Faxi - 01.02.1960, Blaðsíða 10
26
F A X I
MINNINGARORÐ:
Alexander Klemenzson
Þótt við vitum og gerum okkur oft fulla
grein fyrir, að vistaskiptin miklu, er við
köllum dauða, geta borið að á hverjum
tíma, og að þau eru eins tengd lífinu eins
og dagurinn nóttinni, þá verður okkur
það ósjálfrátt að staldra við til íhugunar
hverju sinni, er samferðamaður flytur úr
hópnum yfir landamæri þessa lífs. Og
efst í huga verður þá oft spurningin:
Hvers vegna fengum við ekki að njóta
samfylgdar hans lengur?
Þannig varð mér í huga, er ég frétti
lát Alexanders Klemenzsonar, Hólabraut
16, Keflavík, en hann lézt í Bæjarsjúkra-
húsi Keflavíkur 20. jan. s.l. eftir skamma
legu.
Alexander Klemenzson var Grindvík-
ingur. Hann var fæddur í Krosshúsum 6.
okt. 1898. Foreldrar hans voru hjónin
Halldóra Olafsdóttir og Klemenz Jónsson
er þar bjuggu þá.
Systkini Alexanders voru 5 og er Guð-
jón Klemenzson Vesturbraut 7 í Kefla-
vík eitt þeirra og tvíburabróðir Alexanders.
1 Grindavík ólst Alexander upp og
starfaði, þar til hann flutti til Ytri-Njarð-
víkur 1940.
A uppvaxtarárum hans var ekki margra
kosta völ um lífsstarfið. Allir, sem þrek
og þor höfðu til vinnu, urðu að berjast
við konung Ægi og sækja í hans greipar
björg í bú. Lífsaðstaða Alexanders var
þar engin undantekning, enda fór hann
snemma í skiprúm, sem þá var venja.
Árið 1926 er merkisár í sögu Grindavík-
ur. Þá eru þar í fyrsta sinn gerðir út vél-
bátar. Þessir bátar voru að vísu opnir og
eigi stærri en róðrarbátarnir, sem fyrir
voru.
Alexander var þá 28 ára gamall. Hann
hafði numið sín fræði í skóla reynslunnar,
á opnu fleyi, knúið árum og seglum.
Hverja einkunn hann hefur þar hlotið,
sést bezt á því, að honum er treyst til þess
að taka að sér formennsku á öðrum bátn-
um. Báturinn hét Sigríður og var eign
Sigurðar Sigurðssonar, er þá bjó þar.
Formaður var Alexander síðan í 11 ver-
tíðir og fór formennskan farsællega úr
hendi.
Auk sjómennskunnar lieima á vetrar-
vertíðum, stundaði hann alla algenga
vinnu heima og að heiman. Eins og þá
Alexander Klemenzson.
var títt, fór hann í atvinnuleit að heiman
á sumrum. Hann stundaði sjóróðra á
Austfjörðum, síldveiðar fyrir Norðurlandi
og kaupavinnu í Borgarfirði. Eftir að hann
fluttist til Ytri-Njarðvíkur stundaði hann
sjóinn og var þar við vélbátana. En síð-
ustu árin var hann bílstjóri hjá H. í. S.
á Keflavíkurflugvelli. Hann hafði snemma
á árum lært að stjórna bifreið og var með
þeim fyrstu, er bílpróf höfðu í Grindavík.
Alexander var giftur Valgerði Páls-
dóttur, ágætis konu, ættaðri úr Grinda-
vík. Þau áttu engin börn, en með þeim
ólst upp sonur hennar, Páll Sveinsson,
sem Alexander gekk í föður stað. — Voru
þau hjónin samhent og hjónaband þeirra
farsælt. Þau fluttu til Keflavíkur árið
1954 og byggðu myndarlegt hús að Hóla-
braut 16, ásamt Páli, sem þar býr einnig.
Eg kynntist Alexander fyrir nokkrum
árum á vettvangi félagsmálanna. Þar
kynntist ég hans góðu kostum, forustu-
hæfileikum hans, réttsýni og drenglyndi.
Hann vildi kynna sér málin til hlýtar,
áður en hann tæki til þeirra afstöðu, og
væri afstaða hans já-kvæð, var ekki að
efa, að hann leggði málinu það lið, er
hann mætti. Hann var því vel til forustu
fallinn og kunnu starfsfélagar hans vel
að meta það.
Fyrir þessi kynni mín af Alexander vil
ég, með línum þessum, færa honum mínar
þakkir og bið guð að blessa ástvinum
hans minningu hins látna drengskapar-
Sveinbjörn Sveinbjörnsson
Fæddur 27. maí 1952.
Dáinn 17. janúar 1960.
Kveðja frá þínum leikbróðir, Oskari
Guðjónssyni.
Nú leiðir skilja, ljúfi vinur kæri,
í ljóssins heimi cnglar fagna þcr.
Af barnsins hreinu hjarta þér cg færi,
hinztu þakkir fyrir kynnin hér.
1 bernsku leik á björtum gleði stundum
þín bros ég man, og táp og dugnað þinn,
við saklaust yndi saman ávalt fundum,
eg sakna þín, en bið þess vinur minn.
Að „barna vinur bezti“, á himni sínum,
í bjarta og fagra eilífð leiði þig.
Hann Ijósið sé á lífsins vegi þínum,
sem liggur nú um æðri þroska stig.
Og blíði Jesú býður nú, sem forðum,
börnunum að koma í faðminn sinn.
Þeim hann boðar það í lífsins orðum.
„Þeirra er ríkið guðs og himininn.“
Við góðan dreng eg geyini fögur kynni,
scm geisli bjartur liðin æfi skín.
Eg kveð þig vinur, heitt í hinzta sinni,
og hugljúf hjá mér lifir minning þín.
Efnahagsfrumvarpið.
Um það leyti sem efnahagsfrumvarp ríkis-
stjórnarinnar kom fyrir almenningssjónir og
gengisfellingin blasti við, bárust Faxa þessar
gamansömu vísur frá einum snjallasta hag-
yrðingi Keflavíkur, Ágúst L. Péturssyni.
Með Óla hefir eignast jóð,
Emelía kerling.
Hefir hvorki hold né blóð,
heitir: Gengisfelling.
Þykir hvimleitt þetta grey,
þegar það fer að labba.
Landsins glæðir lánið ei.
Líkist mömmu og pabba.
Á síðastliðnu sumri heimsótti Ágúst æsku-
stöðvar sínar í Dölum vestur og hafði þá
ekki komið þar í 60 ár. — Varð honum þá
þessi vísa á munni:
Nú geng ég hér um gamlan æskureit
Eg geng um mína fögru dalasveit.
Eg átti hérna öll mín bernskuspor,
og ævi minnar hugljúft sólskinsvor.
I