Fréttablaðið - 14.09.2011, Blaðsíða 12
12 14. september 2011 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Í síðustu sveitarstjórnarkosningum urðu til í Reykjavík nýr straumur og ný stefna
í íslenskum stjórnmálum, sem
menn höfðu ekki áður séð. Það
varð þegar enginn gat sagt fyrir
um hvort frambjóðandi væri að
grínast – narrast – með fólk eða
tala við það í alvöru. Dæmi: „Ég
ætla að gera allt fyrir aumingja!“
Annað dæmi: „Ég ætla að setja
ísbjörn í HÚSDÝRA(!)garðinn.“
Þessum nýja straumi var fjarska-
vel tekið. Í kjölsogi hans komst
minn flokkur víst til áhrifa í
höfuðborginni – eða svo er sagt.
Í framkvæmdinni eftir kosning-
ar gætti einnig áhrifa þessa nýja
straums í stjórnmálalífi þjóðar-
innar. A.m.k. um sumt. „Lord
Mayor of Reykjavík“ skrýddist
lokkaprúðri hárkollu, háhæluð-
um skóm, dragkjól, skar skegg sitt, farðaði
kinnar sínar, augu, varir og neglur, lét setja
sig upp á vagn og bað, að sögn fjölmiðla,
borgarfulltrúa að ganga eftir vagninum í
gæsagangi. Narr – eða alvara? Hver veit?
Þegar nýjar stefnur og straumar ná
miklum áhrifum eru þær gjarna kenndar
við skapara sína. Sbr. Kalvínismi í trúar-
brögðum, Darwinismi í vísindum – nú eða
Marxismi í stjórnmálum. Þykir
fólki fremur felast heiður en
vansæmd að slíku. Að kenna
sköpunina við skapara sinn. Það
fer þá ekki á milli mála hvað um
er rætt. Allir vita hvað Marx-
ismi er, flestir hvað Darwinismi
er – og talsvert margir hvað
Kalvínismi er. Þarf ekki um það
fleiri orðum að fara.
Því þykir mér vel til fund-
ið að kenna hina nýju stefnu
og strauma, sem svo miklum
hljómgrunni hefur náð meðal
okkar Íslendinga, við skapara
sinn. Tala um (G)narrisma og að
verið sé að (G)narrast með fólk
þegar enginn getur vitað hvort
verið er að ræða málin í alvöru
eða gríni. Eða getur miðborgarstjórinn
fundið á því betri, sannari og meira lýsandi
nafngift?
Nú bið ég lesendur að misskilja mig ekki.
Ég er ekki að (G)narrast með þá. Þvert á
móti. Skrifa þetta í fullri alvöru. Nema
hvað!
HALLDÓR
Nú bið ég
lesendur að
misskilja mig
ekki. Ég er
ekki að
(G)narrast
með þá.
Þvert á móti.
(G)narrismi
Stjórnmál
Sighvatur
Björgvinsson
fyrrverandi
heilbrigðis-
ráðherra
Excalibur-höfuðið
Vigdís Hauksdóttir er þingmaður
Framsóknarflokksins. Hún vísaði til
gamalla sagna, væntanlega, í fréttum
Stöðvar 2 á mánudag þegar hún
sagði: „Ég er á engan hátt að stinga
höfðinu í steininn.“ Hér er Vigdís aug-
ljóslega að vísa til sagnarinnar um
Artúr konung. Sá átti að hafa
verið uppi á Englandi til forna
og um hann eru til fræknar
sagnir. Artúr varð konungur
þegar hann losaði hið helga
sverð Excalibur. Sverðið var
fast í steini og sá sem gat
losað það varð kon-
ungur og það gerði
Artúr með stæl.
Ný aðferð við formannsval
Enginn skyldi ætla að Vigdís hafi
verið að tala bókstaflega þegar hún
sór af sér höfuðbýli sitt í steininum.
Líklegra er að hún sé að vísa til
allegórísks steins, sérstaklega þar
sem hún fullyrti einnig að Evrópa
stæði í björtu báli, en svo er ekki.
Kannski verður næsti for-
maður Framsóknarflokks-
ins sá sem nær höfðinu
úr steininum. Hvort
það er höfuð Vig-
dísar eða Framsóknar-
maddömunnar er hins
vegar óvíst.
Björgvin aftur formaður?
Samfylkingin þarf að kjósa sér nýjan
þingflokksformann eftir að Þórunn
Sveinbjarnardóttir sagði af sér þing-
mennsku. Víst er að margir sækjast
eftir þeirri vegtyllu, en þrír eru helst
nefndir. Nafn Björgvins G. Sigurðs-
sonar ber þar hæst, en hann sagði
af sér ráðherradómi í ársbyrjun
2009. Hann gegndi þingflokksfor-
mennsku 2009 til 2010, en tók
sér leyfi á meðan þingið fjallaði
um rannsóknarskýrsluna. Aðrir
sem nefndir eru til sögunnar eru
Helgi Hjörvar og Kristján L. Möller.
kolbeinn@frettabladid.isÁ
kvörðun hagfræðideildar Háskóla Íslands um að taka
upp inntökupróf er skiljanleg og skynsamleg. Daði Már
Kristófersson, dósent við deildina, sagði í Fréttablaðinu
í gær að of mikið væri um að til náms kæmu nemendur
sem stæðust ekki þær kröfur sem gerðar væru. Hann
segir að algengt sé að þriðjungur til helmingur skráðra nemenda
sjáist aldrei í tímum og drjúgur hluti falli í lok fyrstu annar.
Daði segir hafa verið rætt um aðrar lausnir, eins og að setja
lágmarkseinkunn, en þá sé vandinn sá að stúdentspróf séu mis-
marktæk eftir því í hvaða skóla þau séu tekin. „Það er einfaldlega
ekki nægilega mikið að marka slíkt viðmið,“ segir hann.
Sennilega er þetta vandamál
ýktara nú en oft áður vegna
þess að ýmsir sem ekki ætluðu
sér í háskólanám eftir stúdents-
próf hafa engu að síður skráð
sig í háskóla sökum þess að litla
vinnu er að fá. En vandinn er
til og hefur lengi verið opinbert
leyndarmál; að fólk er einfald-
lega mjög misvel undirbúið fyrir akademískt nám eftir því hvaða
framhaldsskóla það hefur sótt.
Framhaldsskólarnir búa að sjálfsögðu við mismunandi aðstæður.
Þeir sem standa á gömlum merg geta fremur valið úr beztu nem-
endunum en þeir nýrri. Nemendur á svæðum þar sem menntun er
mikil og tekjur háar standa sömuleiðis betur að vígi en aðrir, ekki
sízt hvað varðar stuðning og hvatningu foreldra til náms.
Það breytir ekki því að hvíti kollurinn á að merkja að fólk sé fært
um að takast á hendur akademískt nám í háskóla. Í einhverjum
tilvikum er stúdentsprófið svikin vara, því að það felur ekki í sér
nægilegan undirbúning.
Inntökupróf í háskóla eru einföld og réttlát leið til að koma í
veg fyrir að nemendur sem ekki standast þær kröfur sem þar eru
gerðar taki upp pláss og sói peningum skattgreiðenda með áralöngu
gaufi. Þau leysa hins vegar alls ekki þann vanda að sums staðar sé
stúdentsprófið ekki marktækt.
Fyrsta skrefið í átt til lausnar á þeim vanda er að viðurkenna
hann, mæla umfang hans og ræða hann. Mörgum finnst hins vegar
að það megi ekki. Í fyrra gerði Háskóli Íslands könnun á meðal
stúdenta þar sem fólk var beðið að meta sjálft hversu vel undirbúið
það hefði komið í skólann. Að meðaltali sögðust um 70 prósent hafa
verið vel undir námið búin en hlutfallið fór niður í 30 prósent meðal
nemenda úr einstökum framhaldsskólum og upp undir 100 prósent
hjá stúdentum úr öðrum skólum. Þessa könnun átti hvergi að birta
fyrr en Fréttablaðið fékk niðurstöðurnar í hendur og sagði frá þeim.
Í framhaldinu var ákveðið að kanna árangur stúdenta í HÍ
og brottfall úr námi eftir því hvaða framhaldsskóla fólk sótti.
Niðurstöðurnar á að sjálfsögðu að gera opinberar, enda eru þær
marktækari en viðhorfskönnun á meðal nemenda.
Slíkur samanburður, faglega unninn, á að vera sjálfsagðar upp-
lýsingar fyrir nemendur og foreldra þegar tekin er ákvörðun um
hvar sótt er um skólavist og sömuleiðis fyrir stjórnendur fram-
haldsskólanna til að þeir átti sig á hvar þeir standa. Slök útkoma á
ekki að þurfa að vera neitt feimnismál, heldur þvert á móti hvatning
til að gera betur.
Full þörf er á að mæla og ræða misjafnan
árangur framhaldsskólanna.
Svikin vara?
Ólafur Þ.
Stephensen
olafur@frettabladid.is
SKOÐUN