Fréttablaðið - 16.09.2011, Blaðsíða 6

16. september 2011 FÖSTUDAGUR6
Frá kr. 39.900
Ótrúlegt tilboð - Allra síðustu sætin
Heimsferðir bjóða nú einstakt tilboð á síðustu flugsætunum til Prag 29. september í 3 nætur.
Þú kaupir 2 flugsæti en greiðir aðeins fyrir 1. Við bjóðum þér fjölbreytta gistingu meðan
á dvölinni stendur.
Verð kr. 39.900
Flugsæti með sköttum, m.v. 2 fyrir 1 tilboð 29. september í 3 nætur. Netverð á mann.
Verð áður kr. 79.800.
Verðdæmi fyrir gistingu:
Kr. 15.300 á mann í tvíbýli á mann á hótel ILF ★★★ í 3 nætur. Verð fyrir einbýli kr. 27.900
Kr. 16.800 á mann í tvíbýli á mann á hótel Duo ★★★★ í 3 nætur. Verð fyrir einbýli kr. 26.700
2 fyrir 1 til Prag
29. september
KÖNNUN Tveir af hverjum þremur
sjálfstæðismönnum sem afstöðu
tóku í könnun MMR vilja að
Hanna Birna Kristjánsdóttir,
fyrrverandi borgarstjóri, verði
formaður Sjálfstæðisflokksins.
Rúmur fjórðungur sjálfstæðis-
manna vill að Bjarni Benedikts-
son verði áfram formaður flokks-
ins.
Alls sögðust 66,3 prósent þeirra
sem sögðust myndu kjósa Sjálf-
stæðisflokkinn yrði gengið til
kosninga nú vilja Hönnu Birnu.
Um 26,4 prósent þeirra vildu að
Bjarni yrði áfram formaður en
7,3 prósent vildu hvorugt þeirra.
Hanna Birna nýtur einnig meiri
stuðnings meðal landsmanna,
burtséð frá stjórnmálaskoðunum.
Alls sögðust 58,6 prósent þeirra
sem afstöðu tóku vilja hana sem
næsta formann Sjálfstæðisflokks-
ins en 13,4 prósent vilja heldur
Bjarna áfram.
Kosningar um forystu Sjálf-
stæðisflokksins fara fram á lands-
fundi sem boðaður hefur verið
dagana 17. til 20. nóvember. MMR
spurði aðeins um afstöðu fólks til
þessara tveggja einstaklinga.
Um var að ræða netkönnun sem
893 einstaklingar valdir handa-
hófskennt úr hópi álitsgjafa MMR
tóku þátt í. Alls tóku 81,4 prósent
afstöðu til spurningarinnar. - bj
Fleiri sjálfstæðismenn vilja Hönnu Birnu en Bjarna Benediktsson sem formann:
Tveir af þremur velja Hönnu Birnu
HANNA BIRNA
KRISTJÁNSDÓTTIR
17 ára á ofsahraða
Sautján ára ökumaður var sviptur
ökuréttindum til bráðabirgða í
fyrrakvöld. Hann var staðinn að hrað-
akstri á Korpúlfsstaðavegi í Reykjavík,
á móts við Brúnastaði. Bíll hans
mældist á 108 km hraða þar sem
hámarkshraði er 50.
LÖGREGLUFRÉTTIR
Missti framan af fingri
Karlmaður um sextugt missti framan
af fingri í vinnuslysi í Mosfellsbæ
í fyrradag. Maðurinn var við vinnu
sínu hjá fyrirtæki í bænum þegar
slysið varð en hann klemmdist illa í
plastsuðuvél.
Háspennusamningur úr gildi
Samkomulag sveitarfélagsins Voga við
Landsnet hf. um lagningu háspennu-
lína er fallið úr gildi, segir bæjarráð
Voga. Vísað er til þess að tafist hafi
að leggja háspennulínuna og ekki sé
fyrirséð hvenær hún verði lögð.
ORKUMÁL
BJARNI BENE-
DIKTSSON
ÞINGVELLIR Kárastaðastíg um
Almannagjá hefur verið lokað
vegna sprungunnar sem þar birt-
ist í mars og nú stækkar daga frá
degi. Unnið er að því að hreinsa upp
úr nýju gjánni.
„Þetta er nánast eins og ostur.
Það eru stór gímöld og göt í öllum
stígnum ofanverðum,“ segir
Álfheiður Ingadóttir, alþingismaður
úr VG og formaður Þingvallanefnd-
ar, sem í gær fundaði um málið.
Endanlegar ákvarðanir um hvern-
ig gengið verður frá nýju sprung-
unni bíða þar til hún er fullkönnuð.
„Þarna hafa menn farið um á
þunnu sandlagi sem hvíldi í lausu
lofti. Það voru steinar þarna undir
sums staðar en ég skil ekki á hverju
hitt hefur hangið. Helst virðist
þetta hafa hangið saman á lyginni.
Það er eiginlega mesta mildi að það
skuli ekki einn eða tveir þjóðar-
leiðtogar liggja þarna niðri,“ segir
Þráinn Bertelsson, hinn fulltrúi VG
í Þingvallanefnd.
Þorgerður Katrín Gunnarsdóttir,
alþingismaður og annar fulltrúa
Sjálfstæðisflokks í Þingvallanefnd,
tekur undir að vegurinn hafi verið
ótryggur. Heppni hafi verið að slys
hafi ekki orðið.
„Menn hafa nefnt í gríni að
þegar Jiang Zemin, forseti Kína,
kom hér í heimsókn 2002 var hann
síðasti maðurinn sem keyrði niður
Almannagjá. Það mátti þakka fyrir
að hann húrraði ekki niður,“ segir
Þorgerður, sem kveðst greina
samhljóm í nefndinni um að gera
almenningi kleift að njóta þess
náttúruundurs sem þarna megi líta.
„Menn átta sig á að það þarf að
finna lausn gagnvart almenningi
og ferðamönnum og leyfa fólki að
upplifa hvað þetta er stórkostlegt,“
segir Þorgerður.
Þingvallanefnd ræðir meðal ann-
ars þá hugmynd að gera göngubrú
yfir sprunguna. Þráinn Bertels-
son segir að þó myndi hann helst
vilja að sprungunni verði lokað með
„ósýnilegri“ brú.
„Það er hægt að loka gjánni með
stálplötum og moka síðan aftur
ofan á. Þá lítur þetta út eins og það
hefur alltaf gert á tíma þeirra sem
nú lifa. Það má mikið koma til að
ég falli frá því að leysa málið með
slíkri ósýnilegri brú,“ segir Þráinn.
Álfheiður Ingadóttir segir hins
vegar að Þingvallanefnd hafi
ákveðið strax í upphafi að ekki yrði
mokað ofan í sprunguna.
„Við tókum afstöðu til þess strax
á fyrsta fundi að gera það ekki
heldur nýta þetta ómetanlega tæki-
færi til að kynna og kynnast betur
þeim kröftum sem eru að verki
á Þingvöllum,“ segir formaður
Þingvallanefndar. gar@frettabladid.is
Almannagjá er eins
og svissneskur ostur
Vegurinn niður Almannagjá hékk saman á lyginni segir meðlimur Þingvalla-
nefndar. Forseti Kína var sá síðasti sem ók um gjána í bíl. Nú er lokað fyrir
umferð á meðan hreinsað er úr sprungunni. Þingvallanefnd ræddi málið í gær.
NÝJA GJÁIN Umferð er lokað um veginn efst í Almannagjá á meðan hreinsað er upp úr gjánni sem byrjaði sem lítil hola í mars.
MYND/EINAR Á. E. SÆMUNDSEN
DV 18. JÚNÍ 2002 Öryggisverðir voru á hverju strái og þyrla sveimaði yfir og allt um
kring þegar forseti Kína fékk síðastur manna undanþágu og ók í bílalest ofan í
Almannagjá grunlaus um tímasprengjuna á Kárastaðastíg.
SPRUNGAN Þingvallanefnd ræðir meðal
annars þá hugmynd að gera göngubrú
yfir sprunguna.
LÖGREGLUMÁL Stúlka var bitin af
hundi í Suðurbænum í Hafnar-
firði í fyrradag. Hundurinn fannst
eftir leit lögreglu í nágrenninu og
var fangaður. Eigandi hans var
hins vegar hvergi sjáanlegur, en
hann var á vettvangi þegar hund-
urinn beit stúlkuna, samkvæmt
upplýsingum lögreglu.
Síðdegis í gær fékk lögreglan
tilkynningu um að hundur hefði
glefsað í konu í Ártúnsholti í
Reykjavík. Konan slapp ómeidd
en fatnaður hennar skemmdist.
- jss
Eigandinn lét sig hverfa:
Hundur beit
stúlku í fótinn
ENGLAND 28 ára gömul kona, sem
handtekin hefur verið í Luton í
Englandi vegna gruns um áætlanir
um hryðjuverk, er ekkja mannsins
sem sprengdi sig á verslunargötu í
Stokkhólmi í desember í fyrra.
Tveimur dögum eftir árásina
birti, Mona Thwany, hótanir á You-
tube og eru þær samhljóða þeim
sem eiginmaður hennar, Taimo-
ur Abdulwahab, sendi fjölmiðlum
fyrir sjálfsmorðsárásina. - ibs
Sprengdi sig í Stokkhólmi:
Ekkjan hand-
tekin í London
Fagna nýtingaráætlun
Bæjarráð Vesturbyggðar fagnar
ákvörðun iðnaðarráðherra og
umhverfisráðherra um að setja
Hvalárvirkjun í nýtingarflokk í
þingsályktunartillögu um vernd og
orkunýtingu landsvæða.
VESTFIRÐIR
KJÖRKASSINN
Eiga íslensk stjórnvöld að viður-
kenna sjálfstæði Palestínu?
JÁ 68,1%
NEI 31,9%
SPURNING DAGSINS Í DAG
Myndir þú kaupa rauðvín fyrir
lottóvinning og geyma í 20 ár?
Segðu þína skoðun á visir.is