Faxi - 01.10.1957, Blaðsíða 7
F A X I
91
Nætur- og hclgidagalæknar í Kcflavíkur-
Iicraði í októhcr 1957:
30. sept til 4. okt. Guðjón Klemensson.
5.—G. okt. héraðslæknir.
7.—11. okt. Bjarni Sigurðsson.
12.—13. okt. Guðjón Klemenzson.
14.—18. okt. Björn Sigurðsson.
19.—20. okt. Bjarni Sigurðsson.
21.—25. okt. héraðslæknir.
26.—27. okt. Björn Sigurðsson.
28. okt til 1. nóv. Guðjón Klemenzson.
Síldvciðarnar fyrir norðan.
Þann 19. júní bárust fyrstu síldveiðifregn-
irnar frá Norðurlandi, að Norðmenn. væru
að fylla skip sín þar nyrðra og sigla þeim
hlöðnum til Noregs, meðan Islendingar væru
enn í rólegheitum að útbúa sín skip til síld-
veiðanna. Við fregn þessa varð uppi fótur
og fit í verstöðvunum hér sunnanlands og
allir þeir bátar, sem tilbúnir voru, lögðu
strax á stað norður, en við hina var unnið
nótt og dag. Fyrstu bátarnir, sem komu á
síldarsvæðið, þar sem Norðmennirnir voru
að veiðum, fengu tvo til þrjá farma i fyrstu
hrotunni, og varð útkoman hjá þeim mun
betri á sumrinu en hjá hinum, sem seinna
komust til veiðanna og misstu af fyrstu
síldinni, enda varð aldrei framar á sumrinu
jafn góð og almenn veiði. Mæltum við af
þessu læra, að nauðsynlegt er að hefja síldar-
leit með flugvélum mun fyrr og kappkosta,
að hafa bátana einnig fyrr tilbúna en verið
hefir fram að þessu.
Fjárhirðing.
I sumar lét Keflavíkurbær girða af bæjar-
landið fyrir ágangi búfjár, sem fram til
þessa liefir leikið hér lausum hala í húsa-
görðum almennings og eyðilagt vilja hans
og viðleitni til þess að koma sér upp trjá-
og blómareitum kring um hýbýli sín. Það
er því mikið gleðiefni, að bærinn skuli hafa
komið þessu nauðsynjamáli í framkvæmd,
enda vænta mcnn sér mikils af girðingunni
þegar hún er fullgerð.
Iþróttasvæði vígt.
I sumar var vígt íþróttasvæði Njarðvíkur
og um leið tekinn í notkun knattspyrnu-
grasvöllur, sem talinn er einn hinn bezti
sinnar tegundar hér á landi. Við þetta tæki-
færi flutti formaður félagsins, Ólafur Sigur-
jónsson ræðu, sem verður birt hér í blaðinu
síðar.
Ilcilbrigðisfulltrúi.
Fyrir skömmu tók til starfa hér í Kefla-
vik ný grein hinnar opinberu þjónustu.
Samkvæmt ákvörðun heilbrigðisnefndar og
bæjarstjórnar hefir nú tekið til starfa heil-
brigðisfulltrúi, er hafi yfirumsjón með heil-
brigðiseftirliti bæjarins og sjái um fram-
kvæmd þess. Starf heilbrigðisfulltrúa í ört
vaxandi bæ cins og Keflavík, sem vissulega
hefur í mörg horn að líta, er viðtækt, þýð-
ingarmikið og nauðsynlegt. Helgi S. Jóns-
son, sem um langt skeið hefir unnið að þess-
um málum í hjáverkum, hefir nú verið ráð-
inn heilbrigðisfulltrúi Keflavíkur og er hann
nú tekinn til starfa. Aðspurður segir Helgi,
að alll það, sem verða megi til fegrunar
bæjarins heyri undir starf fulltrúans og
því séu sér allar tillögur þar að lútandi mjög
kærkomnar.
Skrifstofa heilbrigðisfulltrúa er að Hafnar-
götu 27, uppi, og er siminn þar 420 B, Verður
skrifstofan fyrst um sinn opin frá kl. 9—12
og kl. 17—19.
Trcsmiðavinnustofa.
Einar Þorsteinsson hefir opnað nýja tré-
smíðavinnustofu á Hringbraut 81 í Keflavík.
Flatarmál verkstæðisins er um 100 fermetrar
og er þar rúmgóður vinnusalur, nýr og
skemmtilegur vélakostur og má þar m. a.
nefna brýningarvél til þess að brýna hjól-
sagarblöð og tennur í þykktarhefla. Ætti
að verða mikill hægðarauki að þessari vél
hér í Keflavík, því að fram að þessu munu
menn hafa þurft með slík tæki til Reykja-
víkur, ef þau þurftu að brýnast. Nú geta
menn fengið þessi tæki sín brýnd á verk-
stæðinu hjá Einari Þorsteinssyni. Eins og
auglýsing frá fyrirtækinu á öðrum stað hér
í blaðinu ber með sér, þá eru þar aðallega
smíðaðar eldhúsinnréttingar, hurðir og
gluggar.
Kominn licim.
Sóknarpresturinn, sr. Björn Jónsson, er
nú kominn heim frá þýzkalandi, en þar hefir
hann dvalizt við nám síðan í október í fyrra.
Lætur presturinn mjög vel af dvöl sinni í
Þýzkalandi, er hann segir að hafi verið í alla
staði hin ánægjulegasta.
Bréf scnt Faxa.
Vill blaðið gjöra svo vel að koma eftir-
farandi fyrirspurnum á framfæri:
1. Er leyfilegt að ala upp hunda, sem ganga
lausir á götum bæja eins og Keflavík?
Sé svo ekki, hvers vegna er þá ekki reynt
að koma í veg fyrir þetta, og menn látnir
sæta ábyrgð lögum samkvæmt. Eða getur
það verið, að hvorki lögregla eða heil-
brigðiseftirlitið komi auga á þessa hunda,
sem æða hér um göturnar með háværu
gjammi jafnt á degi sem nóttu. Þessi
hundaeign hér í Keflavík virðist nú fara
ört vaxandi, en sem sagt, er ekkert við
þetta að athuga?
2. Hvað segir lögreglusamþykkt Keflavíkur
um kattaeign bæjarbúa og alla þá villi-
kattamergð, sem hér er að verða til, og
undir þennan lið mætti einnig nefna þá
herskara af dúfum, sem hér fylla loftin
og svífa yfir vötnunum. Þarf ekki eitthvað
að gera í þessum málum nú hið skjót-
asta?
I sumar var mér oft gengið fram lijá
barnaleikvellinum milli verkamannabú-
staðanna í Keflavík. Má segja, að völlur
þessi hafi verið vel staðsettur og tillölu-
lega vel hafi verið að honum búið. Hann
hefir líka um árabil komið í góðar þarfir,
þar sem fjölmörg barnaheimili hafa verið
búsett þar í nágrenni, enda hefir oft mátt
sjá þar stóra hópa af frjálslegum börn-
um, sem hafa kunnað að meta gildi vall-
arins til alls konar leikja. En sem sagt,
þannig var þetta, en í sumar fanns.t mér
þetta vera með allt öðrum blæ og það
er einmitt þess vegna að ég vil gera þetta
að umtalsefni. Nú sýnast mér smábörnin
hafa orðið að víkja af þessum blessaða
leikvelli sínum, vegna uppivöðslusamra
unglingsdrengja, sem virðast hafa lagt
undir sig þennan vígða reit smábarnanna,
eru þar löngum í knattspyrnu eða fara
um leikvöllinn á reiðhjólum hópum saman
og einu sinni sá ég þar stálpaða drengi á
mótorhjólum og virtist mér enginn hafa
neitt við þessu að segja. Nú langar mig
að biðja Faxa að koma þessum fyrirspurn-
um mínum á framfæri, ef það mætti verða
til þess, að einhver leiðrétting fengist á
þessum málum. Með fyrirfram þökk fyrir
birtinguna. Bæjarmaður.
Frainkvæmdir á vcgum Kcflavíkurbæjar
Þann 17. ágúst skoðuðu fréttamenn útvarps
og blaða nýjar framkvæmdir á vegum Kefla-
víkurbæjar.
Skrifstofur bæjarins eru nú fluttar í nýtt
og vistlegt húsnæði, sem er öll efri hæðin
í hinu nýja húsi Aætlunarbifreiða Kefla-
víkur, er reist var í fyrra, en eins og kunn-
ugt er á bærinn það fyrirtæki, og rekur það
sem sjálfstæða stofnun. Er húsið 135 ferm.
að flatarmáli á tveimur hæðum. Neðri hæðin
öll er notuð fyrir áætlunarbifreiðarnar, en
eins og fyrr segir eru skrifstofur bæjarins
á efri hæð hússins og er þar einnig skrif-
stofa sjúkrasamlags Keflavíkur.
Allt tréverk er unnið á verkstæði Þórar-
ins Ólafssonar og er það allt smekklegt og
vandað. Teikningar gerði Gunnar Þ. Þor-
steinsson. Ónnur vinna við bygginguna er
unnin af keflvískum fagmönnum, sem allir
virðast hafa leyst verk sitt vel af hendi hver
á sínu sviði. Næst var skoðað áhaldahús
bæjarins sem er ný og nokkuð stór bygging.
Er þar undir sama þaki viðgerðarverkstæði
véla og vinnutækja bæjarins og geymsla
annarra áhalda, og svo steina og rörasteypan,
þar sem t. d. eru framleiddir hellusteinar í
gangstéttir bæjarins og svo skólprörin.
Verkstjóri bæjarins, Guðni Bjarnason út-
skýrði fyrir bæjarstjóm og blaðamönnum
þá starfsemi, er þarna fer fram.