Faxi - 01.03.1960, Blaðsíða 2

34
F A X I
Magnús Bergmann skipstjóri.
um er Mannheim dieselvél, 400 ha. Búinn
er hann öllum nýjustu siglingatækjum,
t. d. radar af Hughes gerð (50 mílna),
fiskileitar Astic af Simrad gerð, auk dýptar-
mæla af sömu gerð. I bátnum er einnig
vönduð miðunarstöð auk hinnar venju-
legu talstöðvar. Þá er einnig rafknúinn og
sjálfvirkur stýrisútbúnaður í skipinu. Allar
vistarverur skipverja eru rúmgóðar, bjartar
og þægilegar. Kæliklefi er þar fyrir mat-
væli og símakerfi er lagt á milli vistar-
vera, sem er hrein nýjung og til stórþæg-
inda. Ganghraði Hilmis mun vera um
11 mílur. Hann var tæpa 7 sólarhringa á
leiðinni heim, en þar af var hann ca. 16
tíma í Færeyjum. A heimleiðinni hreppti
báturinn slæmt veður og telur skipstjóri
Leiðrétting.
I afmælisgrein um frá Kristínu Hansdóttur
níræða í síðasta tbl. Faxa slæddust inn leiðar
prentvillur, sem lesendur eru beðnir að af-
saka. I greininni stóð þessi klausa á 23. síðu,
fyrsta dálki til vinstri: . . . frá Grímstungu
fór ég að Melrakkadal í sömu sveit til Jósefs
Gunnlaugssonar, sem þá bjó þar ekkjumað-
ur. I Núpukoti bjuggum við í 3 ár, o. s. frv.
Rétt er greinin þannig: . . . frá Grímstungu
fór ég að Melrakkadal í Þorkelshólshreppi og
var þar eitt ár, en réðist þá sem ráðskona að
Nýpukoti í sömu sveit til Jósefs Gunnlaugs-
sonar, sem þar þjó þá ekkjumaður. í Nýpu-
koti bjuggum við í 3 ár, o. s. frv.
I sama blaði varð einnig brenglun í niður-
lagsorðum greinarinnar um byggðarsafn í
Keflavík. Niðurlag greinarinnar átti að orð-
ast þannig: Við fslendingar nútímans eigum
þessu ágæta landi okkar skuld að gjalda.
Engum sona þess hefir vegnað betur en
hann hið bezta sjóskip. Kjölurinn að
bátnum var lagður í byrjun desember s.l.
en hann var afhentur fulltilbúinn núna
þann 28. febrúar.
Eins og menn vita, hefir Sigurbjörn
mörg undanfarin ár átt bát með þessu
sama nafni, sem hefir reynzt hið mesta
happaskip. Á s.l. hausti seldi hann þann
bát til Vestmannaeyja.
Skipstjóri á þessum nýja Hilmi, verður
Einar Guðmundsson, sá sami og verið
hefir með Hilmi gamla mörg undanfarin
ár, mikill dugnaðar- og aflamaður og ávallt
í röð fengsælustu skipstjóra hér um slóðir.
Fyrsti vélstjóri verður Eiríkur Sigurðsson,
Smáratúni 12. Hefir hann einnig verið um
9 ára skeið á útvegi Sigurbjörns Eyjólfs-
sonar. Stýrimaður verður Guðbjörn Ingv-
arsson. Báturinn mun fara á net.
Einar Guðmundsson skipstjóri.
okkur. Við kunnum sögu þjóðarinnar eins og
forfeðurnir hafa skilað henni okkur i hendur
og skiljum, hve mikinn þátt hún á í velgengni
okkar og menningu. Sú þjóð, sem enga á
Söguna, á sér lítinn tilverurétt. Þess vegna
ber okkur líka að ávaxta arf feðranna, —
að varðveita minjar og myndir úr þjóðlífinu
þannig, að komandi kynslóðir njóti verka
okkar og blessi þau.
60.G52 farþegar.
Samkvæmt tilkynningu frá ílugvallarstjór-
anum á Keflavíkurflugvelli fóru 1.201 far-
þegaflugvélar um Keflavíkurflugvöll árið sem
leið, en 1.146 árið áður. Flestar lendingar hafði
Pan American, eða 402 (349 árið áður), Trans
World Airlines 133 (106), K.L.M. 113 (78) og
B.O.A.C. 103 (135). — Um Keflavíkurflug-
völl fóru 60.652 farþegar (43.775 árið áður),
en aðeins 728 þeirra voru farþegar til Islands.
Símahappdrætti
Styrktarfélags lamaðra og fatlaðra. Eins og
auglýsing hér í blaðinu ber með sér, hefir
Styrktarfélag lamaðra og fatlaðra í Reykja-
vík ákveðið, að efna til símahappdrættis með
sama fyrirkomulagi og félagið hefir haft s.l.
2 ár, með þeirri breytingu þó, að nú bætast
2 kaupstaðir við, Akureyri og Keflavík, en
undanfarin ár hefir happdrættið einungis náð
yfir Hafnarfjörð og Reykjavik, enda miðast
þetta einungis við sjálfvirku símstöðvarnar.
Haft er eftir framkvæmdastjóra félagsins.
Sveinbirni Finnssyni, að símnotandi fái af-
hentan miða, um leið og hann greiðir afnota-
gjaldið af síma sínum og veitir miðinn hon-
um rétt til að kaupa happdrættismiða með
eigin númeri. Verð miðans er 100 krónur. Ef
símnotandi er ekki búinn að notfæra sér
heimildarmiðann fyrir 15. maí 1960, verður
hann seldur hverjum sem hafa vill, en svo
verður dregið 21. júní í sumar. Aðalvinn-
ingarnir verða 2, Opel Caravan bifreið, verð-
lögð á kr. 160.000,00, og Volkswagen bifreið
af stationgerð, verðlögð á kr. 150.000,00. Þó
verða 4 aukavinningar, sem eru ávísun á
vöruúttekt. Er hver þeirra verðlagður á kr.
10.000,00. Verður samstundis hringt í vinn-
ingsnúmerin og dráttur hefir farið fram.
Ágóði af þessu símahappdrætti mun renna
til æfingarstöðvar félagsins að Sjafnargötu 14
og ennfremur til sumarheimilis fyrir fötluð
börn, en slíkt sumarheimili var starfrækt í
fyrrasumar að Varmalandi með mjög góð-
um árangri. Þá er einnig í ráði hjá félaginu,
að koma upp húsnæði i Reykjavík, sem
fatlað fólk utan af landi hefði afnot af, ef
það kæmi til bæjarins. Tilgangur félagsins
er, að starfa fyrir allt landið, en margt fólk
utan af landsbyggðinni hefir ekki getað not-
fært sér starfsemi félagsins, þar eð það hefir
enn sem komið er ekki getað séð því fyrir
samastað.
í bréfi S. L. F. til símnotenda segir í lokin:
„Með aðstoð yðar við fyrri símahappdrætti
S. L. F. áttuð þér yðar þátt í því, að hægt
var að halda áfram rekstri æfingastöðva fé-
lagsins, og kann það yður alúðar þakkir fyrir.
Lamaðir og fatlaðir, sem nú njóta meðferðar
á æfingastöðinni, eða biða eftir að komast að,
vona, að þér bregðizt einnig vel við NÚ, og
hjálpið þeim til þess að geta hjálpað sér
sjálfir.“ ,
Faxi tekur eindregið undir þessi tilmæli.
Hér er um merkilegt og göfugt mannúðar-
starf að ræða, sem allir heilbrigðir og rétt-
sýnir þegnar þessa þjóðfélags ættu fúslega að
vilja styrkja með ráðum og dáð, jafnframt
því sem þeir í þessu tilfelli fá gott tækifæri
til að freista sinnar eigin gæfu, þar sem
happdrættið býður upp á glæsilega vinninga.
Keflvíkingar og aðrir Suðurnesjabúar hafa
oft og mörgum sinnum sýnt það í verki,
þegar til þeirra hefir verið leitað í mann-
úðarskyni, að þeir hafa hjartað á réttum
stað. Vonandi á það enn eftir að sýna sig.