Fréttablaðið - 16.09.2011, Blaðsíða 25
16. september föstudagur 5
eru látin víkja fyrir hagsmunum og
valdi annarra þjóða. Óréttlætið er
algjört,“ segir Elva og bætir við að
eftir að hafa skrifað 25.000 orða rit-
gerð um málefnið geti hún verið
óstöðvandi þegar ríkið Palestínu
ber á góma.
„Allar birtingarmyndir óréttlætis
hafa truflað mig. Hvort sem að það
er óréttlæti gegn minnihlutahóp-
um eða háð kyni, kynhneigð, trú
eða kynþætti. Ég vil reyna að beita
mér gegn slíku í framtíðinni,“ segir
Elva, En hvert er draumastarfið?
„Ég get alveg hugsað mér að
starfa erlendis ef það kæmi til.
Markmiðið er að finna starf sem
gefur mér eitthvað. Þó að það sé
klisja að segja það þá langar mig
helst að láta gott af mér leiða.
Draumurinn væri náttúrulega að
fá vinnu hjá Sameinuðu þjóðun-
um. Það er allt í lagi þó það ger-
ist ekki strax. Ég er bara spennt að
vita hvert næsta skref er.“
ENGIN EFTIRSJÁ
Þegar Elva var 18 ára gömul tók
hún þátt í fegurðarsamkeppninni
Ungfrú Ísland og var tíður gest-
ur á síðum slúðurblaðanna eins
og gjarnan fylgir keppendum í
þeirri keppni. Hún lenti í fimmta
sæti og var send út til Eistlands í
keppnina Miss Tourism World þar
sem hún fór með sigur af hólmi.
„Jú jú, ég er Ungfrú Ferðamála-
drottning heimsins 1999. Það er
fáránlegt að segja þetta,” segir
Elva og skellir upp úr en viður-
kennir þó að hún eigi enn þá
kórónuna.
„Ég er þeirrar skoðunar að
maður eigi aldrei að sjá eftir
neinu og standa frekar með því
sem maður hefur gert,“ segir Elva
ákveðið. „Við skulum bara orða
það þannig að ég mundi ekki gera
þetta í dag. Þetta á ekki við mig
og ég get ekki annað en sett stórt
spurningarmerki við að senda
stelpur í slíka keppni svona
ungar. Svo er það líka þetta með
að keppa í fegurð. Það er auðvitað
gjörsamlega úrelt fyrirbæri og ég
veit ekki hversu eðlilegt eða heil-
brigt mér finnst það.“
Elva fann sig ekki í fegurðar-
drottningarhlutverkinu og dró sig
því í hlé frá fyrirsætustörfum. „Ég
var ung, ómótuð og áhrifagjörn á
þessum tíma og hef sagt skilið
við þennan kafla í mínu lífi.“
DÝRAVINUR
Elva Björk býr núna í Kópavogi
ásamt chihuahua-hundinum Míu
sem var hvað fegnust að fá eig-
anda sinn til landsins á ný.
„Það var frekar skrýtið að skilja
hana eftir heima því ég gat hald-
ið góðu sambandi við vini og
vandamenn gegnum Skype en
ekki hana. Við áttum samt nokkr-
ar góðar Skype-stundir á meðan
ég var úti, sem var frekar fyndið,“
viðurkennir Elva hlæjandi.
Hún er mikill dýravinur og vill
einnig nýta krafta sína til að berj-
ast fyrir réttindum dýra. „Ég var
sjálfboðaliði í Dýrahjálp í dálítinn
tíma en samtökin hjálpa dýrum
að finna nýja eigendur í stað þess
að verða lógað,“ segir Elva Björk
og minnist einnig á ný samtök
sem nefnast Velbú og stuðla að
heilbrigðu og góðu lífi fyrir búfé
á Íslandi.
„Vitund fólks á Íslandi fyrir
velferð dýra er að aukast sem er
mjög jákvætt. Ég hef í raun ekkert
á móti því að borða dýraafurðir ef
vel hefur verið farið með dýrin á
þeirra stuttu ævi. Þá er samvisku-
bitið minna og kjötið er betra.“
✽
m
yn
da
al
bú
m
ið
„Ég og Þurý Björk.“„Ég og Mía.“
„Lífið var ljúft í Kostaríku.“