Fréttablaðið - 14.09.2011, Blaðsíða 38

14. september 2011 MIÐVIKUDAGUR30
Verslunarrými með innréttingum fyrir tískufataverslun á besta stað í
Smáralind. Um er að ræða fallegar innréttingar,
8 rúma mátunar klefa í 220 fm rými og allt sem til þarf til að hefja
rekstur á fataverslun.
Verslun í rekstri er í húsnæðinu í dag en gæti losnað mjög fljótlega.
Góður leigusamningur.
Áhugasamir hafi samband við gudni@kontakt.is
eða í síma 414 1200
H
a
u
k
u
r
0
9
.1
1
BESTI BITINN Í BÆNUM
„Þegar ég kem heim fæ ég mér
yfirleitt Serrano. Svo er Pizza
King hrikalega góður og auð-
vitað Bæjarins bestu.“
Björn Bergmann Sigurðarson, knatt-
spyrnumaður í Noregi
„Þetta eru án nokkurs vafa bestu
viðtökur sem við höfum feng-
ið á þessum kvikmyndahátíð-
um,“ segir Rúnar Rúnarsson
kvikmyndaleikstjóri. Kvikmynd
hans, Eldfjall, var sýnd á kvik-
myndahátíðinni í Torontó um
helgina en myndin verður frum-
sýnd hér á landi á RIFF, alþjóðlegu
kvikmyndahátíðinni í Reykjavík.
Eldfjall er fyrsta kvikmynd
Rúnars í fullri lengd og hefur
vakið töluverða athygli. Hún verð-
ur meðal annars fulltrúi Íslend-
inga í forvalinu til evrópsku kvik-
myndaverðlaunanna en kosið
verður um hvaða myndir verða til-
nefndar í september. „Ég held að
það hafi sjaldan eða aldrei verið
jafn margar góðar myndir frá Evr-
ópu og í ár þannig að samkeppnin
verður hörð,“ segir Rúnar.
Áhorfendur í Torontó voru ákaf-
lega hrifnir af Eldfjalli og upplýsir
Rúnar meðal annars að hann hafi
hreinlega þurft að hugga suma
áhorfendur sem lágu tárvotir í
faðmi hans. „Myndin virðist hafa
snert mjög viðkvæmar taugar,“
segir Rúnar. Gengið var frá dreif-
ingu myndarinnar til Noregs og
Danmerkur og Rúnar viðurkenn-
ir að hann sé spenntur fyrir að sjá
hvað meira komi út úr ferðinni.
Eins og mörgum er eflaust enn
í fersku minni var Rúnar tilnefnd-
ur til Óskarsverðlauna fyrir stutt-
myndina sína, Síðasti bærinn í
dalnum. Rúnar segir ánægjulegt
að þær dyr sem opnuðust þá skuli
ekki vera lokaðar og læstar, það
hafi komið berlega í ljós í Torontó.
„Og ef þær voru það þá var rykið
bara dustað af þeim, ég hitti
marga umboðsmenn þarna úti og
það er margt spennandi í gangi. En
maður heldur bara báðum fótum á
jörðinni.“ - fgg
Tárvotir áhorfendur í Torontó
GÓÐ FERÐ Rúnar Rúnarsson kvikmynda-
leikstjóri segir ferðina til Torontó hafa
gengið vonum framar. FRÉTTABLAÐIÐ/VALLI
„Ég er einfaldlega að kanna hug Reykjavíkur-
borgar, hvort það sé mögulegt að nota túnið
undir selda viðburði,“ segir Kári Sturluson,
umboðsmaður og tónleikahaldari.
Menningar-og ferðamálaráð Reykjavíkur-
borgar tók fyrir erindi Kára á fundi sínum á
mánudag um afnot af Klambratúni sumarið
2012 vegna tónlistarviðburðar sem rukkað
yrði inn á. Ráðið fól forstöðumanni Höfuð-
borgarstofu að afla frekari upplýsinga um við-
burðinn áður en afstaða væri tekin til málsins.
Kári segist á hinn bóginn ekki vera með neinn
ákveðinn viðburð í huga, hann vilji miklu
frekar hafa vaðið fyrir neðan sig áður en hann
fari að bóka einhverjar hljómsveitir. „Það er
miklu skynsamlegra heldur en að fá til sín
hljómsveit og leita svo að tónleikastaðnum og
lenda kannski í tómum vandræðum.“
Sif Gunnarsdóttir, forstöðumaður
Höfuðborgarstofu, segir í samtali við
Fréttablaðið að engin lög séu til um
hvort eða hvort ekki megi rukka inn á
tónleika í almenningsgörðum Reykja-
víkurborgar. Það hafi hins vegar aldrei
verið gert. Í umsögn Sifjar sem lögð
var fyrir menningar-og ferðamála-
ráðið kemur fram að viðburðurinn
eigi að standa yfir í einn til tvo
daga um helgi frá klukkan tvö til
miðnættis. Sif bendir á í umsögn
sinni að Klambratúnið standi í
miðju íbúðarhverfi þannig að
tveggja daga viðburður með raf-
magnaðri tónlist í tíu klukkutíma
hvorn daginn gæti komið illa við
íbúa. - fgg
Kári vill Klambratúnið undir stórtónleika
GÓÐUR STAÐUR Kári Sturluson vill
fá Klambratúnið undir stórtónleika
á næsta ári. Forstöðumanni Höfuð-
borgarstofu, Sif Gunnarsdóttur, hefur
verið falið að afla frekari upplýsinga
um viðburðinn.
Sjónvarpsþættirnir Næturvaktin, sem slógu í gegn á Stöð 2 árið 2007, hafa
ferðast víða. Þættirnir voru sýndir á einum af hliðarstöðvum BBC í Bretlandi
fyrir skömmu og nú hefur bandaríski grínistinn Doug Stanhope séð
þættina um Georg Bjarnfreðarson og félaga. Hann er einn af
orðljótari grínistum Bandaríkjanna en fer engu að síður fögrum
orðum um þættina á Facebook-síðu sinni — segist hafa horft
á alla þættina í röð og að þeir hafi verið sprenghlægilegir.
Aðdáendur Stanhope velta í kjölfarið fyrir sér hvaða
norska þátt grínistinn sé að tala um og virðast loks
margir hafa útvegað sér þættina með ólöglegum hætti.
- afb
FRÉTTIR AF FÓLKI
„Ég var ekki neitt svakalega spennt
þegar nafnið hans kom fyrst upp,“
segir Eva Maria Daniels framleið-
andi, en enginn annar en Arnold
Schwarzenegger hefur tekið að
sér að leika aðalhlutverk í mynd
hennar, Captive.
Myndin er sú fyrsta sem Eva
Maria þróaði sjálf frá grunni en
það þýðir að hún valdi handritshöf-
und til að skrifa handritið frá hug-
mynd ásamt því að finna fjármagn,
leikara og tökulið í myndina.
Myndin er byggð á sannri
sögu og fjallar um arkitekt,
Schwarzenegger, sem býr í Brasilíu
og er rænt og haldið í gíslingu í 40
daga. Tökur fara fram á næsta ári
og Eva Maria segist aldrei hafa
unnið með jafnmikið fjármagn í
einni mynd. Hún hefur úr 30 millj-
ónum dollara að moða í þetta sinn
sem hún segir að séu samt fljótir
að fara í svona stórri framleiðslu.
„Þessi mynd er búin að vera í
vinnslu hjá mér lengi og upphaf-
lega átti Robert De Niro að leika
aðalhlutverkið. Hann var búinn
að vinna með okkur í sex mán-
uði og þróa karakterinn sinn með
okkur,“ segir Eva Maria. Því miður
gat De Niro ekki tekið að sér hlut-
verkið og var það umboðsmaður
Schwarzeneggers sem hafði sam-
band við Evu Mariu og meðfram-
leiðenda hennar, Michael London,
en hann framleiddi myndir á borð
við Sideways og Milk.
„Kvikmyndaheimurinn er lítill
og þegar gott handrit er í boði vita
allir af því. Arnold hefur verið
mjög umdeildur hérna og skapar
ekki endilega jákvæða umræðu um
myndina, en Bandaríkjamenn elska
endurkomur og þetta verður von-
andi endurkoma hans á hvíta tjald-
ið og fólk fær að sjá hann í nýju
ljósi,“ segir Eva Maria og bætir við
að leikarinn frægi og fyrrverandi
ríkisstjóri í Kaliforníu hafi komið
mjög vel fyrir í prufunum.
EVA MARIA DANIELS: VONANDI VERÐUR ÞETTA ENDURKOMA HANS
Landaði auðmjúkum
Schwarzenegger í mynd sína
FRAMLEIÐANDI
Í HOLLYWOOD
Eva Maria Daniels segir
Bandaríkjamenn elska endurkomur og
aðkoma Arnolds Schwarzenegger að
myndinni Captive hefur skapað mikla
fjölmiðlaumræðu.
„Hann er auðmjúkur í fram-
komu og hefur greinilega gengið í
gegnum erfiða tíma. Hann var líka
minni en ég hélt og þetta hlutverk
er ekki týpískt fyrir hann,“ segir
Eva Maria en fjölmiðlar vestan-
hafs hafa rætt mikið um aðkomu
Schwarzeneggers að myndinni en
hann er eini leikarinn sem búið
er að staðfesta enn sem komið
er. „Já, þetta skapar óneitanlega
mikið umtal um myndina sem er
ágætt.“
Eva Maria er þessa dagana
stödd í New York þar sem hún er
við tökur á myndinni What Maisie
Knew sem skartar þeim Juliönnu
Moore og Alexander Skarsgård í
aðalhlutverkum.
„Þegar við byrjuðum í tökum í
sumar var ég viss um að Moore
yrði mesta stjarnan en það er sko
aldeilis ekki því ljósmyndararnir
og pressan hérna láta Alex ekki
vera. Hann er greinilega mjög
heitur um þessar mundir,“ segir
Eva Maria hlæjandi og bætir við
að það komi samt á óvart hversu
jarðbundinn leikarinn er en Skars-
gård skaust upp á stjörnuhimininn
eftir sjónvarpsþáttaröðina True
Blood. alfrun@frettabladid.is