Faxi - 01.03.1957, Blaðsíða 12
44
F A X I
Stofnað Starfsmannafélag Keflavíkurbæjar.
Stofnfundur Starfsmannafélags Keflavíkur-
bæjar (S.T.K.B.) var haldinn í Sjálfstæðis-
húsinu í Keflavík miðvikudaginn 20. marz
1957. Á fundinum mættu 17 starfsmenn, sem
gegna föstu starfi í þjónustu Keflavíkur-
bæjar, stofnana hans og fyrirtækja.
Markmið félagsins er að vinna að bættum
launa- og ráðningarkjörum meðlima sinna,
jafnframt því sem það vill auka samhug og
samstarf starfsmanna í öllum greinum.
í stjórn félagsins voru kosnir: Björgvin
Árnason formaður, Guðmundur Ingólfsson
ritari og Ingveldur Þorsteinsdóttir gjaldkeri,
en í varastjórn: Sigtryggur Arnason form.,
Hjalti Sigurðsson ritari og Sigurður Eyjólfs-
son gjaldkeri. Endurskoðendur voru kosnir:
Arnbjörn Ólafsson og Pétur Lárusson og til
vara Skúli Oddleifsson.
Saumanámskcið.
Kaupfélag Suðurnesja hélt saumanámskeið
fyrir félagskonur nú í febrúar og marz s.l.
með svipuðu móti og undanfarin ár. Þátt-
takendur voru 35 konur. Kennari var frú
Kristjana Kristjánsdóttir úr Reykjavik.
Saumaðar voru 289 flíkur, kjólar, draktir,
barnafatnaður o. fl. Eins og að undanförnu
greiddi kaupfélagið helming kostnaðar og
gaf 10% afslátt af keyptum efnum í vefnaðar-
vörubúð félagsins. Saumanámskeiðið var
haldið í félagsheimili kvenfélagsins, Tjarnar-
lundi.
í lok námskeiðsins bauð kaupfélagið kon-
unum til kaffidrykkju á sama stað. Mættu
þar kaupfélagsstjóri og formaður félagsins,
sem ávörpuðu konurnar. Auk þess tóku til
máls frá Þórhildur Valdimarsdóttir, sem
þakkaði forstöðukonu ágæta kennslu og
færði henni, kaupfélagsstjóra og stjórn félags-
ins, viðurkenningu fyrir ágætt námskeið.
Frú Ásta Árnadóttir sýndi skuggamyndir
úr sumarferðalagi félagskvenna á vegum
kaupfélagsins að Bifröst í Borgarfirði og
víðar að. Frú Fríða Sigurðsson las frumort
gamankvæði tileinkað saumanámskeiðinu
sem vakti mikla ánægju.
Fyrir hönd kaupfélagsins sáu um nám-
skeiðið þrjár felagskonur, þær frú Þórhildur
Valdimarsdóttir, frú Ásta Árnadóttir og frú
Sigurbjörg Pálsdóttir.
Iíeilsuverndarfélag Keflavíkur
og nágrennis hélt aðalfund sinn föstudaginn
29. marz í Tjarnarlundi. Mættir voru á fund-
inum Sigurjón Danivalsson, fulltrúi Náttúru-
lækningafélags Islands og Ulfur Ragnarsson
læknir heilsuhælisins í Hveragerði. Fluttu
þeir báðir erindi á fundinum. Stjórn félagsins
var endurkosin, þ. e. a. s. form. Kristín Dani-
valsdóttir, gjaldkeri Guðlaugur Sigurðsson
og Þorgerður Einarsdóttir, en í stað Torfa
Guðbrandssonar og Lóu Þorkelsdóttur, sem
báðust undan endurkosningu, voru kosin:
Hansína Kristjánsdóttir og Einar Ólafsson.
Varastjórn var öll endurkosin, en hana skipa
Pétur Lárusson, Helga Einarsdóttir og Geir
Þórarinsson. Endurskoðendur eru Árni Jóns-
son og Haraldur Magnússon.
Eftir fundinn var öllum fundarmönnum og
gestum þeirra boðið til tedrykkju, þar sem
eingöngu voru á borðum náttúrulækninga-
réttir framreiddir af félagskonunum sjálfum
af hinum mesta myndarbrag.
Ný og glæsileg sölubúð.
Fyrir nokkru flutti verzlunin „Nonni og
Bubbi“ í hið nýja og vandaða verzlunarhús
sitt að Hringbraut 94 í Keflavik.
Búðin er rúmgóð og búin öllum nýjustu
verzlunartækjum. Þar eru seldar kjötvörur,
nýlenduvörur, búsáhöld og vefnaðarvara. Eru
þó allir vöruflokkarnir aðgreindir á smekk-
legan hátt. Þykir þetta nýja og vistlega
verzlunárhús á ýmsan hátt mjög til fyrir-
myndar.
I
Gúmmístígvél
há og lág
Sjóstakkar — Sjóhattar
Svjintur — Vettlingar
Vinnuföt, margar gerðir
Gúmmídúkur á stiga og
ganga
Plastdúkur á stiga og ganga
Tarkettflísar á gólf
Línóleum væntanlegur
Plast á borð í metratali
margir Iitir
Ennfremur Allskonar lím
KAUPFÉLAG SUÐURNESJA
Járn & skipavörudeild
><><><><><><><><><><><><><><><><><>^
Leikritið Kennslustundin eftir Ólaf Ö. Árnason var leikið i barna-
stúkuafmælinu 6. marz 1957. Leikendur voru: Standandi frá vinstri:
Sigríður Þórólfsdóttir, Eiríka Haraldsdóttir, Rut Lárusdóttir, Sigurveig
Sæmundsdóttir og Guðlaug Jónína Sigtryggsdóttir. Sitjandi frá vinstri:
Guðrún Eyjólfsdóttir, Ásdís Kristinsdóttir, Guðfinna Arngrímsdóttir,
Júliana Ólafsdóttir, Sveinbjöm Jónsson, Kjartan Sigtryggsson, Þórir
Baldursson og Guðmundur Guðbjörnsson.
Mæður athugið
Faccófötin eru falleg ferm-
ingarföt
Faccó, Laugaveg 37
Reykjavík
KEFLAVÍK - KEFLAVÍK
Til fermingargjafa
REIÐHJÓL, KVEN OG KARLA
Kaupfélag Suðurnesja