Fréttablaðið - 14.09.2011, Blaðsíða 29

MIÐVIKUDAGUR 14. september 2011
Kínversk fræði við HÁSKÓLA ÍSLANDS
konfusius@hi.is | www.konfusius.hi.is
Allir velkomnir
Aðgangur ókeypis
Konfúsíusarstofnunin Norðurljós, Háskóli Íslands og KÍM kynna:
Sýnd í Odda 101, 15. sept. kl. 18
Meistari Ip (Ip Man, 2008)
Kínversku kvikmyndina
Hádegisfyrirlestur
Kristjáns L. Guðlaugssonar,
“Maóistar á Íslandi
í skugga kalda stríðsins.”
16. september, 13:20-14:20, Lögberg 102

Í fyrirlestri sínum mun Robert Aliber fjalla um óstöðugleika á mörkuðum
í Evrópu og Bandaríkjunum í sögulegu samhengi. Hann mun velta fyrir sér
þeirri spurningu að hversu miklu leyti sveiflur í gengi gjaldmiðla og sveiflur
hlutabréfaverðs og fasteignaverðs megi rekja til alþjóðlegra þátta, annars vegar,
og starfsemi innlendra fjárfestinga- og viðskiptabanka hins vegar.
Meðal áhugaverðra spurninga sem hann mun leitast við að svara er hvort
bankahrunið hér á landi hafi fremur átt rætur að rekja til ástands alþjóðlegra
fjármálamarkaðar eða eftirlitsleysis og áhættusækni innlendra aðila.
Ókeypis aðgangur og allir velkomnir.
Málstofa á vegum
Hagfræðideildar
Hverjar eru orsakir titrings á eigna-
og gjaldeyrismörkuðum?
Robert Z. Aliber er fyrrverandi prófessor
við Chicago háskóla
Aðalbyggingu Háskóla
Íslands, Hátíðasal.
Fimmtudaginn
15. september kl. 12-14
menning@frettabladid.is
Hafnarborg ★★★
Í bili
Samsýning í sýningarstjórn Ólafar
Gerðar Sigfúsdóttur
Sýningin stendur til 23. október.
Opið 12-17 alla daga nema
þriðjudaga og opið til 21 á
fimmtudögum
Á síðasta ári efndi Hafnarborg til
samkeppni um sýningarhugmyndir
– kemur þannig til móts við aukinn
fjölda sýningarstjóra hérlendis og
eflir um leið eigin starfsemi. Hug-
mynd Ólafar Gerðar Sigfúsdóttur,
Í bili, var valin. Ólöf er menntaður
mannfræðingur en hefur fikrað sig
inn á vettvang sýningarstjórnar á
mörkum mannfræði og lista. Í sýn-
ingarskrá segir Ólöf hugmynd sína
snúast um að „endurvekja samband
töfra og safnmuna“. Hún skrifar um
uppruna nútímasafna á sextándu
öld. Ferðalangar og landkönnuðir
endurreisnartímans sneru heim frá
fjarlægum löndum með furðugripi,
komu fyrir í skápum og síðar í svo-
nefndum „Wunderkammer“, her-
bergjum þar sem skoða mátti allt
milli himins og jarðar.
Lykilorðið hér er wunder, eða
undur, undrun. Markmiðið sýn-
ingarinnar er að einhverju leyti
að endurvekja þessa undrun fyrri
tíma, í dag þegar ekkert kemur
lengur á óvart. Við höfum séð allt.
Þetta var líka markmið súrrealista
á fyrri hluta 20. aldar: að koma á
óvart. Kippa fótunum undan vana-
fastri hugsun okkar, skapa tóma-
rúm þar sem eitthvað nýtt getur
átt sér stað.
Í Hafnarborg er líka svolítið
sem kemur á óvart, enginn kemst
hjá því að líta hissa í kringum sig
þegar upp er komið. Af hverju?
Það segi ég ekki hér, til að skemma
ekki upplifunina. Deila má þó um
þessa nálgun við viðfangsefn-
ið og hugsanlega er hún full bók-
stafleg. Ef til vill hefði mátt nýta
sýningarrýmið á annan hátt með
áhugaverðari niðurstöðu.
Listamenn sem sýna eru þau
Bryndís Snæbjörnsdóttir og Mark
Wilson, Daníel Björnsson, Gretar
Reynisson, Haraldur Jónsson,
Hildigunnur Birgisdóttir, Ingirafn
Steinarsson, Jeannette Castioni,
Magnús Árnason, Olga Bergmann
og Ólöf Nordal. Ingunn Fjóla Ing-
þórsdóttir og Þórdís Jóhannesdótt-
ir eru tvíeykið Hugsteypa og Erna
Ómarsdóttir, Guðni Gunnarsson og
Lievens Dousselaere mynda þríeyk-
ið Skyr Lee Bob. Mörg nöfnin hér
eru kunnugleg, allt flottir lista-
menn en stundum er eins og það sé
svolítið sama fólkið sem leitað er til
ár eftir ár til að koma með verk á
samsýningar.
Í heildina er sýningin forvitni-
leg, skrýtin og skemmtileg eins og
hugmyndafræðin að baki býður upp
á. Þó er hægt að nálgast viðfangs-
efnið á gagnrýnan hátt líka, vinna
með það og staðsetja það í samtím-
anum eins og fram kemur í mynd-
bandsverkum Jeannette Castioni,
en Jeannette varpar fram áleitnum
spurningum um hlutverk og ímynd
menningar og safngripa í huga
einstaklingsins. Ragna Sigurðardóttir
Niðurstaða: Skemmtileg og forvitni-
leg sýning leitast við að koma
áhorfandanum á óvart og tekst það
ágætlega. Einstaka verk ristir dýpra og
í heildina eru öll verk sýningarinnar
forvitnileg og ná að skapa saman
áhugaverða heild.
Listin að koma á óvart
UNDUR Markmið sýningarinnar er að endurvekja undrun fyrri tíma, á tímum þegar
fátt kemur lengur á óvart. FRÉTTABLAÐIÐ/VILHELM