Fréttablaðið - 16.09.2011, Blaðsíða 34
16. september 2011 FÖSTUDAGUR22 22
menning@frettabladid.is
MIKLIMEIR, SÝNING KATRÍNAR ÓLÍNU PÉTURSDÓTTUR, opnar í Gallerí
Spark Design Space í kvöld klukkan átta. Á sýningunni er töframaðurinn Miklimeir kynntur til
sögunnar og frásögn af honum útfærð á teppi. Sýningin stendur til 16. nóvember.
Sjáumst.
Hljómsveitin
Sixties
Stórdansleikur á Kringlukránni
Föstudags- og
laugardagskvöld
Aðeins
1500 kr
aðgangseyrir
krakkar@frettabladid.is
Krakkasíðan er
í helgarblaði Fréttablaðsins
Hildigunnur dýralæknir
sinnir stórum og smáum
dýrum á Dýraspítalanum.
Stærsta nautið var rúmlega
tonn og stærsti kötturinn
var tólf kíló.
Leikhús ★★★★
Uppnám
Þjóðleikhúskjallarinn
Höfundar og leikarar: Pörupiltar (Sólveig Guðmundsdóttir, María
Pálsdóttir og Alexía Björg Jóhannsdóttir) og Viggó/Víoletta (Bjarni
Snæbjörnsson og Sigríður Eyrún Friðriksdóttir).
Geggjun og dásamleg meðvirkni
Í Þjóðleikhúskjallaranum sýnir fjörugur hópur ungra leikara kolgeggjað
uppistand undir yfirskriftinni Uppnám. Þetta er eins og tvískiptur kabarett.
Í fyrri hlutanum segja þrír karlmenn frá lífi sínu og karlmennskureynslu en
þeir kynntust á námskeiði fyrir atvinnulausa. Í síðari hlutanum flytja Viggó og
Víoletta Sjálfshjálparsöngleik.
Sólveig Guðmundsdóttir, Alexía Björg Jóhannesdóttir og María Pálsdóttir
léku karlangana og rúlluðu upp salnum með frammistöðu sinni. Hermann
Gunnarsson er snyrtipinni sem býr hjá mömmu og selur lífrænar tuskur.
María Pálsdóttir virtist þekkja hann út og inn. Alexía Björg Jóhannesdóttir lék
síðhærðan iðjuleysingja með sannfærandi kæki og takta sem einir sér nægðu
til þess að hlægja salinn. Sólveig Guðmundsdóttir dregur upp óborganlega
mynd af skáldi og rappara sem varð að hætta að vinna sem næturvörður á
Mogganum af því það var svo langt að fara. Leikkonurnar hafa húmorinn vel á
valdi sínu og undirliggjandi tregi gerði leikinn enn meira sannfærandi.
Í síðari hlutanum kynnumst við krökkum sem ung fara að skrifast á millum
Bíldudals og Breiðholts og verða síðar par, þó svo að pilturinn virðist ekki
hafa gert sér grein fyrir að hann var frekar hrifinn af strákum. Viggó og Víoletta
sópa erfiðleikum og fordómum undir mottuna og leyfa sér að þeyta sér inn
í draumheima söngleikjanna. Vióletta fer til Broadway en velur svo að koma
heim til Viggós. Bjarni Snæbjörnsson fór með hlutverk Viggós og Víolettu lék
Sigríður Eyrún Friðriksdóttir. Íslenskir textar við alls kyns þekkt söngleikalög
voru smellnir. Sigríður Eyrún heillar salinn með styrkum söng, persónulegum
sjarma og glettni. Bjarni lagði salinn í túlkun sinni á Leif latte-gaur, sem upp-
runalega var samið við lag Marcy. Bjarni og Sigríður voru ærslafengin í leik
sínum og sneru öllu tali um meðvirkni á hvolf þannig að það svínvirkaði.
Fordómar og hvernig þeir taka sér bólfestu í okkur var einnig hluti af þeirra
yrkisefni, en þeim var, eins og öllu öðru í glitrandi bleikum draumheimi, sópað
undir teppið. Engu var ofaukið í þessum tvískipta kabarett og er óhætt að lofa
góðri skemmtun í Þjóðleikhúskjallaranum við dillandi tóna.
Elísabet Brekkan
Niðurstaða: Frábær skemmtun í Þjóðleikhúskjallaranum.
Sinfóníuhljómsveit Gautaborgar
leikur í Hörpu á sunnudag og eru
tónleikarnir liður í ferð sveitar-
innar um Norðurlönd. Þetta er í
fyrsta sinn sem sinfóníuhljóm-
sveitin leikur hér á landi.
Hljómsveitin leikur undir stjórn
Gustavo Dudamel, sem þrátt fyrir
að vera aðeins þrítugur að aldri á
litríkan og merkan feril að baki.
Dudamel er aðalstjórnandi
Gautaborgarsinfóníunnar, tón-
listarstjóri Fílharmóníunnar í Los
Angeles og listrænn stjórnandi
Orquesta Sinfónica Simón Bolívar
í heimalandi sínu, Venesúela.
Gustavo Dudamel er ein skær-
asta stjarnan í tónlistarheiminum
í dag þrátt fyrir ungan aldur. Tón-
listarnám hans hófst í gegnum El
Sistema í Venesúela, kerfi sem
tónlistarmenn um allan heim líta
til sem fyrirmyndar að kerfi tón-
listaruppeldis. Níutíu prósent nem-
enda eru fátæk en fá í gegnum tón-
listarnám tækifæri til að læra á
hljóðfæri og spila í hljómsveit.
Dudamel, sem er sonur tónlistar-
manna, lærði á fiðlu og fékkst við
tónsmíðar en var farinn að læra
tónlistarstjórn fjórtán ára gamall.
Hann hefur vakið mikla athygli,
umfjöllun um hann í fréttaskýr-
ingaþættinum 60 mínútum var
til að mynda kölluð Gustavo the
Great, eða Gústaf mikli, en í nýrri
heimildarmynd, „Let the Children
Play“, segir frá stuðningi hans við
tónlistarnám barna.
Á efnisskrá tónleikanna í Hörpu
verður meðal annars frumflutn-
ingur verksins Tiger Touch eftir
Karin Rehnqvist, Sinfónía nr. 6
eftir Tsjaíkovskí og Klarinettu-
konsert eftir Mozart í flutningi
einleikarans Martins Fröst, sem
er Íslendingum að góðu kunn-
ur, en hann hefur meðal annars
komið fram sem einleikari ásamt
Sinfóníuhljómsveit Íslands. - sbt
Stórstjarna stjórnar í Hörpu
GUSTAVO DUDAMEL Stjórnar Sinfóníu-
hljómsveit Gautaborgar í Hörpu á
sunnudag.
Svartur hundur prestsins,
fyrsta leikverk Auðar Övu
Ólafsdóttur, verður frum-
sýnt í Þjóðleikhúsinu annað
kvöld. Kristín Jóhannes-
dóttir leikstjóri segir höf-
undinn hafa sérstæða sýn
á veruleikann og lag á að
bregða á hann óvenjulegu
ljósi.
Auður Ava Ólafsdóttir hefur
sent frá sér þrjár skáldsögur
við góðar undirtektir en Svart-
ur hundur prestsins, sem verður
frumsýnt í Kassanum í Þjóðleik-
húsinu annað kvöld, er hennar
fyrsta leikrit.
Kristín Jóhannesdóttir leik-
stjóri lýsir leikritinu sem tragí-
kómísku verki þar sem rýnt sé í
skilgreininguna á fjölskyldu og
sannleikanum; hvar eignarhald-
ið á honum liggi og þá um leið á
sjálfum veruleikanum.
Svartur hundur prestsins
fjallar um ættmóður sem býður
syni sínum, tveimur dætrum og
tengdasyni í vöfflur og greinir
þeim frá ákvörðun sem kemur
öllum í opna skjöldu. Dæturnar
þurfa að takast á við gerbreytt-
ar aðstæður í samskiptum við
móður sína en lenda auk þess í
átökum við bróður sinn,
sem kominn er langt að
og hefur ákveðið að gerast
boðberi sannleika sem allir
vilja forðast.
Þetta kann að hljóma
eins og uppskrift að klass-
ísku fjölskyldudrama en
að sögn Kristínar Jóhann-
esdóttur leikstjóra liggur
fiskur undir steini.
„Auður Ava er höfund-
ur með afar sérstaka rödd,
hefur skemmtilegan húmor
á veruleikann og lag á að
setja hlutina í óvenjulegt
samhengi. Hér er farið
inn í fjölskyldu, sem hæg-
lega má skilgreina sem misvirka,
til að draga upp mynd af stærra
samfélagi, og undir lúrir leyndar-
mál. Allt er þetta klassískt í eðli
sínu en aftur á móti er meðhöndl-
unin svo sérstæð; hvernig farið er
yfir öll mörk og landamæri í hlut-
verkaskipan innan fjölskyldunnar
og þar með samfélagsins.“
Hún segir verkið ekki bera þess
nein merki um að vera frumraun
höfundar.
„Það tekur heila ævi að verða
gott leikskáld en ég tel að Auður
Ava sé langt komin.“
Kristbjörg Kjeld leikur ætt-
móðurina, en þær Kristín leiddu
síðast saman hesta sína í Utan
gátta, sem hlaut Grímuverðlaunin
sem sýning ársins 2009.
„Kristbjörg er ein af
okkar mestu leikkon-
um, ef ekki sú mesta.
Þær eru að minnsta
kosti fáar sem standa
henni jafnfætis. Fyrir
leikstjóra er mjög lær-
dómsríkt að vinna með
leikara sem býr yfir
jafn mikilli reynslu og
þroska og Kristbjörg.“
Kristín var lengst af
kvikmyndaleikstjóri en
söðlaði um fyrir nokkr-
um árum, með góðum
árangri, samanber vel-
gengni Utangátta fyrir
tveimur árum. Spurð hvort hún
ætli að helga sig leikhúsinu alfar-
ið héðan í frá segir hún ekkert
fullt og fast í sínu lífi.
„Ég vildi gjarnan ganga inn um
dyr kvikmyndanna aftur en það
er allt að því ofurmannlegt verk-
efni að safna fjármagni fyrir litla
mynd, hvað þá meðalstóra eða
þaðan af stærri. En mér finnst
ævintýralega gaman að vinna í
leikhúsi, þótt ég hafi aldrei sett
stefnuna þangað.“
Með önnur hlutverk í sýning-
unni fara Margrét Vilhjálmsdótt-
ir, Nanna Kristín Magnúsdóttir,
Atli Rafn Sigurðarson og Baldur
Trausti Hreinsson.
bergsteinn@frettabladid.is
Um handhafa sannleikans
KRISTÍN
JÓHANNESDÓTTIR
ÚR SVÖRTUM HUNDI PRESTSINS Kristín Jóhannesdóttir og Kristbjörg Kjeld leiða saman hesta sína á ný. Þær unnu síðast saman í
Utan gátta eftir Sigurð Pálsson, sem var valin sýning ársins á Grímunni 2009. MYND/ÞJÓÐLEIKHÚSIÐ/EDDI