Fréttablaðið - 08.09.2011, Blaðsíða 48

8. september 2011 FIMMTUDAGUR36
tonlist@frettabladid.is
Einkatímar
40 mín. tímar 1x í viku |12 vikur
Fyrir byrjendur jafnt sem lengra
komna á öllum aldri.
Skráning er hafin
Skráning í síma 581 1281
gitarskoli@gitarskoli.is
www.gitarskoli.is
TÓNNINN GEFINN
Trausti Júlíusson
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 1. - 7. september 2011
LAGALISTINN
Vikuna 1. - 7. september 2011
Sæti Flytjandi Lag
1 Of Monsters and Men ....................................Little Talks
2 Coldplay ..........................Every Teardrop Is a Waterfall
3 Mugison ............................................................Stingum af
4 Adele ..................................................Set Fire to the Rain
5 Páll Óskar ..................................................... La Dolce Vita
6 Jón Jónsson .................................................Wanna Get It
7 Adam Levine / Christina Aguilera ..... Moves Like Jagger
8 Bubbi Morthens............................................ Háskaleikur
9 Red Hot Chili Peppers ....Adventures of Rain Dance
10 Foster the People ............................. Pumped Up Kicks
Sæti Flytjandi Plata
1 HAM ............................................ Svik, harmur og dauði
2 Helgi Björns & reiðm. vind. ......Ég vil fara uppí sveit
3 Mezzoforte ............................................................Volcano
4 Gus Gus ......................................................Arabian Horse
5 Bubbi .............................................................Ég trúi á þig
6 Steindinn okkar.......................... Án djóks ... samt djók
7 Jón Jónsson ..................................................Wait for Fate
8 Valdimar ............................................................Undraland
9 Björgvin & Hjartagosarnir ...........................Leiðin heim
10 Björk .....................................................................Gling gló
> PLATA VIKUNNAR
Ham - Svik, harmur og dauði
★★★★
„Svik, harmur og dauði er stórkostleg
plata. Hún er ekki frumleg, en unun
er að hlusta á flutning Sigurjóns Kjart-
anssonar og Óttars Proppé á hárfínni
línu þess fyndna og harmræna.“ - afb
> Í SPILARANUM
St. Vincent - Strange Mercy
Sóley - We Sink
Clap Your Hands Say Yeah - Hysterical
Edgar Smári - Blær
Wilco - The Whole Love
ST. VINCENT WILCO
Ein af bestu plötum ársins 2009 að margra mati var Imidiwan – Comp-
anions með malísku eyðimerkursveitinni Tinariwen. Tónlistin á henni
var ómótstæðileg blanda af vestur-afrísku grúvi, blús og vestrænni
rokktónlist. Tinariwen er mjög stórt nafn í heimstónlistinni, en sveit-
inni hefur líka tekist að heilla rokk- og poppunnendur. Hún gerði til
dæmis mikla lukku á Glastonbury-hátíðinni árið 2009.
Fimmta plata Tinariwen, Tassili, kom út í síðustu viku. Á henni
kveður við nýjan tón hjá hljómsveitinni. Hún hefur lagt rafmagns-
gítarana á hilluna, en þeir voru ráðandi á síðustu plötum. Á þeirri nýju
eru kassagítarar og
hefðbundin ásláttar-
hljóðfæri ráðandi.
Fyrir bragðið er
stemningin á henni
afslappaðri. Þetta
er tónlist sem gæti
passað vel við varð-
eldinn að kvöldi til í
eyðimörkinni.
Tónlist Tinari-
wen hefur alltaf
verið sambland af
afrískum og vest-
rænum áhrifum.
Sveitin leggur rækt
við tónlistarhefð Kidal-héraðsins í Malí, en er líka opin fyrir nýjum
straumum. Í þeim anda fengu þeir nokkra gesti til að spila á Tassili.
Nels Cline, gítarleikari Wilco, er gestur í upphafslagi plötunnar, Imi-
diwan Ma Tennam; Tunde Adebimpe og Kyp Malone úr TV on the
Radio syngja og spila í laginu Tenere Taqqim Tossam og New Orleans-
lúðrasveitin The Dirty Dozen Brass Band setur sterkan svip á lagið Ya
Messinagh.
Tassili ætti ekki að valda aðdáendum Tinariwen vonbrigðum. Hún
hefur mörg þeirra einkenna sem gerðu fyrri plöturnar svona góðar, en
sýnir líka að hljómsveitin er tilbúin að breyta til og prófa nýja hluti.
Öðruvísi plata frá Tinariwen
GÓÐIR GESTIR Eyðimerkursveitin fær hjálp frá meðlimum
Wilco og TV on the Radio á nýju plötunni Tassili.
Þriðja sólóplata ensku tón-
listarkonunnar Lauru Mar-
ling, A Creature I Don´t
Know, kemur út eftir helgi.
Breska pressan kallar tón-
listina nu-folk.
Þrátt fyrir að vera aðeins 21 árs
gefur enska söngkonan og laga-
höfundurinn Laura Marling út
sína þriðju sólóplötu, A Creature
I Don’t Know, eftir helgi. Tónlist
Marling á sér rætur í breskri og
amerískri þjóðlagatónlist og hefur
hún verið nefnd í sömu andrá og
Crosby, Stills and Nash, Joni
Mitchell, Neil Young og Leonard
Cohen.
Marling fæddist í Hampshire á
Englandi 1990 og lærði snemma
á gítar. Pabbi hennar, sem rekur
hljóðver, kynnti hana fyrir þjóð-
lagatónlist og kenndi henni á
gítar. Sextán ára flutti Marling til
London og kynntist hljómsveitum
á borð við Noah and the Whale og
Mumford & Sons, sem báðar spila
melódískt þjóðlagapopp. Breska
pressan var ekki lengi að setja
stimpil á þessa nýju hreyfingu og
kallaði hana „nu-folk“, heiti sem
Marling er ekki hrifin af.
Fyrsta plata hennar, Alas, I
Cannot Swim, kom út þegar Mar-
ling var aðeins átján ára og fékk
hún tilnefningu til hinna virtu
Mercury-verðlauna. Næsta plata,
I Speak Because I Can, kom út í
fyrra. Upptökustjóri var Ethan
Johns sem hefur unnið með
Kings of Leon, Ryan Adams og
Ray Lamontagne. Hljómurinn var
þroskaðri en á frumburðinum og
textarnir voru vandaðri og fjöll-
uðu um ábyrgðina sem fylgir því
að vera kona. Platan náði fjórða
sæti á breska breiðskífulistanum
og aftur var Marling tilnefnd til
Mercury-verðlaunanna. Fyrr á
þessu ári vann hún svo Brit-verð-
launin sem besti kvenkyns sóló-
listamaðurinn þrátt fyrir að tón-
list hennar væri staðsett langt frá
meginstraums vinsældapoppinu.
Á nýju plötunni syngur Marling
um ást, reiði, fjölskyldu, engla og
djöfla og hlutverk kvenna. Lagið
Sophia fjallar um samnefnda
forna vísdómsgyðju og Salinas
fjallar um móðurhlutverkið. Mar-
ling fékk innblásturinn að því lagi
eftir að hafa lesið um rithöfundinn
John Steinbeck.
Gagnrýnendur eru hrifnir af
plötunni, segja útsetningarnar
viðameiri en áður og margir
telja hana þá bestu til þessa, þar
á meðal breska tímaritið Q sem
gefur henni fjórar stjörnur af
fimm mögulegum. Marling fylgir
plötunni eftir með tónleikaferð
um Norður-Ameríku og Bretland
á næstunni, þar sem kassagítarinn
verður að sjálfsögðu með í för.
freyr@frettabladid.is
Syngur um ást og reiði
ÞRIÐJA PLATA Laura Marling hefur gefið út sína þriðju sólóplötu, A Creature I Don´t
Know. NORDICPHOTOS/GETTY
Enska tónlistarkonan PJ
Harvey hlaut sín önnur
Mercury-verðlaun fyrir
plötuna Let England Shake
við hátíðlega athöfn í Lond-
on. Þar með varð hún fyrsti
listamaðurinn til að vinna
þessi virtu verðlaunin í tví-
gang.
Fyrir tíu árum, eða 11.
september 2001 þegar
hryðjuverkaárásirnar á
Bandaríkin áttu sér stað,
varð PJ Harvey fyrsta konan
til að hljóta verðlaunin fyrir
plötuna Stories From the
City, Stories From the Sea.
Þá flutti hún hjartnæma
þakkarræðu í gegnum síma
frá Washington-borg. „Þessi
atburður fyrir tíu árum
virkar mjög óraunverulegur
núna. Ég man bara eftir því
að hafa verið í hótelherberg-
inu, horft á sjónvarpið og séð
Pentagon brenna,“ sagði hin
41 árs Harvey.
Hún bætti við að nýja
platan, sú áttunda í röðinni,
hefði orðið allt öðruvísi ef
atburðirnir 11. september
hefðu ekki gerst. Þar syngur
hún um England og þátttöku
landsins í stríði, þar á meðal
seinni heimsstyrjöldinni, í
Írak og Afganistan.
PJ Harvey vann aftur
SIGURVEGARI PJ Harvey með sín
önnur Mercury-verðlaun á ferlinum.
NORDICPHOTOS/GETTY