Fréttablaðið - 16.09.2011, Blaðsíða 18

16. september 2011 FÖSTUDAGUR18
Innilegar þakkir til allra þeirra sem
sýndu okkur samúð, ást og hlýhug við
andlát og útför
Unnar Stefánsdóttur
Kársnesbraut 99, Kópavogi.
Sérstakar þakkir viljum við færa læknum og hjúkrunar -
fólki krabbameinsdeildar Landspítalans við Hringbraut,
starfsfólki líknardeildarinnar í Kópavogi og öllum þeim
sem aðstoðuðu Unni í veikindum hennar.
Við þökkum þeim sem sendu okkur samúðarkveðjur
og þeim sem heiðruðu minningu Unnar við útför
hennar í Hallgrímskirkju þann 19. ágúst sl. Einnig
viljum við þakka prestinum Sigurði Arnarsyni og
fyrrverandi félögum í Pólýfónkórnum fyrir þeirra
framlag í athöfninni.
Hákon Sigurgrímsson
Finnur Hákonarson Rósa Birgitta Ísfeld
Grímur Hákonarson Halla Björk Kristjánsdóttir
Harpa Dís Hákonardóttir
Ísadóra Ísfeld Finnsdóttir
Ástkær eiginkona mín,
Sísí Caraway
lést á hemili sínu í San Antonio í Texas hinn
7. september. Bálför hefur farið fram í San Antonio.
Fyrir hönd fjölskyldunnar,
Bob Caraway
og aðstandendur.
Þökkum innilega auðsýnda samúð
vegna fráfalls okkar ástkæru móður,
tengdamóður, ömmu, langömmu
og langalangömmu,
Guðrúnar Ebbu
Jörundsdóttur
Hlaðbrekku 22, Kópavogi.
Sérstakar þakkir til starfsfólks á Hjúkrunarheimilinu
Skógarbæ og þeirra sem heimsóttu hana í veikindum
hennar.
Sigurður Jörundur Sigurðsson Hrefna Erna Jónsdóttir
Gunnar Kristján Sigurðsson
Guðmundur Friðrik Sigurðsson Barbara Sigurðsson
Óskar Sigurðsson
Jón Sigurðsson Jóhanna Hannesdóttir
Ingibjörg Þ. Sigurðardóttir Guðbjörn Baldvinsson
Jens Sigurðsson Auður Fr. Halldórsdóttir
barnabörn, barnabarnabörn og barnabarnabarnabörn
Eiginmaður minn, faðir okkar,
tengdafaðir, afi og langafi,
Valgeir Ásbjarnarson
Brekkugötu 38, Akureyri,
lést mánudaginn 5. september. Útför hans fer fram frá
Akureyrarkirkju mánudaginn 19. september kl. 13.30.
Ásta Axelsdóttir
Axel Valgeirsson Hanna Guðrún Magnúsdóttir
Ásbjörn Árni Valgeirsson Harpa Hrafnsdóttir
Kristjana Valgeirsdóttir Ríkarður G. Hafdal
Gunnlaug Valgeirsdóttir Ríkharður Eiríksson
afa- og langafabörn
Ástkær eiginkona mín, móðir,
tengdamóðir, amma og langamma,
Guðfinna Betsý
Hannesdóttir
lést á Líknardeild Landspítalans þriðjudaginn
13. september sl. Útför hennar mun fara fram frá
Fossvogskirkju kl. 13.00 þriðjudaginn 27. september.
Jens Sörensen
Kolbrún Svala Hjaltadóttir Oddur Sigurðsson
Kristbjörg Stella Hjaltadóttir Sigurður Ingi Jónsson
barnabörn og barnabarnabörn
timamot@frettabladid.is
Hinn 16. september 1977 fórst breski glysrokk-
söngvarinn Marc Bolan í bílslysi í London,
tveimur vikum fyrir þrítugsafmælið sitt. Hann
var farþegi í bíl hjá Gloriu Jones og þau voru á
heimleið eftir að hafa verið að skemmta sér í
Mortons-klúbbnum við Berkeley Square.
Jones missti stjórn á bílnum með þeim
afleiðingum að hún keyrði á tré eftir að hafa mis-
tekist að stýra bílnum inn á brú við Gipsy Lane í
Barnes í suðvesturhluta London. Bolan lést sam-
stundis en Jones slapp með handleggsbrot og
kjálkabrot. Skömmu eftir slysið höfðu aðdáendur
Bolans breytt slysstaðnum í helgan stað til minn-
ingar um söngvarann og árið 2007 var staðurinn
opinberlega nefndur Bolan‘s Rock Shrine.
Það kaldhæðnislega er að vegna ótta við
bílslys og ótímabæran dauða hafði Bolan aldrei
tekið bílpróf, þótt hann ætti nokkrar glæsikerrur,
þar á meðal frægan hvítan Rolls Royce, og bílar
væru algeng umfjöllunarefni í textum hans.
ÞETTA GERÐIST 16. SEPTEMBER 1977
Marc Bolan ferst í bílslysi
ÓMAR RAGNARSSON fréttamaður,
skemmtikraftur og umhverfissinni er 71 árs í dag
„Ástin kvelur margar konur og hún kostar lífið
menn en við þörfnumst hennar öðru hverju enn.“
Merkisatburðir
1408 Síðustu heimildir um norræna menn á Grænlandi geta um
brúðkaup í kirkjunni í Hvalsey þennan dag.
1810 Mexíkó lýsir yfir sjálfstæði frá Spáni.
1936 Vísindamaðurinn Jean-Baptiste Charcot ferst ásamt 37
öðrum skipverjum þegar rannsóknaskipið Pourquoi-pas?
ferst í ofviðri í skerjagarðinum undan Álftanesi á Mýrum.
1963 Lyndon B. Johnson, varaforseti Bandaríkjanna, kemur
til Íslands í opinbera heimsókn og er vel tekið. Rúmum
tveimur mánuðum síðar verður hann forseti Bandaríkj-
anna, þegar Kennedy er myrtur.
1970 Hussein, konungur Jórdaníu, setur herlög í landinu til að
hindra palestínska uppreisnarmenn í að ná þar völdum.
1979 Minnisvarði afhjúpaður á Hólmavík um Hermann Jónas-
son ráðherra, sem var í áraraðir þingmaður Strandamanna
og Vestfirðinga.
1989 Erró, Guðmundur Guðmundsson listmálari, gefur Reykja-
víkurborg tvö þúsund listaverk eftir sig og er safninu
komið fyrir á Korpúlfsstöðum.
Dagur íslenskrar náttúru er haldinn í
fyrsta skipti hátíðlega í dag en síðast-
liðið haust ákvað ríkisstjórn Íslands
að slíkur dagur yrði haldinn hér eftir
á afmælisdegi eins ötulasta baráttu-
manns fyrir verndun náttúru Íslands;
Ómars Ragnarssonar. Í tilefni dagsins
verður boðið upp á viðburði um allt
land sem á einn eða annan hátt eru
tengdir náttúrunni. Þar á meðal gefst
almenningi tækifæri á að sinna sjálf-
boðaliðastörfum í náttúruvernd, nánar
tiltekið í Esjuhlíðum.
„Þeir sem ganga á Esjuna eru farn-
ir að þekkja okkur en undanfarin
fimm ár hefur hópur af sjálfboðalið-
um, ungt fólk víðs vegar að úr heim-
inum, unnið að endurbótum á göngu-
stígum Esjunnar, nokkrar vikur í senn
á hverju sumri,“ segir Chas Goemans,
starfsmaður Umhverfisstofnunar,
sem farið hefur fyrir hópnum. Verk-
efnið er á vegum stofnunarinnar og
unnið í samstarfi við Skógræktarfélag
Reykjavíkur.
„Sjálfboðaliðarnir hafa verið þarna
alla vikuna en í dag ætlum við að opna
hópinn aðeins og bjóða fólki að koma
og hjálpa til í nokkra klukkutíma.
Esjan er mörgum hjartfólgin og við
finnum alltaf fyrir jákvæðu viðmóti og
áhuga frá þeim sem ganga Esjuna og
sjá sjálfboðaliðana vinna við stígana.“
Chas segir líklegt að með tilliti til
veðurs verði sjálfboðaliðarnir að
vinnu á skógarsvæðinu í dag, þar sem
meira skjól er. Fólki er velkomið að
koma og taka til hendinni frá klukkan
13-17.
Dagskrá dagsins í heild er að finna á
vef umhverfisráðuneytisins umhverf-
israduneyti.is en meðal dagskrárliða
má nefna göngu um fuglaverndunar-
svæðið í Andakíl á Hvanneyri. Surts-
eyjarstofa í Vestmannaeyjum verður
opin og lifandi dagskrá verður í hádeg-
inu í Café Flóru í Grasagarði Reykja-
víkur, þar sem boðið verður upp á sér-
stakan heilsudrykk í tilefni dagsins.
Af öðrum hápunktum dagsins má
nefna að ný háskólastofnun, Líf- og
umhverfisvísindastofnun, tekur form-
lega til starfa við Háskóla Íslands og
efnt verður til málþings í framhaldinu
í Öskju, um gildi íslenskrar náttúru.
juliam@frettabladid.is
DAGUR ÍSLENSKRAR NÁTTÚRU: FJÖLBREYTTIR VIÐBURÐIR VÍÐA UM LAND
HJÁLPAÐ TIL Í ESJUHLÍÐUM
ESJAN ÖLLUM KÆR Chas Goemans, starfsmaður Umhverfisstofnunar, hefur skipulagt starf hópa erlendra sjálfboðaliða sem koma hingað til
lands á hverju ári til að laga göngustíga í Esjunni. Í dag býðst almenningi að koma og leggja hönd á plóg. FRÉTTABLAÐIÐ/VALLI
SJÁLFBOÐALIÐAR Stígarnir í Esju eru endurbættir af sjálfboðaliðum frá ýmsum heimshornum.
71