Fréttablaðið - 08.09.2011, Blaðsíða 56
8. september 2011 FIMMTUDAGUR44
sport@frettabladid.is
SARA BJÖRK GUNNARSDÓTTIR skoraði annað marka Malmö í 2-1 sigri á Djurgården í sænsku
úrvalsdeildinni í gær. Með sigrinum jók Malmö forystu sína á toppi deildarinnar í sex stig, en þetta var
tíunda mark hennar á tímabilinu. Sara Björk er fjórði markahæsti leikmaður deildarinnar.
Starf landsliðsþjálfara
Íslands er áhugavert
og ef KSÍ hefur áhuga og vill
ræða við mig þá er ég til í
viðræður.
LARS LAGERBÄCK
FYRRVERANDI LANDSLIÐSÞJÁLFARI SVÍA
FÓTBOLTI Það er um fátt annað talað
í knattspyrnuheiminum þessa
dagana en hver taki við íslenska
landsliðinu af Ólafi Jóhannessyni.
Ólafur á aðeins eftir að stýra
landsliðinu í einum leik. Það er
gegn Portúgal ytra í upphafi næsta
mánaðar.
Mikið hefur verið rætt og ritað
um Roy Keane en á meðal áhuga-
verðra nafna sem hafa verið orðuð
við liðið er Svíinn reyndi Lars
Lager bäck. Svíinn gerði frábæra
hluti með sænska landsliðið á þeim
níu árum sem hann stýrði liðinu og
kom liðinu á fimm stórmót í röð.
Hann stýrði liðinu ásamt Tommy
Söderberg frá 2000 til 2004. Lager-
bäck hætti síðan með liðið árið
2009 er honum mistókst að koma
því á HM árið 2010.
Lagerbäck fór reyndar á HM
2010 eftir allt saman, en hann var
ráðinn landsliðsþjálfari Nígeríu
fyrir mótið. Sú för var reyndar
engin frægðarför.
„Ég heyrði af því að ég væri
orðaður við starfið í gær [þriðju-
dag] en þá fór síminn að hringja
víða að og menn að spyrja mig út í
málið,“ sagði Lagerbäck er Frétta-
blaðið sló á þráðinn til hans í gær
og spurði hann út í sögusagnirnar
varðandi íslenska landsliðið.
„Ég hef ekki rætt við formann
KSÍ né nokkurn hjá KSÍ,“ sagði
Lagerbäck spurður hvort ein-
hverjar viðræður hefðu þegar átt
sér stað.
Hinn 63 ára gamli Svíi segist
þó vera opinn fyrir viðræðum við
Geir Þorsteinsson, formann KSÍ,
um starfið.
„Ég fæ reglulega fyrirspurnir
um hvort ég hafi áhuga á hinum og
þessum störfum. Ég hef alltaf sagt
að ef eitthvað áhugavert komi upp
þá sé ég tilbúinn að skoða málið.
Starf landsliðsþjálfara Íslands er
áhugavert og ef KSÍ hefur áhuga
og vill ræða við mig þá er ég til í
viðræður.“
Lagerbäck er ágætlega kunnug-
ur íslenskum fótbolta enda stýrði
hann Svíum gegn Íslandi margoft
á sínum tíma og hefur síðan haldið
fyrirlestra hér á landi á þjálfara-
námskeiðum sem KSÍ hefur haldið.
„Ég hef nokkrum sinnum komið
til Íslands og þekki fólk þar. Mér
finnst Knattspyrnusamband
Íslands hafa staðið sig frábærlega
og þess vegna mun ég að sjálf-
sögðu spjalla við fulltrúa þess ef
þeir leita til mín,“ sagði Lagerbäck
en hefur hann eitthvað fylgst með
íslenska landsliðinu undanfarin ár?
„Ég hef séð það sem sýnt er frá
íslenska landsliðinu í sjónvarpinu.
Maður fylgist alltaf sérstaklega
vel með Norðurlandaþjóðunum
en ég hef ekki kafað djúpt í leik
íslenska landsliðsins né gert grein-
ingu á leik liðsins,“ sagði Lager-
bäck, sem veit þó af því að upp eru
að koma afar efnilegir strákar.
Lagerbäck hefur ekki þjálfað
neitt lið síðan hann lét af þjálfun
nígeríska landsliðsins eftir HM
2010. Þjálfarinn hefur þó ekki
setið auðum höndum.
„Ég hef verið að vinna með
sænska knattspyrnusambandinu í
fræðslumálunum. Hef einnig tekið
þátt í verkefnum með nokkrum
liðum. Ég kvarta því ekki. Það eru
forréttindi að fá að starfa í kring-
um fótboltann.“
henry@frettabladid.is
Lagerbäck er til í viðræður við KSÍ
Sænski þjálfarinn Lars Lagerbäck segir í samtali við Fréttablaðið að hann sé til í að ræða við Knattspyrnu-
samband Íslands um að taka að sér íslenska knattspyrnulandsliðið. Lagerbäck er reyndur þjálfari sem
þjálfaði sænska landsliðið lengi. Hann kom Svíum á fimm stórmót í röð sem aðalþjálfari.
BÍÐUR VIÐ SÍMANN Lars Lagerbäck er spenntur fyrir því að þjálfa íslenska landsliðið og bíður eftir því að heyra frá forráða-
mönnum KSÍ. Hann er hér að þjálfa Nígeríu á síðasta HM. NORDICPHOTOS/GETTY IMAGES
Lars Lagerbäck
Landsliðsþjálfaraferill Svíans Lars
Edvins Lagerbäck:
1990-95: U-21 árs lið Svía
1996-97: B-landslið Svía
1998-1999: Aðstoðarlandsliðsþjálfari Svía
2000-2009: Landsliðsþjálfari Svía
2010: Landsliðsþjálfari Nígeríu
Árangur Lagerbäck með Svía:
Með Söderberg 2000-04: 59 leikir, 26
sigrar, 23 jafntefli, 10 töp.
Einn sem aðalþjálfari 2004-09: 72
leikir, 31 sigrar, 17 jafntefli, 24 töp.
Heildarframmistaða: 131 leikur, 57
sigrar, 40 jafntefli, 34 töp.
Tapaði ekki landsleik í 75% tilfella.
FÓTBOLTI „Lars hefur komið nokkr-
um sinnum til okkar. Hann situr
í nefnd UEFA um þjálfaragráður
og hefur komið hingað til að veita
okkur gæðastimpil. Hann hefur
líka haldið fyrirlestra hér og verið
með þjálfaramenntun. Það
hefur ávallt verið gerður
góður rómur að hans mál-
flutningi enda fær maður
og virtur í þjálfaraheimin-
um,“ segir Sigurður Ragn-
ar Eyjólfsson, fræðslu-
stjóri KSÍ og þjálfari
kvennalandsliðsins,
um Svíann Lars
Lagerbäck sem
er orðaður við
þjálfara stöðuna
hjá A-landsliðinu.
Sigurður hefur
kynnst Lagerbäck
ágætlega og þekkir vel
til hans sem þjálfara.
„Lars er duglegur
að taka þátt í þjálfara-
menntun víða í Evr-
ópu. Hann hefur mik-
inn áhuga á að viðhalda
þekkingu. Þó svo hann
sé orðinn 63 ára er hann
nútímalegur þjálfari.
Hann hefur kynnt hug-
myndafræðina á bak við
sænska landsliðið á sínum
tíma en slíkir hlutir eru
oft mikið leyndarmál. Það
er ekki hjá honum enda opinn og
til í að deila þekkingu með öðrum.“
Fræðslustjórinn ber Lagerbäck
góða söguna og segir að þjálfarinn
hafi lengi haft augastað á því að
þjálfa á Íslandi.
„Í þau skipti sem hann hefur
komið hingað höfum við stund-
um gantast með það hvort hann
gæti hugsað sér að þjálfa hér
og hann hefur alltaf tekið vel í
það,“ segir Sigurður, sem er
ekki í vafa um að Lager-
bäck yrði góður kostur
fyrir íslenskan fótbolta.
„Hann er mjög álit-
legur kostur enda með
mikla reynslu. Hann
er líka sterkur kar-
akter sem hefur til
að mynda tekið fast
á öllum agabrotum.
Ég held að hann væri
góður í að byggja
upp nýja liðsmenn-
ingu hjá A-liðinu og
móta hugmyndafræði
í kringum liðið. Þar
er hann sterkur. Það yrði
hvalreki að fá slíkan mann
hingað,“ segir Sigurður
Ragnar. - hbg
Sigurður Ragnar Eyjólfsson um Lars Lagerbäck:
Væri góður í að byggja
upp nýja liðsmenningu
SIGURÐUR RAGNAR Segir
Lagerbäck vera afar góðan
kost fyrir íslenska landsliðið.
FRÉTTABLAÐIÐ/STEFÁN
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Má bjóða ykkur meiri Vísi?
ÍÞRÓTTIR Á ÞÍNUM
HEIMAVELLI
Meiri Vísir.
FÓTBOLTI Allt ætlaði um koll að
keyra á mánudaginn þegar það
fréttist að Eggert Magnússon,
fyrrverandi formaður KSÍ, væri
á leið til landsins ásamt Roy
Keane sem væri hugsanlega að
taka við íslenska landsliðinu.
Eggert kom vissulega til landsins
en Keane varð eftir heima.
Keane var sterklega orðaður
við landsliðsþjálfarastöðuna,
bæði í fjölmiðlum hér á landi,
Englandi og Írlandi. Heimildir
Fréttablaðsins herma nú að þetta
mál sé í biðstöðu en að Keane sé
bara einn af mörgum kostum í
stöðunni. Ráðningarferlið hafi
ekki verið komið jafn langt og
enskir fjölmiðlar héldu fram,
en þar var Keane sagður afar
nálægt því að fá stöðuna.
KSÍ ætlar að gefa sér þennan
mánuð í ráðninguna og vonast til
að búið verði að finna eftirmann
Ólafs Jóhannessonar fyrir leik
Íslands í Portúgal í byrjun októ-
ber. - esá
Landsliðsþjálfaramálin:
Roy Keane bara
einn af mörgum
ROY KEANE Vinsæll kostur hjá mörgum
Íslendingum. NORDICPHOTOS/GETTY
FÓTBOLTI Ólafur Jóhannesson,
þjálfari A-landsliðs karla, sagði í
kvöldfréttum Rúv í gær að Veigar
Páll Gunnarsson hefði verið settur
úr landsliðshópnum um helgina
vegna agabrots. Veigar hefði ekki
virt áfengisbann sem Ólafs setti
leikmönnum á laugardagskvöldið.
„Ég leyfði mönnum að fara heim
og heimsækja vini og vandamenn.
Reglurnar voru að þeir áttu að
skila sér aftur upp á hótel klukkan
tólf og var öll áfengisneysla bönn-
uð. Hann kom upp á hótel klukkan
tólf,“ sagði Ólafur í gær.
Áður hafði Ólafur borið við
ágreiningi á milli hans og Veigars
án þess að útskýra nánar í hverju
hann væri fólginn. Á blaðamanna-
fundi eftir leik Íslands og Kýpur
í fyrrakvöld var Ólafur aftur
spurður um málið og neitaði hann
einnig að tjá sig þá.
Ísland mætir Portúgal í næsta
mánuði og verður það síðasti leik-
ur landsliðsins undir stjórn Ólafs
Jóhannessonar. Líklegt er að Veig-
ar Páll verði ekki í landsliðshópi
Íslands þá.
Ekki hefur náðst í Veigar Pál
Gunnarsson þrátt fyrir ítrekaðar
tilraunir. - esá
Þjálfarinn rýfur þögnina:
Veigar virti ekki
áfengisbann
VEIGAR PÁLL Braut agareglur íslenska
landsliðsins um helgina og var settur út
úr landsliðshópnum. FRÉTTABLAÐIÐ/ANTON