Fréttablaðið - 16.09.2011, Blaðsíða 2
16. september 2011 FÖSTUDAGUR2
SKÁK „Hér er alls ekkert gefið eftir.
Síður en svo,“ segir Bragi Hall-
dórsson, einn af þátttakendum á
Norðurlandamóti öldunga sem fer
fram þessa dagana.
„Hér njóta menn leiksins og bar-
áttunnar og það er í fyrirrúmi hjá
flestum,“ bætir Bragi við. „Úrslitin
eru því ekki aðalatriðið, heldur frek-
ar ánægjan af leiknum.“
Bragi hefur verið í forystu nær
allt mótið en tapaði fyrir Nils Åke
Malmdin í sjöttu umferð, sem fór
fram í gær, og féll niður í sjötta
sætið.
Meðal þeirra 52ja keppenda sem
eru mættir til leiks að þessu sinni
er Finninn Heikki Westerinen, sem
hefur unnið þetta mót síðustu þrjú
skipti, en keppt hefur verið annað
hvert ár frá árinu 1999.
„Hér eru margir sterkir skák-
menn,“ segir Bragi. „Westerinen
hefur til dæmis teflt oftar en nokk-
ur annar á Ólympíumóti og síðan er
ánægjulegt að sjá Friðrik [Ólafsson
stórmeistara] aftur í keppni. Hann
var örlítið ryðgaður framan af en er
kominn í gang núna,“ segir Bragi.
Eftir úrslitin í sjöttu umferð eru
finnski stórmeistarinn Yrjö Rant-
anen og Daninn Jørn Sloth í forystu
með fimm vinninga. Friðrik vann í
gær og er í þriðja til fimmta sæti
ásamt Westerinen og Malmdin með
fjóra og hálfan vinning.
Mótið fer fram í húsakynnum
Taflfélags Reykjavíkur í Faxa-
feni. Þrjár umferðir eru eftir og
hefst sjöunda umferð í dag klukk-
an 14. Mótinu lýkur á sunnudag. Þá
kemur í ljós hvort Westerinen sigr-
ar í fjórða sinn í röð eða hvort titill-
inn fellur einhverjum öðrum í skaut.
Jafnvel gæti Íslendingur unnið í
fyrsta sinn. thorgils@frettabladid.is
Ekkert gefið eftir þótt
ánægjan sé í fyrirrúmi
Norðurlandamót öldunga fer fram á Íslandi þessa dagana. Bragi Halldórsson
segir að þótt sigur sé ekki í forgangi hjá keppendum sé mikil barátta til staðar.
Bragi og Friðrik Ólafsson eru í toppbaráttunni þegar þrem umferðum er ólokið.
Í TOPPBARÁTTUNNI
Bragi Halldórsson hefur
staðið sig vel það sem
af er Norðurlandamóti
öldunga í skák. Hann
er í toppbaráttunni
ásamt mörgum sterkum
skákmönnum, til að
mynda Friðriki Ólafssyni
og Heikki Westerinen
sem hefur unnið þetta
mót í síðustu þrjú skipti.
FRÉTTABLAÐIÐ/ANTON
KOMINN AFTUR TIL
KEPPNI Stórmeistarinn
Friðrik Ólafsson, sem
er fyrrverandi formaður
Alþjóðaskáksambands-
ins, er meðal keppenda.
Ellen, eru sumar fasteignir
ómerkilegri en aðrar í Borgar-
firði?
„Klárlega ekki þótt sumir virðist
halda það.“
Ellen Ingvadóttir gagnrýnir í grein sinni í
Fréttablaðinu í gær fullyrðingar ritstjóra
Skessuhorns um að eigendur sumarhúsa
séu afætur á samfélagi heimamanna í
Borgarfirði.
LÖGREGLUMÁL Lögreglan upprætti
í gær kannabisræktun sem fannst
í lokuðu og gluggalausu rými við
Síðumúla. Málið var í rannsókn
síðdegis og var meðal annars verið
að telja plönturnar og leggja hald á
búnað, þar sem meðal annars var
að finna viftur, sterka lampa og
vökvunarkerfi.
Samkvæmt upplýsingum frá lög-
reglu lagði kannabisfnykinn út á
götu og runnu lögreglumennirnir
á lyktina snemma í gærmorgun.
Í rýminu, sem er í kjallara undir
iðnaðar- og verslunarhúsnæði við
götuna, fundu þeir vatnsræktun
með tilheyrandi búnaði og um sex-
tíu fullvaxnar plöntur, tilbúnar til
niðurskurðar og verkunar.
Lögregla veit hver ræktandinn
er og segir um karlmann að ræða
sem ekki hafi komið verulega við
sögu hjá lögreglu áður. - jss
Leigjandi stundaði kannabisræktun í lokuðu og gluggalausu rými:
Lögreglan rann á kannabisfnyk
LÖGREGLA TÓK KANNABISRÆKTUN Kannabisplönturnar voru á lokastigi ræktunar og
tilbúnar til niðurskurðar. FRÉTTABLAÐIÐ/VALLI
SVÍÞJÓÐ Atvinnuleysi í Svíþjóð
mældist 6,6 prósent í ágúst, sem
er nokkru minna en búist hafði
verið við.
Í opinberum hagtölum frá Sví-
þjóð segir að í ágúst í fyrra hafi
atvinnuleysi mælst 7,4 prósent og
höfðu hagfræðingar gert ráð fyrir
að hlutfallið í ár yrði 6,8 prósent.
Alls voru 336 þúsund manns án
atvinnu í Svíþjóð í síðasta mánuði,
en atvinnuleysi dróst mun meira
saman hjá konum en körlum.
Heildarvinnustundum á sænska
vinnumarkaðinum fjölgaði um
þrjú prósent milli ára. - þj
Vinnumarkaður í Svíþjóð:
Atvinnuleysið
minna en í fyrra
FRÁ STOKKHÓLMI Atvinnuleysi í Svíþjóð
mældist 6,6 prósent í ágúst, sem er
minna en óttast var. NORDICPHOTOS/GETTY
ALÞINGI Ekki kemur annað til
greina en að Heilsustofnunin í
Hveragerði starfi áfram eftir
áramót, sagði
Guðbjartur
Hannesson heil-
brigðisráðherra
á Alþingi í gær.
Hann sagði
það ósæmandi
hegðun hjá for-
svarsmönnum
stofnunarinnar
að segja upp
starfsmönnum
frá og með áramótum þar sem enn
hafi ekki tekist að semja við ríkið
um framlög. Guðbjartur sagði
hugsanlegt að skýra þurfi línur
varðandi verkefni stofnunarinnar,
og að framlög til hennar skerðist
um sama hlutfall og önnur útgjöld
til heilbrigðismála. - bj
Heilbrigðisráðherra á þingi:
Heilsustofnun
starfi áfram
GUÐBJARTUR
HANNESSON
EFNAHAGSMÁL Eygló Harðardóttir,
þingkona Framsóknarflokks, hefur
lagt fram stjórnsýslukæru til inn-
anríkisráðherra vegna SP fjár-
mögnunar og Umferðarstofu.
Eygló biður ráðuneytið að kanna
hvort löglegt sé fyrir Umferðar-
stofu að neita að skrá eiginmann
hennar sem eiganda fjölskyldubíls-
ins, sem var keyptur á bílaláni hjá
SP fjármögnun árið 2004.
Eiginmaður Eyglóar, Sigurður
E. Vilhelmsson, fór fram á við
Umferðarstofu 2. ágúst síðastlið-
inn að skráningu ökutækisins yrði
breytt í samræmi við dóma Hæsta-
réttar. Sigurður vildi verða skráður
eigandi fjölskyldubifreiðarinnar, en
ekki SP fjármögnun. Umferðarstofa
synjaði þessu.
„Kærandi kefst þess að innan-
ríkisráðuneytið fjalli um ákvörðun
Umferðarstofu frá 11. ágúst 2011 sl.
þess efnis að synja beiðni hans um
að vera skráður eigandi bifreiðar-
innar RT337 í ökutækjaskrá stofn-
unarinnar. Jafnframt er þess kraf-
ist að ráðuneytið fjalli um efnislegt
lögmæti ákvörðunarinnar,“ segir í
kærunni.
Þá sendi Eygló efnahags- og við-
skiptaráðherra skriflega fyrirspurn
þess efnis hvort fjármögnunar-
fyrirtækin eigi ekki að telja þær bif-
reiðar sem þau segjast eiga, fram til
skatts. Í ársreikningum fyrirtækj-
anna séu þær þó hvergi skráðar
sem eign, heldur eru þær skráðar
sem eign í skattframtölum lánþega.
Eygló spyr ráðherra meðal annars
hvort slíkt samræmist lögum.
„Efnahags- og viðskiptaráðherra
fer yfir þetta og ég vænti þess að
hann komi fram með afstöðu í þessu
máli. Hann getur ekki hlaupist
undan því,“ segir Eygló og vísar í
dóma Hæstaréttar þar um. „Ég tel
að við eigum bílana okkar.“ - sv
Eygló Harðardóttir spyr efnahags- og viðskiptaráðherra hvort fjármögnunarfyrirtækin séu að brjóta lög:
Þingkona kærir ákvörðun til ráðuneytis
VIÐ BÍLINN Eygló og eiginmaður hennar
hafa kært ákvörðun Umferðarstofu til
innanríkisráðherra. FRÉTTABLAÐIÐ/ANTON
LÍBÍA, AP Nicolas Sarkozy Frakk-
landsforseti og David Cameron, for-
sætisráðherra Bretlands, heita því
að veita nýjum stjórnvöldum í Líbíu
verulegan stuðning.
Þeir gerðu sér í gær ferð til Trí-
polí, höfuðborgar Líbíu, og lofuðu
hvort tveggja að hersveitir NATO
héldu áfram árásum á stuðnings-
menn Gaddafís og að losað yrði um
fé fyrri stjórnar, sem fryst hefur
verið í bönkum, þannig að nýju
valdhafarnir fengju það til umráða.
Sarkozy sagði að Gaddafí og
aðrir sem framið hefðu glæpi yrðu
dregnir fyrir dómstóla. „Þetta er
búið. Gefist upp,“ sagði Cameron og
beindi orðum sínum til Gaddafís og
stuðningsmanna hans.
Bardagar geisuðu í gær í Sirte,
fæðingarborg Gaddafís, þar sem
stuðningsmenn hans hafast enn
við. - gb
Sarkozy og Cameron:
Hvetja Gaddafí
til uppgjafar
VÍSINDI Ákveðnar tegundir sjávar-
snigla hafa náð að auka útbreiðslu
sína með því að taka sér far með
vaðfuglum yfir Mexíkó, sam-
kvæmt niðurstöðum rannsóknar
vísindamanna við Smithsonian-
safnið í Bandaríkjunum.
Vísindamennirnir telja snigla
hafa komist úr Mexíkóflóa og yfir
Mexíkó í nægilega miklu magni
til að fjölga sér í sjónum vestan
við Mexíkó í það minnsta tvisvar á
síðustu milljón árum.
„Alveg eins og fólk notar flug-
vélar til að fljúga yfir hafið nota
sniglarnir fugla til að fljúga yfir
land,“ segir Mark Torchin, einn
sérfræðinga safnsins. „En þeir
gera það að vísu mun sjaldnar.“ - bj
Fengu sér far með vaðfuglum:
Sniglar á flugi
yfir Mexíkó
Nú er hægt að fá fetaost sem kubb í saltvatni. Gott
er að nota ostinn í salöt, samlokur, grænmetisrétti
og á pítsuna. Ljúffengar uppskriftir með fetaosti
er að finna á www.gottimatinn.is
SPURNING DAGSINS