Fréttablaðið - 05.09.2011, Blaðsíða 14

5. september 2011 MÁNUDAGUR14
MOSAIK
Ástkær eiginmaður minn, faðir okkar
og bróðir,
Davíð Trausti Arnljótsson
sem lést á heimili sínu aðfaranótt sunnudagsins
21. ágúst, verður jarðsunginn frá Háteigskirkju
mánudaginn 5. september kl. 15.00.
Hulda Erlingsdóttir
Arnljótur Davíðsson
Ágústa María Davíðsdóttir
Erlingur Sigurður Davíðsson
Jens Arnljótsson
timamot@frettabladid.is
BESSI BJARNASON (1930-2005) fæddist þennan dag.
„Leikhúsið mun alltaf halda velli því það getur
ekkert komið í staðinn fyrir það.“
Minningartónleikar verða
haldnir um Gunnar Hrafn
Hrafnbjargarson í Neskirkju
í kvöld. Gunnar Hrafn lést í
köfunarslysi í Danmörku
4. ágúst síðastliðinn. Hann
skildi eftir sig eiginkonu og
tvö börn.
Vinir Gunnars ákváðu að
heiðra minningu hans með
tónleikum og safna í leiðinni
í sjóð sem stofnaður hefur
verið fyrir börnin hans.
Nokkrir af bestu vinum
Gunnars Hrafns koma fram
á tónleikunum í Neskirkju;
þau Hallveig Rúnarsdótt-
ir og Margrét Hrafnsdótt-
ir sópransöngkonur, Hrönn
Þráinsdóttir og Guðrún
Dalía Salómonsdóttir píanó-
leikarar, Þórarinn Már Bald-
ursson víóluleikari og Ólöf
Sigursveinsdóttir sellóleik-
ari.
Á efnisskránni verða verk
eftir Bach, Debussy, Chopin,
Mozart, Hindemith, Jórunni
Viðar, Hjálmar H. Ragnars-
son, Hildigunni Rúnarsdótt-
ur, Snorra Sigfús Birgisson
og fleiri.
Tónleikarnir hefjast
klukkan 20 í kvöld. Miða-
verð er 2.500 krónur en fólki
er einnig frjálst að styrkja
sjóðinn að vild. Hægt er að
leggja inn á reikning: 0162-
15-383931, kt. 071007-3320.
Minningartónleikar í Neskirkju
Hrefna Sigurjónsdóttir hefur tekið við
starfi framkvæmdastjóra Heimilis og
skóla - Landssamtaka foreldra. Hrefna
er með góðan grunn að byggja á, með
BA próf í sálfræði, meistarapróf í
alþjóðasamskiptum og kennslurétt-
indi á grunn-og framhaldsskólastigi.
Hún er líka öllum hnútum kunnug hjá
Heimili og skóla, hefur unnið þar sem
verkefnastjóri í tvö ár, meðal ann-
ars við netöryggisverkefnið SAFT.
Heimili og skóli sinnir öllum skóla-
stigum, leik-, grunn- og framhalds-
skóla. Hrefna horfir því fram á mörg
verkefni en hvar ætlar hún að byrja?
„Áherslan núna er á að styðja við for-
eldra í uppeldishlutverkinu. Það er
svo mikilvægt að standa vörð um rétt-
indi barna og þegar niðurskurður er
hjá sveitarfélögum til skólamála er
það grundvallaratriði að foreldrar séu
hafðir með í ráðum. Þá ganga breyting-
arnar miklu betur fyrir sig og eru lík-
legri til árangurs. Þeir sem ráða ferð
verða líka að velta vandlega fyrir sér
hver hinn raunverulegi kostnaður er
til lengri tíma. Það getur kostað þjóð-
félagið svo mikið að skera niður á röng-
um stöðum.“
Hrefna nefnir heitar skólamáltíð-
ir og frístundaheimili sem dæmi um
þjónustu sem byggð hafi verið upp
og ekki megi glutra niður. „Foreldrar
verða að nýta samtakamáttinn,“ segir
hún ákveðin og bendir foreldrum á
að kynna sér viðmiðunarstundaskrá
í nýrri aðalnámskrá grunnskólanna
og bera hana saman við stundaskrá
barna sinna, svo tryggt sé að þau fái
þá kennslu sem þeim ber. „Hin nýju
menntalög auka tækifæri foreldra til
að hafa áhrif á lýðræðislegan hátt og
ég hvet þá til að nýta þær leiðir. Gagn-
kvæm virðing er alltaf lykilatriði og
góð samskipti milli heimilis og skóla
það sem barnið græðir mest á,“ segir
hún.
Eineltismál koma mikið inn á borð
Heimilis og skóla að sögn Hrefnu.
„Við reynum að gefa foreldrum góð
ráð í sambandi við eineltismál því oft
eru þau marglaga, flókin og viðkvæm.
Við bendum foreldrum á hver ábyrgð
skólans er og réttur nemandans. Líka
það að aðgerðarleysi er ekki valkostur
í svona málum, það verður að taka á
þeim. Þetta getur verið langt og erf-
itt ferli en það er bæði skaði fyrir ein-
staklinginn og þjóðfélagið ef ekkert er
gert. Margir skólar hafa eineltisáætl-
un og hún þarf að vera á borði en ekki
bara í orði.“
Framkvæmdastjóraskipti hafa verið
tíð hjá Heimili og skóla síðustu miss-
eri. Hrefna segir fjárhagsvanda hafa
átt sinn þátt í því. „Það er minna fé á
lausu í svona starfsemi en áður var,
samtökin hafa orðið að endurskoða
áherslur sínar til samræmis við það
og rifa seglin. Ég ætla bara að horfa
fram á við og gera mitt besta.“
gun@frettabladid.is
HREFNA SIGURJÓNSDÓTTIR: ER NÝR FRAMKVÆMDASTJÓRI HEIMILIS OG SKÓLA
Kostar þjóðfélagið mikið að
skera niður á röngum stöðum
FRAMKVÆMDASTJÓRI HEIMILIS OG SKÓLA „Við reynum að vinna gott starf en allt byggist það á samstarfi við foreldra, opinbera aðila og önnur
félagasamtök,“ segir Hrefna Sigurjónsdóttir. FRÉTTABLAÐIÐ/VALLI
Merkisatburðir
1896 Suðurlandsskjálfti ríður yfir. Fjöldi bæja í Árnessýslu hryn-
ur til grunna.
1910 Á Vífilsstöðum opnar heilsuhæli fyrir berklasjúklinga.
1914 Orrustan við Marne hefst þar sem herir Breta og Frakka
stöðva sókn Þjóðverja til Parísar.
1942 Þýskar sprengjuflugvélar gera árás á Seyðisfjörð. Fjórir
drengir slasast og hús skemmast.
1972 Varðskip beitir togvíraklippum á breskan landhelgisbrjót í
fyrsta sinn.
1987 Háskólinn á Akureyri er settur í fyrsta sinn í Akureyrar-
kirkju. Nemendur fyrsta starfsárið eru 47 talsins.
1989 Leikarar úr Leikfélagi Reykjavíkur flytja sig formlega úr Iðnó
yfir í Borgarleikhúsið.
Á þessum degi, árið 1997, dó Nóbelsverðlaunahafinn
Móðir Teresa, 87 ára gömul. Fékk hún hjartaáfall á
aðalskrifstofum trúboðsstöðvar sinnar í Kalkútta á Ind-
landi en hún hafði barist við erfið veikindi í þó nokkur
ár áður en hún féll frá. Þegar fréttir bárust af andláti
Móður Teresu sagði páfinn að þar færi kona sem hefði
sett mark sitt á sögu aldarinnar.
Móðir Teresa var viss um það, aðeins 12 ára gömul,
að Guð vildi að hún yrði trúboðsnunna. Hún gerðist
meðlimur í Loretto-reglunni og var loks send til Kal-
kútta á Indlandi, þar sem hún kenndi í skóla í mörg ár.
Árið 1946 breytti hún vinnu sinni, hætti kennslu
og helgaði krafta sína fátæku, veiku og dauðvona
fólki. Smám saman fóru ungar stúlkur að ganga
til liðs við nunnuna og reglu hennar og trúboð
Móður Teresu, Kærleiksboðberarnir, var samþykkt
árið 1950 af páfanum. Reglusystur trúboðsins
vinna erfið hjálparstörf í fátækrahverfum
Kalkúttaborgar á Indlandi, auk bænahalds
og hugleiðingar. Móðir Teresa hélt því fram
að án sambands við Guð væri ekki hægt að
vinna þetta erfiða starf.
ÞETTA GERÐIST: 5. SEPTEMBER 1997
Móðir Teresa fellur frá
Doktor Lonnie Thompson,
einn helsti jöklafræðing-
ur heims, heldur fyrirlest-
ur í boði forseta Íslands
og Háskóla Íslands í dag
5. september klukkan 12.
Fyrirlesturinn er opinn
almenningi og er í Hátíða-
sal aðalbyggingar skólans.
Hann ber heitið „Climate
Change: The Evidence and
Our Options, eða Loftslags-
breytingar: veruleiki og val-
kostir.
Í upphafi fundarins flytur
forseti Íslands stutt ávarp.
Dr. Thompson er prófess-
or við jarðfræðideild Ríkis-
háskólans í Ohio í Banda-
ríkjunum og hefur öðlast
margháttaða viðurkenningu
fyrir vísindastörf sín á vett-
vangi jöklafræði og lofts-
lagsfræða, ekki síst fyrir
rannsóknir á borkjörnum
úr jöklum heitra landa sem
varpað hafa ljósi á þróun
loftslags á jörðinni. Hann
hefur farið í tugi rann-
sóknarleiðangra til Kína og
Himalajasvæðisins sem og
til Suðurskautslandsins.
Í boði forsetans
VIÐ GRÆNLAND Bráðnun íss er
fylgifiskur loftslagsbreytinganna.
FRÉTTABLAÐIÐ/VILHELM
Móðir okkar, tengdamóðir, amma
og langamma,
Anna Kristín Vilhelmína
Biering
Fossvogsbletti 2, Reykjavík,
lést á hjúkrunarheimilinu Eir miðvikudaginn 31. ágúst.
Útförin fer fram frá Fríkirkjunni í Reykjavík
þriðjudaginn 6. september kl. 15.
Moritz Wilhelm Sigurðsson Margrét Dóra Guðmundsdóttir
Guðmundur Sigurðsson Anna Sigríður Zoëga
Auður Sigurðardóttir Ólafur Halldórsson
Sigurður Þórir Sigurðsson Ásta Björk Sveinbjörnsdóttir
barnabörn og barnabarnabörn
GUNNAR HRAFN Minningar-
tónleikar um Gunnar verða í
Neskirkju í kvöld.