Faxi - 01.11.1957, Blaðsíða 6
102
F A X I
Reykjavík 4. apríl 1939 en Magnús maður
hennar lézt 24. febrúar 1927, en hann var
fæddur 29. ágúst 1851 í Reykjavík, sonur
Guðna formanns í Miðholti í Reykjavík,
Einarssonar og konu hans Guðrúnar
Magnúsdóttur.
Rétt eftir aldamót fluttist í bæ þeirra
Magnúsar og Rannveigar Hjörtur Ey-
steinsson og með honum ráðskona hans,
Jóhanna Jónsdóttir, bjuggu þau þar til
æviloka.
Hjörtur var f. 6. ágúst 1859 á Gljúfri
í Olfusi. Voru foreldrar hans Eysteinn
Hjartarson bóndi þar og kona hans, Mál-
fríður Guðmundsdóttir. Hjörtur, afi
Hjartar i Keflavík, hafði einnig búið á
Gljúfri, hann var Eysteinsson og hafði
sá Eysteinn búið á Bakka í Ölfusi, var
hann fjórði maður í beinan karllegg frá
Magnúsi lögréttumanni á Arbæ í Holt-
um, bróður Þorleifs lögmanns.
Málfríður móðir Hjartar flutti á efri
árum suður í Keflavík til sonar síns og
dvaldist hjá honum til æviloka. Hún var
myndarleg kona í sjón, hæglát og stilli-
leg í framkomu. Hún mun hafa kynnst
örfáum þar syðra. Hún var fædd 6. okt.
1832 á Torfastöðum í Grafningi. For-
eldrar hennar voru Guðmundur Jónsson
og kona hans Vigdís Olafsdóttir, er síðar
bjuggu í Tungu í Grafningi.
Málfríður andaðist í Keflavík 10. júlí
1915. Hjörtur mun hafa verið vel greind-
ur, átti hann talsvert af bókum. Veit ég
það af því að faðir minn fékk stöku sinn-
um lánaðar bækur hjá honum. Faðir
minn leit inn til hans öðru hvoru, en
aldrei man ég eftir að Hjörtur kæmi á
heimili foreldra minna. Eg held að hann
hafi verið einrænn og fáskiftinn. Hann
kvæntist ekki og átti ekki börn. Hjörtur
andaðist á Hafnarfjarðarspítala 16. febr.
1939.
Jóhanna Jónsdóttir ráðskona Hjartar
var fædd 8. júlí 1849 í Laxárdal í Eystri-
hrepp. Foreldrar hennar voru Vilborg
Einarsdóttir bónda í Laxárdal, Jónssonar
og Jón Jónsson systursonur Gests á Hæli,
Gíslasonar. Þau bjuggu síðar í Litlagerði
og víðar í Grindavík.
Jóhanna var alsystir Einars hreppstjóra
á Hofi í Garði, síðar um skeið kaup-
manns í Keflavík. Voru þau systkin að
mörgu ólík því sem fólk er flest, undarleg
í háttum og nokkuð hrjúf í daglegri um-
gengni, einkum Einar. En greind munu
þau hafa verið bæði tvö.
Einari tókst það, sem svo fáum hefur
tekizt, að koma boðum yfir landamæri
lífs og dauða og þar með sanna tilveru
sína eftir líkamsdauðann. En það tel ég
hiklaust að honum hafi tekizt. Get ég
ekki stillt mig um að segja þá sögu hér.
Einar varð fyrir bíl á Hafnargötunni í
Keflavík, þann 28. apríl 1920 og dó sam-
stundis.
Síðla sumars 1920 kom hingað til lands
enskur miðill Peters að nafni. Hann hélt
nokkra fundi í Iðnó fyrir fullu húsi og
lýsti þar fjölda fólks, er dáið var og könn-
uðust þar flestir við nána vini og vanda-
menn.
A einum fundinum í Iðnó segir hann
eitthvað á þessa leið: ,,Hér kemur maður
gangandi inn gólfið, hann ætlar ekki að
finna neinn hér, en hann hefur samt brýnt
erindi.“ Tekur hann nú að lýsa mann-
inum, segir hann hafa haft einkennilega
takta og hermir um leið eftir honum svo
vel, að ég þekkti þar á augabragði Einar
Jónsson fyrrum hreppstjóra.
Einn var sá kækur hans, að er hann
talaði við einhvern og hafði þótt sér vel
takast í orðræðu eða tilsvörum hló hann
við og stökk þá eða hóf sig á loft aftur
á bak. Voru þessi stökk stundum furðu
löng.
Mun þessi kækur vera sjaldgæfur ef
ekki einsdæmi. Miðillinn hermdi þennan
kæk svo vel eftir, að engu var líkara en
Einar væri þar sjálfur. Sagði miðillinn
að þetta stökk hefði orðið hans bani, því
að hann hefði stokkið fyrir bílinn á
þennan hátt. Væri hann hingað kominn
til þess að segja frá þessu því að ekki
mætti falla neinn skuggi á bílstjórann,
hann hefði ekki getað afstýrt þessu. Lýsti
miðillinn umhverfi Hafnargötunnar í
Keflavík svo vel að betur varð það ekki
gjört. Síðan spyr miðillinn: „Kannast
nokkur hér við þennan mann?“ Eg æd-
aði að svara ,því játandi, en heyri þá rödd
Þórðar Sveinssonar læknis. „Já, cg þekki
hann vel, þetta er hárétt.“ Prófessor
Þórður talaði um þetta við mig eftir fund-
inn, kom okkur saman um að betur væri
ekki unnt að sanna sig eftir líkamsdauð-
ann, enda var sönnunargildið þeim mun
ágætara þar sem miðillinn var útlendur
maður, sem kunni ekki orð í íslenzku.
Við réttarrannsókn út af slysi þessu
kom í ljós af framburði sjónarvotta, að
Einar hafi gengið fyrir bílinn á þann
hátt er miðillinn lýsti.
Gott drengjahjól til sölu. Upplýsingar
á Brekkubraut 7, Keflavík.
ÆÐARDÚNSÆNGUR
Hinar vönduðu og vinsælu æðardúnsængur á dún-
hreinsunarstöð Péturs Jónssonar, Sólvöllum, Vogum,
eru ávallt fyrir hendi til sölu.
Dúnn og léreft alveg fyrsta flokks.
Verðið mun lægra en annarsstaðar.
Sendi gegn póstkröfu hvert á land sem er.
Æðardúnsængur eru góð gjöf — gullsígildi.
SÍMI 17. UM HÁBÆ.
TILKYNNING FRA SKRIFSTOFU KEFLAVIKURBÆJAR
Utsvarsgreiðendur í Keflavík eru minntir á að greiða útsvarsskuldir
sínar og fasteignaskatta nú þegar. Samkvæmt lögtaksúrskurði er upp
hefur verið kveðinn verða lögtök látin fara fram án frekari fyrirvara
fyrir ógreiddum útsvörum og fasteignaskatti þeirra, sem ekki greiða
reglulega af kaupi eða hafa samið um lokagreiðslu fyrir ákveðinn dag.
BÆJARGJALDKERINN