Faxi - 01.02.1957, Blaðsíða 2
14
F A X I
MINNINGARORÐ
Aðalsteinn Teitsson
Hinn 14. jan. s. 1. lézt á heimili sínu í
Sandgerði Aðalsteinn Teitsson skcSlastjóri.
Bar andlát hans mjög brátt að, því hann
reis úr rekkju þennan dag heill heilsu en
dauðinn kallaði hann til sín, áður en hann
kæmist til sinna skyldustarfa.
Þegar ég nú setzt niður til að rita örfá
minningarorð um vin minn og samstarfs-
mann, Aðalstein heitin Teitsson skóla-
stjóra, finn ég glöggt til vanmáttar míns.
Eg hefði gjarnan viljað skrifa langa og
góða grein urrt líf hans og störf og hvernig
hann orkaði á mig og alla sína kunningja,
en það verð ég að láta aðra um að gera,
því „Mjök er um tregt tungu at hræra“,
eftir hann látinn.
Aðalsteinn Teitsson andaðist mjög um
aldur fram. Hann var fæddur 20. febr.
1909 í Víðidalstungu, V.-Húnavatnssýslu
og því aðeins tæplega 48 ára gamall, er
hann lézt.
Foreldrar hans voru hjónin Jóhanna
Björnsdóttir og Teitur Teitsson, sem þar
bjuggu lengi.
Aðalsteinn stundaði nám í Hvíárbakka-
skóla veturna 1927—’29 og útskrifaðist úr
Kennaraskólanum 1934.Kennslustörf hefur
hann stundað, sem hér segir: 1 Þorkelshóls-
skólahverfi, Húnavatnssýslu 1929—’38,
skólastjóri barnaskólans í Súðavík 1939—
’46 og skólastjóri barna- og unglingaskól-
hans í Sandgerði frá 1946 til dauðadags.
Mörgum störfum hefur Aðalsteinn sinnt
auk kennslu- og skólastjórastarfanna, m. a.
var hann bókavörður í Súðavík og Sand-
gerði, var í sýslunefnd Vestur-ísafjarðar-
sýslu og einnig í fræðsluráði þar. Var gjald-
keri sjúkrasamlags Súðavíkurhrepps, gjald-
keri rafveitu- og hafnarsjóðs Miðneshrepps
og einnig í hreppsnefnd þar. Þá átti Aðal-
steinn sæti í stjórnum ýmissa félaga, svo
sem ungmennafélags, kaupfélags og fleiri.
Starfsfólk Matstofunn-
ar Vík. — Frá vinstri:
Fjóla Jóhannesdóttir,
Guðrún Halldórsdótt-
ir, Þorbjörg Ragnars-
dóttir, Birna Zophon-
íasdóttir, Sólrún Ein-
arsdóttir. Sitjandi:
Hjónin Valgerður Sig-
urðardóttir og Magnús
Björnsson. — Sigur-
rósu Sæmundsdóttur
vantar á myndina.
Óþarft ætti að vera að kynna yfirbryt-
ann og forstöðumanninn Magnús. Hann
er borinn og barnfæddur Keflvíkingur og
hefir um langt skeið unnið að matreiðslu-
störfum einkum í siglingum, en einnig þó
hjá fyrirtækjum í landi og þar á meðal
Hótei Borg. Vil ég nú að lokum nota þetta
tækifæri til þess að óska þeim bræðrum til
hamingju með þetta myndarlega fyrirtæki,
— já, og okkur öðrum Keflvíkingum, því
vissulega ber manni að gleðjast yfir öllu
liér sem vel er gert, ef það á einhvern hátt
horfir til heilla fyrir byggðarlagið.
Ritstj.
Aðalsteinn Teitsson.
Opinberum störfum liefur hann sinnt í
byggðarlögum sínum.
Kvæntur var hann Guðnýju Björnsdótt-
ur frá Bessastöðum í Vestur-Húnavatns-
sýslu. Áttu þau þrjú börn, Auði og Ragn-
heiði, sem báðar eru uppkomnar og Bessa,
sem enn er í skóla í Sandgerði.
Fyrir 10 árum síðan kynntist ég fyrst
Aðalsteini, og er mér enn í fersku minni,
þá er ég fyrst ræddi við hann um væntan-
legt starf mitt við skóla hans.
Frá þeim tíma tókst hin bezta samvinna
og vinátta milli okkar og eru þær ánægju-
stundir, er ég síðan hefi átt á heimili hans,
óteljandi.
Aðalsteinn var prúðmenni hið mesta,
stjórnsamur og skyldurækinn, svo af bar.
Var hann látlaus í allri framkomu, sama
hver í hlut átti, en þó ófeiminn við að
segja sína meiningu, ef svo bar undir.
Ávann hann sér traust og virðingu allra
sinna nemenda, enda stjórnaði hann skóla
sínum af slíkri alúð og umhyggju, að ekki
varð á betra kosið.
Heimili sínu var Aðalsteinn mjög kær,
enda voru þau hjónin samhent í einu og
öllu og var heimilislíf þeirra allt hið ákjós-
anlegasta.
Með Aðalsteini er fallin í valinn mætur
kennari og skólastjóri, en hin dyggilegu
og vel unnu störf hans munu lifa og bera
ávöxt, þau eru eins og sáðkornið, sem grær
og vex.
Eg votta eftirlifandi konu hans, frú
Guðnýju Björnsdóttur og börnum þeirra,
mina innilegustu samúð og vona, að minn-
ingin um ástríkan eiginmann og föður,
verði þeim raunaléttir og hvatning á lífs-
lciðinni.
Hafst. Guðmundsson.