki
styður. Óvíst er hve margir
hafa látið lífið af völdum
loftárásanna, en Val-
gerði finnst greinilega engum
spurningum ósvarað um þátt
Íslands; það hentar hennar
flokki ekki vel.
Smá skakkaföll
Sumir sjá sér hag í að tala efnahags-
hrunið niður, setja kreppuna í
gæsalappir og
láta eins og um
smávægilegan
viðburð sé að ræða.
Trauðla hefur þó verið
gengið lengra í þá átt en í
stjórnarsamþykkt Sambands
ungra sjálfstæðismanna
frá því á föstudag. Þar segir:
„Þrátt fyrir skakkaföll í íslensku
efnahagslífi síðastliðin ár …“
Skakkaföll kalla menn að fara
yfir á reikningnum sínum eða missa
yfirdrátt; ekki að efnahagskerfi heillar
þjóðar hrynji. kolbeinn@frettabladid.is

Fer það saman að skattpína bíleigendur og
gera samgöngur á Íslandi umhverfisvænni?
Græn skattalækkun
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871