Fréttablaðið - 05.09.2011, Blaðsíða 42

5. september 2011 MÁNUDAGUR22
Hádegisfundur ÍSÍ
Sjá nánar á www.isi.is
Miðvikudagur 14. sept. kl. 12.00-13.00 í E-sal
Íþr.-miðstöðv. í Laugardal. Jón Sigfússon hjá
Rannsóknum og Greiningu fjallar m.a. um íþróttaiðkun
framhaldsskólanema. Aðgangur ókeypis og öllum heimill.
Uppl. í 460-1467 og á vidar@isi.is
+ Bókaðu flug á www.icelandair.is
Innifalið: Flug aðra leiðina og flugvallar skattar. Þessi ferð gefur frá 2.100 til 6.300 Vildarpunkta aðra leiðina.
saltdreifarar
Vesturhrauni 3 · 210 Garðabæ.
Sími 480-0000 · www.aflvelar.is
- sala
- varahlutir
- þjónusta
FÓTBOLTI Ólafur Jóhannesson á
aðeins eftir að stýra íslenska
karlalandsliðinu í tveimur leikj-
um í viðbót. Gefið hefur verið út
að hann fái ekki nýjan samning að
lokinni núverandi undankeppni.
Knattspyrnusamband Íslands,
KSÍ, er því að leita að nýjum þjálf-
ara um þessar mundir og hafa
ýmsir menn verið orðaðir við
starfið á síðustu dögum. Nægir þar
að nefna menn eins og Willum Þór
Þórsson, Guðjón Þórðarson og Teit
Þórðarson. Umræðan um erlend-
an þjálfara er einnig afar hávær
og samkvæmt könnun Stöðvar 2
meðal þingfulltrúa KSÍ vill helm-
ingur þeirra sjá erlendan þjálfara
í brúnni.
Þessir þingfulltrúar eru fulltrú-
ar knattspyrnufélaganna og ef
félögin réðu ferðinni þá myndi
KSÍ ráða erlendan þjálfara. 45
knattspyrnufélög áttu samtals
135 fulltrúa með atkvæðisrétt á
síðasta ársþingi KSÍ. Þar af eru
85 fulltrúanna skráðir á vef KSÍ
sem stjórnarmeðlimir sinna knatt-
spyrnudeilda.
Íþróttadeild hringdi í þessa 85
aðila og lagði fram spurninguna:
Hver vilt þú að verði næsti lands-
liðsþjálfari? Svarhlutfallið var 82
prósent. Af þeim 70 sem svöruðu
vilja 35, eða 50 prósent, að erlend-
ur þjálfari verði ráðinn til að taka
við af Ólafi.
Fæstir gátu nefnt ákveðinn
erlendan þjálfara á nafn en flestir
voru á því máli að fullreynt væri í
bili með íslenskan þjálfara.
Guðjón Þórðarson fékk flest
atkvæði íslenskra þjálfara eða ell-
efu. Rúnar Kristinsson kom næst-
ur með sex atkvæði.
Vilji félaganna í landinu er því
nokkuð skýr en hvað finnst Geir
Þorsteinssyni, formanni KSÍ, um
niðurstöðu þessarar könnunar?
„Þessi niðurstaða kemur mér
ekki á óvart,“ sagði Geir en stjórn
KSÍ hefur falið honum og Þóri
Hákonarsyni, framkvæmdastjóra
KSÍ, að finna og ráða nýjan þjálf-
ara fyrir landsliðið.
„Það hafa fjölmargir þjálf-
arar erlendis frá haft samband.
Við erum með augun opin fyrir
íslenskri og erlendri lausn,“ sagði
Geir en hann segir fólk í knatt-
spyrnuheiminum vel vita af því að
starfið sé á lausu og því sé engin
þörf á að auglýsa starfið.
Heimildir fréttastofu herma að á
meðal þeirra sem komi til greina í
starfið sé Lars Lagerback, fyrrum
landsliðsþjálfari Svíþjóðar og Níg-
eríu. Geir sagði að ekki væri búið
að ræða við neinn um starfið enn
sem komið er.
Rúnar Kristinsson og Eyjólfur
Sverrisson hafa báðir gefið það
út að þeir hafi ekki áhuga á starf-
inu. Aftur á móti hafa þeir Guðjón
Þórðarson, Teitur Þórðarson og
Willum Þór allir tekið vel í að ræða
við KSÍ ef sambandið hafi á annað
borð áhuga á því að ræða við þá.
- hsb
Félögin vilja sjá erlendan þjálfara
Helmingur knattspyrnufélaga á landinu vill að ráðinn verði erlendur landsliðsþjálfari í stað Ólafs
Jóhannessonar. Þetta er niðurstaða ítarlegrar könnunar sem Stöð 2 gerði hjá þingfulltrúum KSÍ.
Á FÖRUM Ólafur Jóhannesson lýkur fljótlega störfum hjá KSÍ og á meðan leita for-
kólfar sambandsins að arftaka hans. FRÉTTABLAÐIÐ/ANTON
Hver á að taka við?
Svör þingfulltrúa KSÍ:
Erlendur þjálfari 35 (50%)
Guðjón Þórðarson 11 (16%)
Rúnar Kristinsson 6 (9%)
Willum Þór Þórsson 5 (7%)
Eyjólfur Sverrisson 4 (6%)
Teitur Þórðarson 3 (4%)
Heimir Hallgrímsson 3 (4%)
Bjarni Jóhannsson 1 (2%)
Ólafur Kristjánsson 1 (2%)
Svarhlutfall 82% (70 manns)
Óákveðnir: 9
Náðist ekki í: 6
FÓTBOLTI Enn eitt áfallið dundi
yfir Arsenal um helgina er ljóst
varð að miðjumaðurinn Jack
Wilshere mun ekki spila með
liðinu næstu þrjá mánuði vegna
meiðsla.
Wilshere er meiddur á ökkla
og í fyrstu var talið að hann yrði
ekki lengi frá.
Nú er aftur á móti ljóst að hann
spilar ekki fyrr en í desember
og hausverkur Wengers þjálfara
verður sífellt meiri en Arsenal
hefur byrjað tímabilið illa. - sáp
Vandræði hjá Arsenal:
Wilshere frá í
þrjá mánuði
GOLF Stefán Már Stefánsson og
Sunna Víðisdóttir unnu lokastiga-
mótið á Eimskipsmótaröðinni sem
fram fór á Urriðavelli í Heiðmörk
um helgina.
Stefán varð um leið hlutskarp-
astur í Eimskipsmótaröðinni. Har-
aldur Franklín Magnús varð annar
í mótaröðinni og Helgi Birkir Þór-
isson tók þriðja sætið.
Stefán Már lék ótrúlegt golf á
laugardeginum en þá voru leikn-
ir tveir hringir. Hann fór fyrri
hringinn á fjórum höggum undir
pari og þann síðari á fimm högg-
um undir pari. Hann var því með
sjö högga forskot á Guðjón Henn-
ing Hilmarsson fyrir gærdaginn.
Stefán spilaði á pari í gær og hélt
sínu sjö högga forskoti en Harald-
ur Franklín tók annað sætið. Andri
Már Óskarsson varð síðan þriðji.
Sunna Víðisdóttir lék best á
laugardeginum og átti sjö högg á
næstu keppendur fyrir lokahring-
inn. Hún hélt því forskoti lokadag-
inn og varð á endanum átta högg-
um á undan Signýju Arnórsdóttur.
Signý vann þar með sigur í
mótaröðinni en Ólafía Þórunn
Kristinsdóttir varð önnur. Ólafía
tók ekki þátt í mótinu um helgina.
Sunna skaust upp í þriðja sætið
með sigrinum í gær. - hbg
Lokamót Eimskipsmótaraðarinnar spilað um helgina:
Stefán Már og Signý
unnu mótaröðina
BEST Stefán Már og Sunna voru ánægð eftir góða helgi. FRÉTTABLAÐIÐ/STEFÁN