Faxi - 01.02.1957, Blaðsíða 1

FAXI
2. tbl. • XVII. ár
FEBRÚAR
1957
Útgefandi:
Málfundafélagið Faxi
Keflavík.
MATSTOFAN VÍK
Eins og getið var í síðasta blaði, var á
þorradag, þann 25. janúar, opnuð ný og
glæsileg matstofa á Hafnargötu 80 í Kefla-
vík, eða nánar til tekið á gatnamótum
Hafnargötu og Faxabrautar. Matstofan,
um 120 m', er á fyrstu bæð í nýju húsi
og er eign þeirra bræðra, Magnúsar og
Sturlaugs Björnssona, og hefir hún hlotið
nafnið Matstofan Vík. Er þessi staður mjög
stutt frá höfninni og því til stór þæginda
fyrir hafnarverkamenn, sem ekki eiga
heimili í nánd við höfnina og þurfa að
kaupa fæði.
Húsakynni matstofunnar eru hin vist-
legustu og virðist ekkert hafa verið til spar-
að að gera hana aðlaðandi og þægilega
fyrir viðskiptavinina. Er nú þegar búið að
koma þar fyrir borðum og stólum fyrir
um 70 manns, en húsrými er þar fyrir mun
fleiri. Inn af matsalnum er athafnasvæði
afgreisðlustúlknanna afmarkað af hring-
löguðu afgreiðsluborði, en þar afgreiða
gestirnir sig að nokkru leyti sjálfir, taka
ser bakka og áhöld, en stúlkurnar aðstoða
þá og láta matinn á diskana, en hann er
tilbúinn þar og geymdur í tilluktum ílát-
um, þar sem honum er haldið heitum með
rafmagni. Geta menn valið um 3—4 heita
rétti, auk sérrétta, sem tekur lengri tíma
að afgreiða.
Inn af afgreiðslunni er rúmgott eldhús
með nýtízku þægindum og góðum vinnu-
skilyrðum. Má geta þess hér sérstaklega,
að í eldhúsi þessu er allur matur gufusoð-
inn, en það er öryggi fyrir því, að hann
heldur betur næringarefnum sínum. Ur
eldhúsinu er svo gengið niður í stórt
geymsluherbergi, sem jafnframt er notað
til að baka í. Eru þar 3 bökunarofnar,
hrærivél og fleiri áhöld, sem tilheyra starf-
seminni.
Innréttingu alla gerði annar eigandinn,
Sturlaugur Björnsson, raflögn annaðist
Þorleifur Sigurþórsson, miðstöðvarlagnir
gerði Björn Magnússon, en Kristján Sig-
mundsson málaði matstofuna. I stað gólf-
dúka er gólfið lagt sérstöku plastefni, sem
þykir hentugt og varanlegt og ryður sér
mjög lil rúms í nýjum byggingum eink-
um þó á opinberum stöðum. Lagði Pétur
Snæland plastefnið á gólfið. Yfirbryti mat-
stofunnar og annar eigandi er Magnús
Björnsson, en auk hans vinna þar 7 stúlk-
ur og er matstofan opin daglega frá kl. 8
að morgni til 11,30 á kvöldin. Jafnframt
þeirri þjónustu, sem að framan er talin,
mun Matstofan Vík afgreiða mat í pökk-
um út um allan bæ eftir pöntun, en fyrst
um sinn mun hún ekki annast neinar
heimsendingar. Er þetta hreint nýmæli hér
í bæ og ætti að geta orðið til stórþæginda
fyrir fólk, einkum þó, ef um veikindi er
að ræða eða ef góða gesti ber óvænt að
garði.
/
r--
Séð yfir hluta af Vihvviijwy
afgreiðslusal
Matstofunnar Vík,
þar sem borðum * *********
og stólum er liagan-
lega komið fyrir.