Fréttablaðið - 14.09.2011, Blaðsíða 8

14. september 2011 MIÐVIKUDAGUR8
1. Hvaða deild í Háskóla Íslands
ætlar að taka upp inntökupróf?
2. Hvaðan af Suðurlandi gekk kind
sem fannst í Stafnsrétt í Austur-
Húnavatnsssýslu?
3. Hvaða alþingismaður snýr nú
aftur eftir eins og hálfs árs sjálf-
skipað frí frá þinginu?
SVÖR
1. Hagfræðideild. 2. Fljótshlíð í Rangár-
vallasýslu. 3. Illugi Gunnarsson, fyrrverandi
stjórnarmaður í sjóði 9 hjá Glitni.
PALESTÍNA Á miðvikudaginn í næstu
viku, þegar Allsherjarþing Sam-
einuðu þjóðanna verður sett í New
York, ætla Palestínumenn að fara
fram á viðurkenningu á stofnun
sjálfstæðs ríkis Palestínumanna.
Mahmoud Abbas, forseti Pal-
estínustjórnar, gengur þá vænt-
anlega á fund Ban Ki-moon,
framkvæmdastjóra Sameinuðu
þjóðanna, og leggur fram formlega
beiðni um viðurkenningu.
Ísraelskum stjórnvöldum líst
ekki alls kostar á þessi áform, sem
fela í sér ósk um viðurkenningu á
landamærum Palestínu og Ísraels
eins og þau voru árið 1967, áður en
Ísraelar hertóku Vesturbakkann
og Gasasvæðið.
Litlar líkur eru reyndar á því að
Palestínumenn hljóti viðurkenn-
ingu Sameinuðu þjóðanna sem
fullgilt aðildarríki, því til þess
þarf samþykki allsherjarráðs
Sameinuðu þjóðanna og þar hafa
Bandaríkjamenn sagst ætla að
beita neitunarvaldi.
Palestínumenn eiga hins vegar
möguleika á að Allsherjarþing-
ið samþykki að veita Palestínu
áheyrnaraðild, sem í sjálfu sér
væri aðeins táknræn staða en
gæti þó haft óútreiknanleg áhrif á
þróun mála í Mið-Austurlöndum.
Arabíska vorið svonefnda, sem
hófst fyrir níu mánuðum með upp-
reisn almennings gegn stjórnvöld-
um í hverju arabaríkinu á fætur
öðru, hefur bæði aukið þrýsting á
ísraelsk stjórnvöld og skapað vax-
andi óvissu um framtíðarmögu-
leika Ísraelsríkis í miðjum araba-
heiminum.
Tyrknesk stjórnvöld, sem
undan farin ár höfðu gert sér far
um að bæta sambandið við Ísrael,
hafa nú allra síðustu vikurnar
gagnrýnt ísraelsk stjórnvöld
harðlega, ekki síst fyrir að neita
að biðjast afsökunar á árásinni
á skipalestina sem siglt var frá
Tyrklandi til Gasa á síðasta ári.
Tyrkir hafa rekið sendiherra
Ísraels úr landi og segjast ætla að
veita næstu skipalest, sem reyna
á að sigla til Gasa á næstunni,
herfylgd.
Recep Tayyip Erdogan, forsætis-
ráðherra Tyrklands, sakaði Ísra-
elsstjórn um að hegða sér eins og
spilltur krakki og einangra eigin
þjóð með stefnu sinni.
„Ísraelar losnar ekki úr einangr-
un sinni fyrr en þeir fara að haga
sér eins og skynsamlegt, ábyrgt,
alvarlegt og eðlilegt ríki,“ sagði
hann á leiðtogafundi Arababanda-
lagsins í Kaíró í gær.
gudsteinn@frettabladid.is
Palestínumenn búa
sig undir sjálfstæði
Í næstu viku ætla Palestínumenn að óska eftir viðurkenningu Sameinuðu
þjóðanna á sjálfstæði Palestínuríkis. Þótt Bandaríkin beiti neitunarvaldi í
allsherjarráðinu gæti táknræn áheyrnaraðild haft óútreiknanleg áhrif.
MEÐ TÁKNRÆNAN STIMPIL Erlendir ferðamenn í Ramallah sýna táknrænan stimpil með merki sjálfstæðs Palestínuríkis, sem þeir
fengu hjá palestínskum baráttumönnum. NORDICPHOTOS/AFP
NOREGUR Kristin Halvorsen, menntamálaráð-
herra Noregs, sagði af sér sem leiðtogi Sósíal-
íska vinstriflokksins á mánudagskvöld, þegar
ljóst var orðið að flokkurinn hafði beðið afhroð
í sveitarstjórnarkosningum í Noregi.
Flokkur hennar hefur verið minni flokkurinn
í ríkisstjórn með Verkamannaflokki Jens Stol-
tenberg forsætisráðherra.
Verkamannaflokkurinn kom hins vegar vel út
úr kosningunum, fékk nærri þriðjung atkvæða,
sem er nokkrum prósentum meira en í kosning-
unum 2007 og meira en nokkur annar flokkur
fékk nú.
Fylgisaukningin er hins vegar ekki mikil
þrátt fyrir þá samúðarbylgju sem flokks-
menn hafa notið eftir árásirnar 22. júlí í sumar
þegar hryðjuverkamaðurinn Anders Breivik
myrti tugi manna, flesta úr ungliðahreyfingu
flokksins.
Stærsta sigur kosninganna vann hins
vegar Hægriflokkurinn, sem hlaut 28 prósent
atkvæða og tekur þar með ótvíræða forystu í
stjórnarandstöðu.
Framfaraflokkurinn, sem hefur alið á ótta
við útlendinga og var orðinn næstöflugasti
stjórnarandstöðuflokkurinn, hrapaði hins vegar
í fylgi, hlaut ellefu prósent atkvæða á landsvísu
og aðeins sjö prósent í höfuðborginni Ósló.
Christian Tybring-Gjedde, leiðtogi flokksins
í Ósló, viðurkennir að málflutningur flokksins
hafi átt erfitt uppdráttar í kjölfar hryðjuverka
Breiviks. - gb
Útlendingaótti Framfaraflokksins náði ekki hljómgrunni kjósenda í Noregi eftir hryðjuverk Anders Breivik:
Fylgi norska Hægriflokksins jókst mest
KRISTIN HALVORSEN Leiðtogi Sósíalíska vinstri-
flokksins sagði af sér þegar úrslit kosninga voru ljós.
NORDICPHOTOS/AFP
FASTEIGNIR Líf hefur færst yfir
fasteignamarkaðinn. Ekki eru
vísbendingar um að aukna veltu
megi rekja til þess að fjárfestar
séu að kaupa íbúðir til að leigja
út. Þvert á móti hefur leiguíbúða-
markaðurinn verið að dragast
saman.
Fram kemur í Morgunkorni
Greiningar Íslandsbanka að á
sama tíma og þinglýstum kaup-
samningum um íbúðarhúsnæði á
höfuðborgarsvæðinu hafi fjölgað
um 76 prósent á fyrstu átta mán-
uðum ársins miðað við síðasta ár
hafi leigusamningum um íbúða-
húsnæði fækkað um 3,1 prósent.
Þetta segir deildin vísbendingu
um að sumir séu að færa sig úr
leiguhúsnæði yfir í eignarhúsnæði
um þessar mundir.
Ein af ástæðunum fyrir þessum
umskiptum sé sú að efnahagur
margra heimila sé betri og kaup-
máttur meiri. Þá sé fasteignaverð
á uppleið og íbúðakaup því álitleg-
ur fjárfestingarkostur.
Greining Íslandsbanka rifjar
upp að leigumarkaðurinn hafi tvö-
faldast á árunum 2008 og 2009. Þá
hafi fjárhagur heimilanna versn-
að, aðgangur að lánsfjármagni
orðið erfiðari og lækkandi hús-
næðisverð hafi gert fasteignakaup
óálitlegan fjárfestingarkost. - jab
Vísbendingar um að fólk sé að flytja úr leiguíbúðum og kaupi sér frekar fasteign:
Bóla á leigumarkaði að dala
HÖFUÐBORGARSVÆÐIÐ Þinglýstum
kaupsamningum um íbúðarhúsnæði í
og við Reykjavík hefur fjölgað mikið á
milli ára. FRÉTTABLAÐIÐ/VILHELM
VEISTU SVARIÐ?