Fréttablaðið - 08.09.2011, Blaðsíða 2

8. september 2011 FIMMTUDAGUR2
Kristján, verður skálað fyrir
nýja vígslubiskupnum?
„Það verða allavega fluttar skálar-
ræður!“
Kristján Valur Ingólfsson er nýr vígslu-
biskup í Skálholti.
NÁTTÚRA Rifsberjauppskera í
görðum landsmanna hefur verið
heldur dræm þetta haustið. Jón
Kr. Arnarson garðyrkjufræðingur
segir ástæðuna vera kalt vor með
næturfrostum fram í júní og það
hafi skaðað blómgun rifsberja-
runnanna. Einnig var minna af
skordýrum á sveimi til að frjóvga
þau blóm sem höfðu frostin af.
Stikilsber og sólber í görðum
landsins virðast þó hafa sprottið
þrátt fyrir kalt vor.
Berjaspretta á landinu öllu
virðist hafa verið með minna móti
þetta árið, en það hefur verið mis-
jafnt eftir landshlutum. - sv
Kalda vorið hafði áhrif:
Óvenjulítið um
rifsber í haust
RIFSBER Rifsberjauppskera á landinu
hefur verið heldur dræm í haust vegna
kulda í vor. MYND/HRÖNN AXELSDÓTTIR
FÓLK „Það er alveg skelfilegt að
lenda í þessu, sérstaklega vegna
þess að maður býst við því að leigu-
bílstjórar séu traustsins verðir,“
segir Ólafur Sigurðsson, sem varð
fyrir því á dögunum að gleyma
kassa af verðmætum í farang-
ursgeymslu leigubíls. Þrátt fyrir
mikla eftirgrennslan hefur hann
ekki fundið viðkomandi leigubíl-
stjóra og þar af leiðandi ekki feng-
ið eigur sínar til baka. Ólafur hefur
því kært málið til lögreglu.
„Ég hafði verið með hljómplötu-
klúbbnum í miðbænum framan
af degi á Menningarnótt að selja
og gefa vínylplötur, en þegar við
konan mín héldum heim um mið-
nætti fengum við leigubíl ofarlega
á Njarðargötu. Ég var með pappa-
kassa sem í var myndavél af gerð-
inni Sony Alpha, ferðaplötuspilari
og tvær vínylplötur, sem ég setti í
skottið. Svo rann það upp fyrir mér
þegar við erum komin heim að ég
hafði gleymt kassanum í bílnum.“
Ólafur segist hafa hringt á allar
leigubílastöðvarnar strax morgun-
inn eftir en engin hafi kannast við
að bíll frá þeim hafi farið í þessa
ferð.
„Það sem gerir málið svo flókn-
ara er að við pöntuðum ekki bílinn,
heldur kölluðum á hann af götunni.
Og svo greiddum við í reiðufé og
þess vegna er ekki hægt að rekja
greiðsluna.“
Ólafur bætir því við að bíl-
stjórinn hafi verið ungur, þrekinn
maður, með dökkt stutt hár og húð-
flúr á báðum handleggjum. Bíllinn
var ljós á litinn og með hvíta leður-
innréttingu.
„Ég sendi þessa lýsingu á allar
stöðvarnar og fékk afar takmörkuð
svör, nema hjá Hreyfli sem fór yfir
ferðir bíla sinna úr ökuritum og
fann engan bíl sem fór þessa leið.“
Tap Ólafs er þó nokkuð, enda er
myndavélin um 100 þúsund króna
virði og plötuspilarinn sömuleiðis
tugþúsunda virði, en þar er líka
um safngrip að ræða sem er erfitt
að bæta.
„Ég er eiginlega alveg vopnlaus
í þessu máli núna og vil þess vegna
biðla til þess sem er með hlutina
eða einhverra sem hafa séð þá, að
hafa samband við lögreglu svo að
þeir komist nú til skila,“ segir Ólaf-
ur að lokum.
Tilfelli sem þessi koma einnig
illa við stétt leigubílstjóra, að sögn
Ástgeirs Þorsteinssonar, formanns
bifreiðastjórafélagsins Frama –
félags leigubifreiðastjóra.
„Það kemur sér mjög illa fyrir
stéttina ef menn eru að gera svona
lagað. Á meðan maðurinn finnst
ekki bitnar þetta á heildinni.“
thorgils@frettabladid.is
Tapaði verðmætum
í óþekktum leigubíl
Ólafur Sigurðsson gleymdi kassa með ýmsum verðmætum í leigubíl fyrir
skemmstu. Þrátt fyrir mikla eftirgrennslan hefur leigubíllinn ekki fundist og
málið kært til lögreglu. Formaður leigubílstjóra segir slík tilfelli skaða stéttina.
MIKIÐ TAP Ólafur Sigurðsson og kona hans gleymdu myndavél, plötuspilara og
plötum í leigubíl fyrir nokkru. Þau hafa ekki haft uppi á mununum en óska eftir
ábendingum frá þeim sem gætu haft upplýsingar um málið. FRÉTTABLAÐIÐ/VALLI
PLÖTUSPILARA SAKNAÐ Plötuspilari af
þessari tegund og lit er meðal þess sem
Ólafur saknar eftir bílferðina afdrifaríku.
STJÓRNMÁL Hanna Birna Krist-
jánsdóttir útilokar ekki að fara
gegn Bjarna Benediktssyni í
formannskjöri
á Landsfundi
Sjálfstæðis-
flokksins. Hún
segist þó ekki
hafa tekið
neina ákvörð-
un enn. Mikill
þrýstingur er
innan flokksins
á mótframboð.
Boðað
hefur verið til Landsfundar
Sjálfstæðis flokksins dagana 17.-
20. nóvember þar sem Bjarni
Benediktsson, núverandi for-
maður flokksins, freistar þess að
ná endurkjöri.
Í samtali við fréttastofu Stöðv-
ar 2 sagðist Hanna Birna ekki
útiloka að hún myndi gefa kost
á sér til frekari trúnaðarstarfa
fyrir Sjálfstæðisflokkinn í fram-
tíðinni. Að svo komnu máli hefði
hún hins vegar ekki tekið neinar
ákvarðanir þar um. - bl
Hugsanlegur formannsslagur:
Hanna Birna
íhugar framboð
HANNA BIRNA
KRISTJÁNSDÓTTIR
UMHVERFISMÁL „Okkur finnst kominn tími til
að fara að gera eitthvað því það liggur við að
hér flæði skolp beint út í árnar,“ segir Jón
Jóhannsson í Mosskógum í Mosfellsdal. Jón
og tveir nágrannar hans hafa keypt hver sína
skolphreinsistöðina til að leysa af gagnslitlar
rotþrær.
Jón tók í gær við sinni hreinsistöð sem sett
er saman á Egilsstöðum úr elementi frá Dan-
mörku og tanki frá Tékkalandi. Stöðin gengur
fyrir rafmagni og skilur óhreinindi úr frá-
rennslisvatninu.
„Það eru vandamál á öðrum hvorum bæ
með frárennsli hér í Mosfellsdal vegna þess
að dalurinn er svo sléttur og vatnsstaðan
há. Hér eru gamlar rotþrær sem menn hafa
kannski ekki verið góðir í að setja rétt upp,“
segir Jón. Hann rekur grænmetismarkað og
tjaldstæði í Mosskógum og kveðst þurfa að
borga um 800 þúsund krónur sjálfur fyrir
hreinsistöðina.
„Þetta er það eina sem dugir og mér finnst
að annað hvort ríkið eða bæjarfélagið eigi að
koma að málinu og setja þetta upp alls staðar
í dalnum. Annars verður frárennslið alltaf
til vandræða. Árnar eru kannski fljótar að
skola sig en menn fara að minnsta kosti ekki
að grilla og senda börnin sín með veiði stangir
niður að á þegar þau eru komin heim. Það
væri nú ansi gaman ef það væri hægt – eins
og var í gamla daga,“ segir Jón í Mosskógum.
- gar
Þrír íbúar í Mosfellsdal gefast upp á mengun frá ónýtum rotþróm og boða nútímalegri lausnir:
Setja upp hver sína hreinsistöð fyrir skolp
EFNAHAGSMÁL Már Guðmundsson seðlabankastjóri
segir brýnt að losa gjaldeyrishöftin sem fyrst, þar
sem kostnaður við þau vaxi með tímanum. Ábatann af
hröðu afnámi verði hins vegar að meta á móti skamm-
tímakostnaði vegna óstöðugleika á gjaldeyrismarkaði
sem losunin geti valdið. Þetta kom fram í erindi sem
Már hélt á fundi félags löggiltra endurskoðenda í gær.
Már sagði höftin hafa verið sett á til að stöðva
frjálst fall krónunnar í framhaldi bankahrunsins. Þá
hafi þau veitt skjól fyrir endurskipulagningu efna-
hagsreikninga og mildað samdrátt í hagkerfinu. Þá
hefðu vextir þurft að vera miklu hærri án hafta.
Þá sagði Már að segja mætti að ábati haftanna fæl-
ist í auknum stöðugleika og meira svigrúmi til að láta
hagstjórn taka mið af innlendum aðstæðum. Þá bætti
hann við að ábatinn væri mestur til að byrja með. Á
móti komi aukinn viðskiptakostnaður og glötuð við-
skiptatækifæri sem aukist með tímanum.
Már fjallaði síðan um áætlun stjórnvalda og Seðla-
bankans um afnám hafta og sagði hana leið til að losa
höftin án þess að taka of mikla áhættu með gengis-
stöðugleika. Hún tryggi um leið lánsfjármögnun
ríkissjóðs og lausafjárstöðu bankanna og stuðli að
aukinni fjárfestingu. Loks benti Már á að áætlunin er
skilyrt en ekki tímasett og sagði ekki vera forsendur
fyrir tímasettri áætlun. Uppfylla þurfi ákveðin skil-
yrði svo sem er varða þjóðhagslegan stöðugleika,
fjármálastöðugleika og nægilegan gjaldeyrisforða,
áður en hægt sé að klára verkið. - mþl
Seðlabankastjóri segir kostnaðinn við gjaldeyrishöft vaxa með tíma:
Brýnt að losa höftin sem fyrst
MÁR GUÐMUNDSSON Seðlabankastjóri fjallaði um áætlun
stjórnvalda og Seðlabankans um afnám hafta.
JÓN JÓHANNSSON OG ÞRÖSTUR SIGURÐSSON Tveir
íbúanna í Mosfellsdal sem í gær fengu nýjar hreinsi-
stöðvar fyrir frárennsli frá húsum sínum.
FRÉTTABLAÐIÐ/VILHELM
NÁTTÚRA Vísindamannaráð
almannavarna komast að þeirri
niðustöðu í gær, á fundi um
atburði liðinna vikna undir Mýr-
dalsjökli, að ekki væru komin
fram ótvíræð merki um eldgos í
Kötlu.
Í frétt á vef almannavarna segir
þó að virknin undir jöklinum gæti
verið „langtímaforboði eldgoss“.
Aukin jarðskjálftavirkni og
jarðhitavirkni hefur verið í öskju
Kötlu síðan í sumar.
Þó ekki sé víst að eldgoss sé
vænta segja almannavarnir að
þessi aukna virkni kalli þó á
aukna árvekni.
Órói undir Mýrdalsjökli:
Engin ótvíræð
merki um gos
BANDARÍKIN, AP Maður á fertugs-
aldri var staðinn að bífræfinni
ránstilraun í matvörubúð í litlum
bæ í Alabama-ríki um síðustu
helgi. Maðurinn, Nathan Hardy, er
utanbæjarmaður að sögn lögreglu,
en meðal þess sem hann stakk
ofan í buxurnar sínar voru tveir
pokar af risarækjum, svínalund og
tveir lifandi humrar.
Hardy hljóp á brott þegar hann
var staðinn að þjófnaðinum, en féll
við á flóttanum og var yfirbugaður
af starfsfólki. Hann var síðan
fluttur í fangageymslu. - þj
Lítt skynsamur búðarþjófur:
Stakk tveimur
lifandi humrum
í buxurnar
SPURNING DAGSINS