Faxi - 01.10.1957, Blaðsíða 5

F A X I
89
Akranes - Keflavík 4:2
Sunnudaginn 22. sept. s.l. var háður
knattspyrnuleikur á grasvellinum í Njarð-
vík milli Islandsmeistaranna frá Akranesi
og Keflvíkinga. Akurnesingar mættu til
leiks með alla Islandsmeistarana að ein-
um undanskildum, en Keflvíkingar tefldu
fram úrvalslyði I. B. K.
I fyrri hálfleik voru Akurnesingar meir
í sókn en þó náðu Keflvíkingar hættu-
legum sóknarlotum. Staðan í hálfleik var
sú, að Akurnesingar höfðu skorað 3 mörk
en Keflvíkingar 1 mark. Tvö af mörk-
unum, sem Keflvíkingar fengu í fyrri
hálfleik, voru mjög slysaleg og hefði mark-
maður átt að verja þau auðveldlega. I
síðari hálfleik sóttu Keflvíkingar sig mjög
og voru þeir meirihluta hans í sókn. Þó
tókst þeim ekki að skora, nema einu sinni,
þrátt fyrir góð tækifæri. Akurnesingar
settu einnig eitt mark í þessum hálfleik.
Urslit leiksins urðu því 4:2 fyrir Akra-
nes og voru það sanngjörn úrslit eftir
gangi leiksins. Hiklaust má telja þennan
leik þann bezta, sem Keflvíkingar hafa
nokkru sinni leikið og þrátt fyrir það
þó hinir sigursælu Akurnesingar sigruðu,
nia telja þennan leik stórsigur fyrir kefl-
víska knattspyrnu. (Þess má geta hér til
gamans að hálfum mánuði seinna léku
Akurnesingar við úrvalslið Reykjavíkur
og sigruðu Akurnesingar þá með 5 mörk-
um gegn engu).
Sólarlagsvísur vorið 1957
Er að síga í útnorðri
eygló fögur þessa dagsins.
Allir menn á íslandi
elska dásenid sólarlagsins.
Geisla prýðir gullslituð
guðs af náðar sprottin fræi.
Alvalds dýrðin uppmáluð,
er í þessu sólarlagi.
Sigurður Magnússon
Sóleyjan
Sóley túna litar lönd —
ljómi fægir náltúrunnar
Inn lil dala og út við strönd
eru breiður hennar kunnar.
Það er blíður þjóðhátíðar þessi dagur
æ hér ríkir unaðsbragur
eflist Keflavíkur hagur.
S. M.
Stórbruni í Keflavík.
A sunnudagsmorguninn, þ. 6. okt., varð
stórbruni í Keflavík, er Hraðfrystistöð Kefla-
víkur varð fyrir miklum skemmdum af eldi.
Kl. 8 um morguninn var Slökkviliðið í Kefla-
vík kvatt á vettvang og kom það með einn
bíl og dælu, auk þess sem slökkvilið Kefla-
vikurflugvallar kom á staðinn með tvo stóra
bíla.
Þegar slökkviliðið kom að Hraðfrystistöð-
inni, hafði sýnilega logað lengi, enda var
eldurinn kominn út um glugga hússins.
Skömmu síðar féll svo húsið. Vinnusalur og
móttökusalur voru orðnir alelda og líka hafði
eldur komizt í vélasalinn. Var dælt vatni í
vélarnar og tókst þannig að bjarga þeim frá
stórskemmdum.
Slökkviliðinu heppnaðist að verja frysti-
klefa, en þó urðu allmiklar skemmdir af vatni.
Verður að öllum líkindum að rífa þá að
mestu, þar sem vatn mun hafa komizt í ein-
angrunarkerfið. Ein frystivélin, sem frystir
stærsta klefann, er komin í gang að nýju
og teljandi skemmdir urðu ekki á hinum
frystivélunum.
Slökkvistarfið stóð yfir mest allan sunnu-
daginn, enda tafði stormur nokkuð. Hins
vegar var nægur sjór til að dæla á eldinn
fyrir hendi.
Ovíst er um upptök eldsins. Enginn maður
var í húsinu frá því á laugardagskvöld er
vinnu var hætt. Engar vélar voru heldur í
gangi og mun málið vera í rannsókn. Tjón
er talið vera mjög mikið.
Gagnfræðaskólinn í Keflavík
var settur í kirkjunni 2. okt. Um 220 nem-
endur verða í skólanum í vetur, en það
er allmiklu fleira en síðastliðinn vetur. Skól-
inn starfar í 9 deildum og er ein þeirra til
húsa i Sjálfstæðishúsinu. Helztu breytingar
á kennaraliði skólans eru, að þeir Gunnar
Gunnlaugsson, Hermann Guðmundsson og
Guðmundur Norðdahl létu af störfum, en
að skólanum komu Sigfinnur Sigurðsson,
Björn Guðnason og Jens Tómasson. Gerður
Sigurðardóttir kennir nú aftur við skólann
í stað Þórveigar Sigurðardóttur, sem ann-
aðist handavinnukennslu fyrir Gerði síðast-
liðinn vetur. Séra Björn Jónsson mun nú
aftur kenna kristinfræði. Að öðru leyti er
kennaraliðið óbreytt. Skólinn mun starfa með
sama hætti og verið hefur, en gert er ráð
fyrir, að kennsla í leikfimi geti byrjað í
vetur, er íþróttahúsið við barnaskólann verð-
ur fullgert, en það hefur verið í smíðum
undanfarin ár.
Utsölustaðir Faxa utan Keflavíkur:
Keykjavík: Söluturninn við Arnarhól.
Hafnarfjörður: Verkamannaskýlið.
Grindavík: Útibú Kaupfélags Suðurnesja.
Sandgerði: Kaupfélagið Ingólfur.
Á Vatnsleysuströnd annast Viktoría Guð-
mundsdóttir, fyrrverandi skólastjóri, útsölu
blaðsins.
I Garði og Lciru: Sigurður Magnússon í
Valbraut.
I Keflavík fæst Faxi á eftirlöldum stöðum:
Bókabúð Keflavíkur, Verzlun Danivals
Danivalssonar, Verzlun Þórðar Einarssonar, í
bryggjuviktarskúrnum og í Matstofunni Vík.
Umdæmisstúkan.
Akveðið hefir verið, að haustþing Um-
dæmisstúku Suðurlands verði haldið í Kefla-
vík þann 10. nóvember.
Samnorrænu sundkcppninni
lauk 15. sept. Þátttaka í keppninni var
minni en síðast. I Sundhöll Keflavíkur syntu
662 Keflvíkingar og 377 utanbæjarmenn eða
alls 1039 manns.
Innlónsdeild
Kaupfélags Suðurnesja greiðir yður 6V2% innlánsvexti.
Avaxlið sparifé yðar hjá okkur.
Kaupfélag Suðurnesja
Innlánsde'ld.
HEKLU
barnaúlpur í miklu úrvali.
Grillon Mcrinó ullargarn. — Lopi. — Band.
Kaupfélag Suðurnesja
vefnaðarvörudeild.