Faxi - 01.12.1957, Blaðsíða 25

F A X I
133
Kristinn Pétursson
opnar listkynningarsal
ávegum Bókabúðar
Keflavíkur
Laugardaginn 16. nóv. s.l. opnaði
Kristinn Pétursson bóksali, listsýningar-
sal í húsi sínu við Hafnargötu í Kefla-
vík, að viðstaddri bæjarstjórn, fréttamönn-
um og fleiri gestum. Salur þessi er á neðri
hæð hússins til hliðar við bókabúðina og
er samgengt þar á milli. Salurinn er vel
bjartur og snýr glugginn út að Hafnar-
götunni, svo auðvelt er að sjá sýningar-
munina utan frá götunni, enda má segja,
að fyrir þann er sýnir hverju sinni, skipti
þetta engu máli fjárhagslega, því aðgang-
ur að sýngngarsalnum er ókeypis hvort
eð er.
Sá listamaður, sem við þetta tækifæri
átti málverk sín í salnum, var tónskáldið
Sigfús Halldórsson. Sýndi hann þarna 16
vatnslitamyndir, sem allar eru frá Kefla-
vík. Þóttu myndirnar mjög fallegar og
vel gerðar. Hafði listamaðurinn dvalið
hér á s.l. sumri að áeggjan og í boði Helga
S. Jónssonar.
Við þetta tækifæri ávarpaði Kristinn
Pétursson viðstadda. Gat hann þess, að
frá örófi alda hefði prentlistin og málara-
listin, — bókin og myndin — íylgzt að og
væri svo enn. Hefði það snemma vakað
fyrir sér að koma upp þessum sýningar-
sal og fá hingað suður sýnishorn af öllu
því sem gerðist á sviði málaralistar í land-
inu. Hann þakkaði listamanninum, Sig-
fúsi Halldórssyni, er fyrstur hefði verið
til þess að opna hér málverkasýningu.
Taldi Kristinn að málverkin, sem þarna
voru sýnd og öll voru af húsum, bátum
og stöðum í Keflavík, mundu í framtíð
hafa sögulega þýðingu fyrir Keflavík.
Listamaðurinn, Sigfús Halldórsson tók
næstur til máls og ávarpaði gestina nokkr-
um orðum og flutti þeim kveðju mennta-
málaráðherra, er eigi gat verið viðstaddur.
Að síðustu sagði bæjarstjórinn, Valtýr
Guðjónsson, nokkur orð og þakkaði þeim
Kristni og Sigfúsi framtakssemi þeirra og
þann skerf er þeir með þessu hefðu lagt
til menningarstarfsemi bæjarins.
Birtast myndir af nokkrum þessara
listaverka, sem flest munu hafa selst á
skömmum tíma.
Ritstj.
Frá Keflavíkurhöfn.
„Gamla húsið“.
Hús í Keflavík.