Fréttablaðið - 14.09.2011, Blaðsíða 34

14. september 2011 MIÐVIKUDAGUR26
sport@frettabladid.is
saltdreifarar
Vesturhrauni 3 · 210 Garðabæ.
Sími 480-0000 · www.aflvelar.is
- sala
- varahlutir
- þjónusta
HAUKAR leita logandi ljósi að arftaka Magnúsar Gylfasonar þessa dagana en Magnús mun
eins og kunnugt er taka við ÍBV eftir tímabilið. Samkvæmt heimildum Fréttablaðsins hafa
Haukar mikinn áhuga á því að fá landsliðsþjálfarann Ólaf Jóhannesson til að taka við liðinu.
Ólafur er harður FH-ingur og það væri saga til næsta bæjar ef hann tæki við Haukum.
FÓTBOLTI FH-ingar urðu fyrstir til
að sigra KR í Pepsi-deild karla
í sumar þegar liðin mættust á
Kaplakrikavelli um helgina. FH
vann 2-1 sigur og skoraði Atli
Guðnason fyrra mark Hafn-
firðinga í leiknum en átti þess
fyrir utan stóran þátt í öflug-
um sóknarleik FH. Hann er leik-
maður 18. umferðarinnar að mati
Fréttablaðsins.
„Þetta var mjög góður sigur.
Kannski helst til tæpur miðað
við hvernig leikurinn þróaðist en
þetta voru þrjú góð stig sem koma
til með að hjálpa okkur mikið,“
segir Atli, en FH-ingar höfðu
mikla yfirburði í leiknum þar til
KR minnkaði muninn á 72. mínútu.
„Við vorum klaufar að vera ekki
búnir að skora fleiri mörk, sér-
staklega í byrjun seinni hálfleiks
þegar við sköpuðum okkur 3-4
mjög góð færi,“ segir Atli, en hann
segir leikskipulag FH hafa gengið
mjög vel fram að því.
„KR er með fljóta sóknarmenn
og við vörðumst aftar á vellinum
en við gerum venjulega. Við reynd-
um að lokka þá til okkar og fá þá
til að missa boltann á góðum stöð-
um. Það gaf okkur tækifæri til að
sækja hratt á þá og það tókst í um
70 mínútur. Þá komust þeir í sókn
og skoruðu mark sem sló okkur
aðeins út af laginu. En sem betur
fer erum við með góðan markvörð
sem varði vel í lokin,“ segir Atli.
FH er nú með 34 stig og er fimm
stigum á eftir toppliði ÍBV. KR
er með 38 stig en á leik til góða.
Atli segir ómögulegt að spá í
framhaldið.
„ÍBV og KR eiga eftir að mæt-
ast innbyrðis og þangað til er mjög
erfitt að meta stöðuna. Hvað okkur
sjálfa varðar er ljóst að við getum
ekki treyst á okkur sjálfa í titil-
baráttunni og því er lítið annað í
stöðunni en að ná í eins mörg stig
og við getum og sjá hvað það færir
okkur. Það sem mestu máli skipt-
ir fyrir félagið í dag er að tryggja
liðinu sæti í Evrópukeppninni og
við tókum stórt skref í þá átt með
þessum sigri,“ segir Atli, en FH er
nú með fimm stiga forystu á næsta
lið, Val, sem er í fjórða sætinu.
Atli neitar því ekki að það hafi
verið skemmtilegt að verða fyrsta
liðið til að vinna KR í deild eða
bikar í sumar en það sé þó ekki
það sem mestu máli skipti.
„FH hefur ekki tapað í Kapla-
krika á tímabilinu, hvort sem er í
deild, bikar eða Evrópukeppninni.
Við viljum halda því þannig.
Kaplakrikinn á að vera vígi og
þangað á ekkert lið að geta komið
og náð í þrjú stig,“ segir Atli, en
FH hefur náð í 23 stig af 27 mögu-
legum á heimavelli í sumar – flest
allra liða í deildinni.
Það er því fyrst og fremst
heldur dapurt gengi á útivelli sem
hefur gert það að verkum að FH
stóð lengi vel heldur langt fyrir
utan toppbaráttuna. Atli segir að
meiðsli og leikbönn hafi sett strik
í reikninginn.
„Árið 2009 keyrðum við liðið
áfram á 12-13 leikmönnum allan
fyrri hluta mótsins og þá unnum
við tíu leiki í röð. Í ár hefur þetta
verið eins og í fyrra – minni
stöðugleiki og liðið hefur verið
lengi í gang. Í fyrra komum við
bakdyramegin inn í toppbarátt-
una en við skulum sjá til hvernig
lokaspretturinn verður hjá okkur
í ár,“ segir Atli. eirikur@frettabladid.is
Kaplakrikinn á að vera vígi
Atli Guðnason er leikmaður 18. umferðar Pepsi-deildar karla að mati Frétta-
blaðsins. Hann fór mikinn í sóknarleik FH, sem varð fyrst liða hér heima til að
vinna KR í sumar. Atli segir þó mikilvægara að FH sé enn taplaust á heimavelli.
ATLI GUÐNASON Átti góðan leik gegn KR og er leikmaður umferðarinnar hjá Frétta-
blaðinu. FRÉTTABLAÐIÐ/DANÍEL
Lið 18. umferðarinnar:
Markvörður:
Hannes Þór Halldórsson, KR
Varnarmenn:
Einar Orri Einarsson, Keflavík
Daníel Laxdal, Stjörnunni
Orri Freyr Hjaltalín, Grindavík
Björn Daníel Sverrisson, FH
Miðvallarleikmenn:
Samuel Hewson, Fram
Andri Ólafsson, ÍBV
Halldór Hermann Jónsson, Fram
Sóknarmenn:
Atli Guðnason, FH
Aaron Spear, ÍBV
Ásgeir Örn Arnþórsson, Fylki
Meistaradeild Evrópu:
E-RIÐILL:
Chelsea-Bayer Leverkusen 2-0
1-0 David Luiz (67.), 2-0 Juan Mata (90.+2).
Genk-Valencia 0-0
F-RIÐILL:
Dortmund-Arsenal 1-1
0-1 Robin Van Persie (41.), 1-1 Ivan Perisic (87.)
Olympiakos-Marseille 0-1
0-1 Lucho Gonzalez (51.)
G-RIÐILL:
Apoel Nicosia-Zenit St. Petersburg 2-1
0-1 Konstantin Zyryanov (63.), 1-1 Gustavo
Manduca (73.), 2-1 Ailton Almeida (75.)
Porto-Shaktar Donetsk 2-1
0-1 Luiz Adriano (11), 1-1 Hulk (28.), 2-1 Kleber
(50.)
H-RIÐILL:
Barcelona-AC Milan 2-2
0-1 Pato (1.), 1-1 Pedro (36.), 2-1 David Villa
(50.), 2-2 Thiago Silva (90.+2)
Viktoria Plzen-BATE Borisov 1-1
1-0 Marek Bakos (45.), 1-1 Renan Bressan (69.)
ÚRSLIT
Leikir kvöldsins
A-riðill:
Man. City - Napoli Sport 3
Villarreal - Bayern Munchen
B-riðill:
Inter - Trabzonspor
Lille - CSKA Moskva
C-riðill:
Benfica - Man. Utd Sport
Basel - Otelul Galati
D-riðill:
Ajax - Lyon Sport 4
Dinamo Zagreb - Real Madrid
FÓTBOLTI Fyrsta umferðin í Meist-
aradeild Evrópu klárast í kvöld
með átta leikjum.
Einn Íslendingur verður á ferð-
inni í kvöld, en Kolbeinn Sigþórs-
son mun leika með Ajax gegn
Lyon. Verður það fyrsti leikur
Kolbeins í Meistaradeildinni, en
hann hefur leikið mjög vel með
Ajax í upphafi vetrar.
Manchester United er talið
vera í frekar auðveldum riðli en
byrjar á erfiðasta leiknum, sem
er útileikur gegn Benfica.
Hitt Manchester-liðið, City,
tekur síðan á móti Napoli á
heimavelli sínum. - hbg
Meistaradeildin í kvöld:
Kolbeinn í
eldlínunni
KOLBEINN SIGÞÓRSSON Þreytir frum-
raun sína í Meistaradeildinni í kvöld.
NORDICPHOTOS/GETTY IMAGES
HANDBOLTI Íslendingaliðið AG
Köbenhavn lenti ekki í neinum
vandræðum þegar það tók á móti
Viborg í gær.
Lokatölur urðu 36-25 eftir að
staðan í hálfleik hafði verið 18-7
fyrir AGK. Danmerkurmeistar-
arnir eru því sem fyrr með fullt
hús stiga á toppi dönsku úrvals-
deildarinnar.
Íslensku strákarnir þrír voru
markahæstir í liði AGK í leikn-
um. Guðjón Valur Sigurðsson
skoraði sjö mörk og þeir Snorri
Steinn Guðjónsson og Arnór
Atlason skoruðu fimm mörk hvor.
- hbg
Öruggur sigur hjá AGK:
Íslendingarnir
sáu um Viborg
SNORRI STEINN Átti enn og aftur góðan
leik fyrir AGK. MYND/OLE NIELSEN
FÓTBOLTI Það var dramatík í leikj-
um gærkvöldsins í Meistaradeild-
inni. Bæði Barcelona og Arsenal
lentu í því að missa unna leiki
niður í jafntefli.
Leikur Barca og Milan byrjaði
með ótrúlegum látum því eftir
aðeins 24 sekúndur kom Pato liði
Milan yfir. Hann prjónaði sig þá
í gegnum alla vörn Barcelona og
lagði boltann smekklega í hornið.
Hreint ótrúleg byrjun.
Leikmenn Barcelona létu mark-
ið ekki hafa áhrif á sig og byrjuðu
að þjarma hraustlega að gestunum.
Pressan bar árangur á 36. mínútu
þegar Lionel Messi átti lygileg-
an sprett í gegnum teiginn. Lagði
boltann á fjærstöng þar sem Pedro
gat ekki annað en skorað. Magnað
mark.
Það var lítið búið af síðari hálf-
leik þegar David Villa kom Barce-
lona yfir með stórkostlegu marki
beint úr aukaspyrnu.
Barcelona hafði mikla yfirburði
það sem eftir lifði leiks. Liðið slak-
aði þó aðeins of mikið á klónni
undir lok leiksins og það reyndist
liðinu dýrkeypt. Thiago Silva skall-
aði nefnilega boltann í netið þegar
tæpar tvær mínútur voru komnar
fram yfir venjulegan leiktíma.
Arsenal mætti á hinn erfiða
Signal Iduna-völl og gerði sér lítið
fyrir og komst yfir rétt fyrir hlé.
Van Persie slapp þá í gegnum vörn
Dortmund og kláraði færið sitt
með miklum sóma.
Lundúnaliðið virtist vera að
sigla sigrinum heim þegar Ivan
Perisic skoraði stórkostlegt mark
með skoti utan teigs þegar lítið var
eftir af leiknum.
„Það lá ansi mikið á okkur í
seinni hálfleik. Ég átti síðan ekki
möguleika í þetta skot hjá Peri-
sic,“ sagði Wojciech Szczesny,
markvörður Arsenal.
„Við sýndum um síðustu helgi
að við kunnum að spila fótbolta og
vinna leiki. Þetta var virkilega erf-
iður leikur en ég held að við verð-
um að vera ánægðir með stigið
sem við fengum hérna.”
Chelsea var lengi að brjóta
Bayer Leverkusen niður en David
Luiz létti á pressunni um miðjan
síðari hálfleik og Mata kláraði
síðan dæmið.
„Þetta var erfiður leikur fyrir
okkur en við sköpuðum okkur
samt mikið af færum framan af.
Þá hefðum við getað klárað leik-
inn. Cech bjargaði líka vel í leikn-
um en ég verð að segja að sigur-
inn var sanngjarn,“ sagði André
Villas-Boas, stjóri Chelsea. - hbg
AC Milan gafst ekki upp og fékk stig gegn Barcelona – Arsenal missti unninn leik niður í jafntefli í Þýskalandi:
Silva eyðilagði teitið hjá meisturum Barcelona
DÝRMÆTT MARK Thiago Silva fagnaði jöfnunarmarki sínu að vonum vel.
NORDIC PHOTOS/AFP